ꓞꓲꓼ ꓪꓴꓽ ꓢꓴ ꓐꓴ ꓐꓱ ꓶ꓾ ꓔꓲꓺ ꓒ ꓪ ꓔꓲ ꓡꓰ ꓪꓽ ꓘꓴ ꓖꓶꓽˍ ꓟ

ꓚꓳꓣꓳꓠꓮ ꓠꓻ ꓫꓵꓽ ꓒꓬꓱꓼ ꓔꓬꓹ ꓟ ꓘꓴꓽ ꓠꓯꓸꓼ ꓗꓪ ꓕꓲꓽ ꓣꓳ ꓔꓵꓸ ꓔꓬꓹ ꓢꓲ ꓫꓵꓻ ꓗꓷ ꓪˍ ꓟ ꓔꓯ ꓙꓳꓺ ꓔꓬꓹ ꓟ ꓞꓲꓼ ꓪꓴꓽ ꓢꓴ ꓐꓱ ꓶ ꓔꓲꓺ ꓒ ꓪ ꓔꓲ ꓪꓽ ꓘꓴ ꓖꓶˍ ꓟ

ꓚꓳꓣꓳꓠꓮ ꓠꓻ ꓫꓵꓽ ꓒꓬꓱꓼ ꓔꓬꓹ ꓟ ꓘꓴꓽ ꓠꓯꓸꓼ ꓗꓪ ꓕꓲꓽ ꓣꓳ ꓔꓵꓸ ꓔꓬꓹ ꓢꓲ ꓫꓵꓻ ꓗꓷ ꓪˍ ꓟ ꓔꓯ ꓙꓳꓺ ꓔꓬꓹ ꓟ ꓞꓲꓼ ꓪꓴꓽ ꓢꓴ ꓐꓱ ꓶ ꓠꓽ-ꓢ-ꓠꓬꓲ ꓠꓯꓼ ꓠꓯꓼ ꓟꓲ-ꓢ ꓪꓽ ꓘꓴˍ ꓟ ꓗꓪ  ꓔꓲꓺ ꓒ ꓪ ꓔꓲ  ꓝꓣꓮꓠꓚꓲꓢ ꓡꓰ ꓪꓽ ꓘꓴ ꓖꓶˍ ꓗꓷꓳ=

ꓞꓲꓼ ꓪꓴꓽˍ ꓟ ꓞꓳꓻ ꓟꓳꓽ ꓐꓴ ꓐꓱ ꓶ ꓣꓳ ꓐꓴ ꓪꓽ ꓘꓴ ꓙ ꓖꓶꓽ ꓡꓯ꓾ ꓟꓬꓽ ꓠꓬꓲ ꓠꓬ ꓞꓳꓻ ꓟꓳꓽ ꓠꓽ ꓔꓶꓸ ꓗꓪ ꓔꓬꓹ ꓢꓲ꓾ ꓙꓳꓺ ꓛꓱꓽ ꓔꓬꓹ ꓟ ꓞꓳꓻ ꓟꓳꓽ ꓐꓴ ꓐꓱ ꓶꓼ ꓪꓽ ꓘꓴ ꓙ ꓖꓶ ꓡꓯ ꓐꓰ 4 ꓦ ꓟ 15 ꓠꓬꓲ ꓠꓯꓼ ꓕꓯ ꓐꓯ ꓖꓶꓽ ꓗꓷ ꓟ ꓥꓳ=

ꓞꓲꓼ ꓪꓴꓽ ꓢꓴ ꓐꓴ ꓠꓬ ꓣꓳꓽ ꓐꓴ ꓬꓲꓸ ꓝꓳꓹ ꓟꓶ ꓾ ꓣꓳꓽ ꓚꓺ ꓟꓲꓽ꓾ ꓣꓳꓽ ꓒꓬꓱꓼ ꓡ ꓗꓷ ꓟ ꓚꓱꓹ ꓥ ꓟ ꓾ ꓟꓵꓽ ꓗꓳꓹ ꓓꓵꓺ ꓓꓵꓺ ꓗꓪ ꓕꓱ ꓡꓰ ꓐꓰ ꓫꓸ ꓙꓵ ꓓꓴ ꓔꓳꓹ ꓜꓳꓽ ꓔꓬꓹ ꓕꓯ ꓙꓳꓺ ꓛꓱꓽ ꓔꓬꓹ ꓟ ꓞꓲꓼ ꓪꓴꓽ ꓢꓴ ꓐꓴ ꓔꓯ ꓪꓴ-ꓢ ꓠꓬ ꓬꓲꓸ ꓪ ꓒ ꓕꓲꓹ ꓗꓪ ꓔꓬ ꓢꓲ꓾ ꓡꓳꓸ ꓙ ꓖꓶꓽ ꓠꓹ ꓟ ꓪꓽ ꓘꓴ ꓡꓯ ꓐꓰ ꓾ ꓐꓯ ꓗꓷ ꓟ ꓥꓳ=

ꓚꓳꓦꓲꓓ-19 ꓠꓬ ꓟꓲꓺ ꓠꓯꓺ ꓞꓳ ꓤ ꓮ ꓟꓬꓹ ꓔꓯ ꓠꓷꓼ ꓗꓷ ꓟ ꓐꓰ ꓞꓲꓼ ꓪꓴꓽ ꓢꓴ ꓐꓴ ꓔꓬꓹ ꓗꓪ ꓢꓲꓽ ꓫꓬ ꓑ ꓑ ꓔꓯ ꓛꓲꓺ ꓬꓰ ꓠꓹ ꓟ ꓐꓱ ꓶ ꓞꓬꓲ-ꓗ-ꓖꓳ ꓢ-ꓢꓶ-ꓠ ꓗꓪ ꓟ ꓬꓲꓸ ꓞꓲꓼ 60 ꓘꓳꓼ ꓠꓯꓸ ꓘꓪ ꓟ ꓔꓲꓺ ꓒ 24 ꓣꓳ ꓔꓯ ꓣꓱꓽ ꓙ ꓢꓴ ꓐꓯ ꓢꓲ ꓔꓲꓺ ꓖꓶꓽ ꓔ ꓟ ꓥꓳ=

ꓟꓲ-ꓢ ꓪꓽ ꓘꓴˍ ꓟ ꓡꓳꓹ ꓬꓰˍ ꓕꓯ ꓔꓲꓺ ꓒ ꓪ ꓔꓲ ꓠꓬ꓾ ꓟꓴ ꓗꓪ ꓪ ꓔꓲꓸ ꓟ(Regina Ceoli) ꓪꓽ ꓘꓴ ꓓꓴ ꓔꓯ ꓘꓴ ꓢꓲ꓾ ꓟꓹ ꓟ ꓟ-ꓡꓲ ꓗꓪ ꓐꓰ ꓕꓲꓽ ꓝ ꓪꓽ ꓘꓴ ꓖꓶꓽ ꓗꓷ ꓟ ꓥꓳ ꓐꓰ ꓚꓠꓮ ꓓꓳꓽ ꓗꓪ ꓐꓯ ꓔ ꓡꓳ=