ꓦ ꓟꓲ /ꓓꓰꓺ ꓟꓲꓺ ꓔꓶꓻ ꓫꓵꓽ ꓔꓶꓻ ꓙꓰ ꓔꓶ ꓜꓽ ꓢꓴ ꓐꓴ ꓟꓬꓱꓺ ꓓꓳꓽ ꓔꓯ ꓒꓵꓽ ꓗ ꓬꓰ ꓖꓶ ꓠꓹ ꓟ ꓔꓲꓺ ꓒ ꓪ ꓔꓲ ꓐꓯ ꓖꓶˍ ꓟ

ꓴꓢ ꓗꓪ ꓟ ꓟꓬꓱꓽ ꓬꓰ ꓢꓴ ꓐꓴ

5 ꓦ ꓟ 1 ꓠꓬꓲ ꓠꓬ ꓙꓲꓻ ꓫꓬ ꓢꓴ ꓬꓳ-ꓢꓰ ꓟꓬꓱꓽ ꓬꓰ ꓒ ꓑꓮꓲꓽ ꓔꓯ ꓣꓳ ꓘꓴ ꓜꓲꓼ ꓞꓳ ꓠꓬ ꓬꓰ ꓗꓷꓳ= ꓑꓮꓲ ꓖꓳ ꓟ ꓔꓯ ꓬꓰˍ ꓟ ꓠꓬ ꓙꓲꓻ ꓫꓬ ꓢꓴ ꓬꓳ-ꓢꓰ ꓔꓯ ꓒꓵꓽ ꓗ ꓬꓰˍ ꓟ ꓡꓰ ꓐꓰ꓾ ꓟꓬꓱꓽ ꓬꓰ ꓢꓴ ꓮ ꓙꓵꓽ ꓔꓯ ꓥˍ ꓟꓲ ꓟꓬꓱꓺ ꓓꓳꓽ ꓖꓶ ꓠꓲꓹ ꓫꓵˍ ꓟ꓾ ꓬꓳ-ꓢꓰ ꓡꓰ ꓐꓰ ꓔꓱꓹ ꓚꓵ ꓢꓲ ꓟꓬꓱꓽ ꓢꓯꓼ ꓕꓵꓼ ꓝꓲ ꓠꓲꓹ ꓫꓵˍ ꓟ ꓪꓴꓸ ꓠꓬꓲ ꓥꓳ=

ꓖꓳ 5 ꓦ ꓟ 1 ꓠꓬꓲ ꓗꓪ ꓠꓬ ꓔꓲ ꓒ ꓪ ꓔꓲ ꓗꓪ ꓐꓰ꓾ ꓟꓵꓽ ꓗꓳꓹ ꓓꓵꓺ ꓓꓵꓺ ꓗꓪ ꓟ ꓟꓬꓱꓽ ꓬꓰ ꓢꓴ ꓐꓴ ꓗꓪ ꓐꓰ꓾ ꓐꓳꓻ ꓩꓴ ꓡˍ ꓟ ꓕꓳꓽ ꓶ ꓮ ꓟꓬꓹ ꓔꓯ ꓘꓳꓹ ꓣꓴ ꓟꓶ ꓗꓷꓳ= ꓕꓳꓽ ꓶ ꓖꓳ ꓟ ꓗꓪ ꓠꓬ꓾ ꓟꓬꓱꓽ ꓬꓰ ꓢꓴ ꓐꓴ ꓬꓲꓸ ꓪ ꓔꓳꓹ ꓜꓳꓽ ꓔꓬ ꓟ ꓫ ꓙꓵ ꓓꓴ ꓐꓹ ꓡꓳ=ꓦ ꓟꓲ /ꓓꓰꓺ ꓟꓲꓺ ꓔꓶꓻ ꓫꓵꓽ ꓔꓶꓻ ꓙꓰ ꓔꓶ ꓜꓽ ꓢꓴ ꓐꓴ ꓚꓱꓹ ꓔꓯ ꓟꓳꓸ ꓬꓲ ꓮ ꓘꓶꓸ ꓠꓲꓹ ꓟ ꓫꓸ ꓗꓷ ꓟ꓾ ꓦ ꓟꓲ /ꓓꓰꓺ ꓟꓲꓺ ꓔꓶꓻ ꓫꓵꓽ ꓔꓶꓻ ꓙꓰ ꓔꓶ ꓜꓽ ꓢꓴ ꓮ ꓟꓬꓹ ꓠꓬ꓾ ꓕꓲꓽ ꓖ ꓗꓪ ꓐꓰ ꓝꓮꓲ ꓕꓲ ꓖ ꓗꓪ ꓚꓵꓸ ꓙꓰ ꓢꓲ꓾ ꓔꓶꓻ ꓜꓽ ꓔꓶꓻ ꓓꓳ ꓢꓴ ꓥ ꓡꓳ= ꓬꓲ ꓪ ꓐꓴ ꓠꓬ ꓲ-ꓔ-ꓡꓲ ꓗꓴꓷꓼ ꓗꓶꓽ ꓗꓪ ꓟꓬꓱꓽ ꓬꓰ ꓔꓬ ꓖꓴˍ ꓡꓳ꓾ ꓐꓰ ꓔꓲꓺ ꓒ ꓪ ꓔꓲ Francis ꓡꓰ ꓐꓯ ꓗꓷꓳ=

ꓬꓲꓸ ꓪ ꓐꓴ ꓠꓬ ꓟꓽ ꓠꓽ ꓠꓽ ꓑ ꓫꓬꓼ ꓡꓳꓸ ꓟꓯꓼ ꓐꓴ  ꓡꓰ ꓤꓶˍ ꓟ ꓟꓶ ꓗꓷ ꓟ ꓥꓳ= ꓮ ꓟꓶ ꓟ ꓦꓬꓼ ꓠꓬꓲ ꓗꓪ ꓒꓬꓱꓼ ꓔꓬ ꓟ ꓠꓻ ꓫꓵꓽ ꓠꓬ ꓞꓳ ꓫꓵꓽ ꓮ ꓡꓰ ꓟ ꓕꓯꓽ ꓢꓲ ꓗꓪ ꓟꓲ ꓫꓸ ꓡꓰ ꓝꓲˍ ꓡꓳ ꓐꓯꓸ ꓥˍ ꓟꓲ꓾ ꓞꓳ ꓤ ꓐꓴ ꓟꓬꓱꓺ ꓓꓳ ꓔꓯ ꓮ ꓕꓯꓹ ꓟꓲ ꓒꓵꓽ ꓠ ꓗꓹ ꓟ ꓔꓯ ꓔꓲꓺ ꓒ ꓪ ꓔꓲ ꓡꓰ ꓐꓯ ꓖꓶ ꓗꓷꓳ=

ꓞꓲ ꓠꓲꓹ 4 ꓦ ꓟ 16 ꓠꓬꓲ ꓕꓯ Caritas Europa ꓗꓪ ꓐꓰˍ ꓟꓲ꓾ ꓚꓳꓦꓲꓓ-19 ꓠꓻ ꓫꓵꓽ ꓦꓬꓼ ꓠꓬꓲ ꓘꓴꓽ ꓗꓪ ꓜꓽ ꓓꓴ ꓟꓽ ꓙꓳ ꓗꓷ ꓡꓹ ꓟ ꓔꓯ ꓙꓳꓺ ꓛꓱꓽ ꓔꓬꓹ ꓟ ꓪꓴꓸ ꓠꓬꓲ꓾ ꓕꓲꓽ ꓖ ꓗꓪ ꓐꓰ ꓝꓮꓲ ꓕꓲ ꓖ ꓗꓪ ꓚꓵꓸ ꓙꓰ ꓢꓲ꓾ ꓔꓶꓻ ꓫꓵꓽ ꓔꓶꓻ ꓙꓰ ꓔꓶ ꓜꓽ ꓢꓴ ꓐꓴ ꓟꓶꓺ ꓙꓲꓽ ꓙꓳˍ ꓟ ꓔꓯ ꓣꓱꓽ ꓙ ꓖꓶ ꓠ ꓟ ꓐꓱ ꓶ꓾ Europa ꓗꓪ ꓟ ꓗꓴꓷꓼ 46 ꓗꓴꓷꓼ ꓔꓯ ꓓꓰꓽ ꓗꓷ ꓟ ꓥꓳ=

https://bit.ly/2W7XBYr

Credit to Vatican News

Add new comment

1 + 0 =