ꓪꓴ-ꓢ ꓶꓼ ꓓꓳꓽ ꓫꓱꓸ ꓓꓳꓽ ꓗꓹ ꓛꓲ_ ꓟ ꓓꓳꓽ ꓔꓯ ꓕꓲꓽ ꓠꓲꓹ ꓕꓲ ꓪꓼ ꓢꓷꓸ ꓙ ꓟꓳ ꓙ ꓠꓹ ꓟ

ꓪꓴ-ꓢ ꓶꓼ ꓓꓳꓽ ꓫꓱꓸ ꓓꓳꓽ ꓗꓹ ꓛꓲ_ ꓟ ꓓꓳꓽ ꓔꓯ ꓕꓲꓽ ꓠꓲꓹ ꓕꓲ ꓪꓼ ꓢꓷꓸ ꓙ ꓟꓳ ꓙ ꓠꓹ ꓟ

ꓔꓲꓺ ꓒ ꓪ ꓔꓲ ꓡꓰ ꓪꓴ-ꓢ ꓶꓼ ꓓꓳꓽ ꓫꓱꓸ ꓓꓳꓽ ꓗꓹ ꓛꓲ_ ꓟ ꓓꓳꓽ ꓔꓯ ꓕꓲꓽ ꓠꓲꓹ ꓕꓲ ꓪꓼ ꓢꓷꓸ ꓙ ꓟꓳ ꓙ ꓟ ꓗꓪ ꓐ ꓠꓹ ꓟ ꓐꓱ ꓶ ꓙꓲ ꓢꓴ ꓢꓲ ꓤ ꓐꓴ ꓔꓯ ꓘꓴ ꓔ ꓡꓳ꓾

ꓙꓲ_ ꓟ ꓢꓲꓹ ꓪꓰ ꓢꓶꓹ ꓢꓶꓽ ꓐꓱ ꓶ ꓪꓴ-ꓢ ꓔꓯ ꓫꓸ ꓟꓳ ꓐꓰ ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓡꓰ ꓖꓴ ꓪꓴꓸ ꓲ-ꓔ-ꓡꓲ ꓗꓪ ꓕꓱ ꓕꓲꓽ ꓫꓵ ꓠꓽ ꓬꓰ_ ꓟ Waldensians ꓐꓰ Methodists ꓪꓽ ꓘꓴ ꓦꓲꓻ ꓢꓬꓠꓳꓓ ꓢꓳ ꓜꓲꓼ ꓓꓴ ꓗꓪ Telegram ꓗꓪ ꓐꓰ ꓙꓲ ꓢꓴ ꓢꓲ ꓤ ꓐꓴ ꓐꓰ ꓕꓲ ꓪꓼ ꓢꓷꓸ ꓙ ꓟꓳ ꓙ ꓠꓹ ꓟ ꓐꓱ ꓶ ꓕꓳ ꓶ ꓐꓰ ꓢꓯꓼ ꓖꓶ ꓔ ꓡꓳ꓾ ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓡꓰ ꓙꓲ ꓢꓴ ꓢꓲ ꓤ ꓐꓴ ꓔꓯ ꓗꓹ ꓛꓲ_ ꓟ ꓓꓳꓽ ꓔꓯ ꓕꓲ ꓠꓲꓹ ꓕꓲ ꓪꓼ ꓢꓷꓸ ꓙ ꓟꓳ ꓙ ꓠꓹ ꓟ ꓐꓱ ꓶ ꓮ ꓙꓵꓽ ꓔꓯ ꓘꓴ_ ꓟ ꓥꓳ꓾

ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓡꓰ ꓕꓱ ꓢꓳ ꓜꓲꓼ ꓓꓴ ꓗꓪ ꓜꓲꓼ ꓡ ꓢꓴ ꓐꓴ ꓮ ꓙꓵ ꓔꓯ ꓢꓲ ꓒꓽ ꓬꓰ-ꓢꓴ ꓐꓰ ꓬꓲꓼ ꓠꓬꓲ ꓤ ꓠꓲꓹ ꓟ ꓐꓰ ꓜꓲ ꓡꓯꓼ ꓘꓳ_ ꓟ ꓠꓬ ꓮ ꓙꓵ ꓔꓯ ꓬꓲꓸ ꓠꓯꓸ_ ꓟ ꓐꓲ ꓐꓲ ꓜꓲꓼ ꓜꓲꓼ ꓠꓲꓹ ꓡꓱ ꓡꓱ ꓐꓰ ꓐꓰ ꓘꓳꓹ ꓣꓴ ꓠꓹ ꓟ꓾ ꓙ ꓖꓴ ꓚꓱꓹ ꓟꓸ ꓖꓶ_ ꓟ꓾ ꓙ ꓖꓴ ꓧꓳꓽ ꓟꓳꓸ ꓖꓶ ꓢꓴ ꓗꓷ ꓡꓰ ꓠꓹ ꓟ ꓐꓱ ꓶ ꓔꓲꓺ ꓒ ꓪ ꓔꓲ ꓡꓰ ꓐꓯ ꓔ ꓡꓳ=

ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓡꓰ ꓡꓯꓽ ꓒꓯꓹ ꓛꓱꓺ ꓢꓲ ꓪꓴ-ꓢ ꓠꓯꓼ ꓗꓪ “ꓙꓲ ꓢꓴ ꓢꓲ ꓤ ꓐꓴ ꓕꓲ ꓠꓲꓹ ꓕꓲ ꓪꓼ ꓜꓲꓼ_ ꓟ꓾ (ecumenical dialogue) ꓗꓪ ꓐꓰ ꓖꓶ_ ꓟ ꓡꓯꓼ ꓫꓴꓻ ꓝꓮꓲ ꓙꓲ ꓢꓴ ꓢꓲ ꓤ ꓐꓴ ꓮ ꓙꓵ ꓕꓲ ꓠꓲꓹ ꓕꓲ ꓪꓼ ꓐꓰ ꓝꓴꓲ ꓣꓷꓠꓸ ꓡꓯꓼ ꓘꓳ ꓠꓹ ꓟ ꓐꓱ ꓶ ꓪꓽ ꓘꓴ ꓖꓶ_ ꓡꓳ꓾ ꓣꓳ ꓮ ꓙꓵ ꓪꓴ-ꓢ ꓶꓼ ꓓꓳ ꓫꓱꓸ ꓓꓳ ꓗꓹ ꓛꓲ_ ꓟ ꓓꓳꓽ ꓔꓯ ꓕꓲ ꓠꓲꓹ ꓕꓲ ꓪꓼ ꓢꓷꓸ ꓙ ꓟꓳ ꓙ ꓠꓹ ꓟ ꓗꓪ ꓣꓳ ꓢꓷꓸ ꓔ ꓟ ꓢꓷꓸ ꓠꓲꓹ ꓔꓯ ꓕꓲ ꓣꓳ ꓐꓰ ꓕꓲ ꓣꓳ ꓙꓻ ꓡꓯꓼ ꓘꓳ ꓠꓹ ꓟ ꓐꓱ ꓶ ꓦ ꓢꓯꓼ ꓪ ꓠꓲꓹ ꓟ ꓘꓴꓽ ꓗꓪ ꓔꓬ ꓠꓹ ꓟ ꓠꓲꓹ ꓡꓶꓽ ꓙꓳ_ ꓟ ꓔꓯ ꓥ ꓟꓲ ꓐꓯ ꓔ ꓡꓳ=

ꓕꓱ ꓢꓳ ꓜꓲꓼ ꓓꓴ ꓐꓱ ꓶ ꓙꓲ_ ꓟ ꓕꓲ ꓒꓳꓹ ꓗꓪ ꓐꓰ ꓗꓷ ꓡꓰ ꓠꓹ ꓟ꓾ ꓪꓴ-ꓢ ꓠꓯꓼ ꓗꓪ ꓐꓰ ꓶꓼ ꓤ ꓫꓱꓸ ꓤ ꓪ ꓟꓶ ꓠꓹ ꓟ ꓐꓯ ꓔ ꓡꓳ=

An Italian Church ꓗꓪ ꓐꓰ “The Union of Methodist and Waldensian Churches ꓔꓯ 1975 ꓘꓳꓼ ꓕꓯ ꓲ-ꓔ-ꓡꓲ ꓗꓴꓷꓼ ꓗꓪ ꓘꓴ ꓜꓲꓼ ꓞꓳ ꓪꓴꓸ ꓔꓴ ꓡ_ ꓟ ꓔꓯ ꓢꓷꓸ ꓪ ꓡꓳ= ꓕꓱ ꓗꓪ ꓐꓰ Waldensian Evangelical church ꓐꓰ Evangelical Methodist church ꓐꓯ ꓢꓲ꓾ ꓲ-ꓔ-ꓡꓲ ꓗꓴꓷꓼ ꓗꓪ ꓔꓲ ꓪ ꓒꓬꓱꓼꓡꓰ ꓟ ꓥꓳ= ꓕꓱ ꓜꓴ ꓗꓪ ꓞꓳ ꓤ 50000 ꓣꓳ ꓛꓲ ꓔꓬ ꓟ ꓥꓳ꓾ ꓖꓳ ꓗꓪ ꓐꓰ 5000 ꓠꓬ Methodist ꓥ ꓢꓲ꓾ 45000 ꓠꓬ Waldensians ꓥ ꓡꓳ꓾ ꓞꓳ ꓤ ꓟꓬ ꓠꓬꓲ ꓠꓬ ꓲ-ꓔ-ꓡꓲ ꓗꓪ ꓐꓰꓥ ꓢꓲ꓾ ꓕꓲ ꓐꓱ ꓠꓬ Argentina ꓐꓰ Uruguay ꓗꓴꓷꓼ ꓗꓪ ꓐꓰ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=