6 ꓦ ꓟ ꓘꓴꓽ ꓗꓪ ꓟꓵꓽ ꓗꓳ ꓓꓵ ꓓꓵ ꓗꓪ ꓫ. ꓙꓵꓻ ꓟꓶ ꓙꓵꓻ ꓔꓬ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓠꓹ ꓟ

6 ꓦ ꓟ ꓘꓴꓽ ꓗꓪ ꓟꓵꓽ ꓗꓳ ꓓꓵ ꓓꓵ ꓗꓪ ꓫ. ꓙꓵꓻ ꓟꓶ ꓙꓵꓻ ꓔꓬ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓠꓹ ꓟ

ꓟꓵꓽ ꓗꓳꓸ ꓓꓵ ꓓꓵ ꓗꓪ ꓫ. ꓙꓵꓻ ꓟꓶ ꓙꓵꓻ ꓔꓬ ꓢꓴ ꓐꓴ ꓐꓱ ꓶ 6 ꓦ ꓘꓴꓽ ꓗꓪ ꓪꓽ ꓘꓴ ꓙ ꓠꓹ ꓟ ꓥ ꓡꓳ= ꓟꓲ ꓠꓯ ꓕꓯ ꓢꓲ ꓗꓪ ꓙꓲ‐ꓢꓴ ꓢꓲꓺ ꓤ ꓐꓴ ꓮ ꓟꓬ, ꓟꓽ ꓙꓲꓻ ꓢꓴ ꓐꓴ ꓡꓰ ꓖꓶ ꓟ ꓫ. ꓙꓵꓻ ꓟꓶ ꓙꓵꓻ ꓓꓴ ꓮ ꓟꓬ, ꓔꓳꓹ ꓜꓳ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ 6 ꓦ ꓘꓴꓽ ꓗꓪ ꓕꓲ ꓟꓲ ꓠꓯ ꓡꓱꓼ ꓗꓪ ꓫ. ꓙꓵꓻ ꓟꓶ ꓙꓵꓻ ꓔꓬ ꓢꓴ ꓙꓲ‐ꓢꓴ ꓢꓲꓺ ꓤ ꓐꓴ ꓮ ꓙꓵꓽ ꓢꓴ ꓐꓱ ꓶ ꓪꓽ ꓘꓴ ꓙ ꓠꓹ ꓟ ꓥ ꓡꓳ꓿

ꓟꓲ ꓠꓯ ꓕꓯ ꓢꓲ ꓗꓪ ꓮ ꓟꓬ, ꓫ. ꓓꓴ ꓔꓳ, ꓜꓳ ꓔꓬ ꓢꓴ ꓙꓲ‐ꓢꓴ ꓢꓲ ꓤ ꓐꓴ ꓮ ꓟꓬ, ꓙꓳ ꓡꓳ꓿ ꓗꓴꓷꓼ ꓘꓴꓽ ꓗꓪ ꓢꓰꓼ ꓡꓯꓽ ꓘꓳ_ ꓟ ꓪꓴ. ꓠꓬꓲ ꓕꓲ ꓐꓱ ꓠꓬ ꓗꓴꓷꓼ ꓧꓳꓽ ꓪꓴ. ꓟꓴ ꓢꓴ ꓐꓴ ꓟꓽ ꓙꓲꓻ ꓟ ꓪꓴ. ꓠꓬꓲ ꓝꓮꓲ ꓜꓴꓻ꓾ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓔꓬ ꓢꓴ ꓐꓴ ꓟꓽ ꓙꓲꓻ ꓕꓲ ꓒꓳ, ꓗꓪ ꓐꓰ ꓧꓳꓽ ꓣꓱ ꓔꓬ ꓟ ꓪꓴ. ꓠꓬꓲ ꓙꓲ‐ꓢꓴ ꓢꓲꓺ ꓤ ꓐꓴ ꓮ ꓟꓬ, ꓫ. ꓙꓵꓻ ꓟꓶ ꓙꓵꓻ ꓔꓬ ꓡꓳ ꓐꓰ ꓔꓲꓺ ꓒ ꓪ ꓔꓲ ꓡꓰ ꓐꓯ ꓔ ꓡꓳ꓿ ꓡ ꓞꓳ ꓢꓰꓼ ꓟ ꓟꓽ ꓙꓲꓻ ꓟ ꓟꓬꓱꓽ ꓮ ꓙꓵꓽ ꓔꓯ ꓠꓽ ꓗꓷ ꓠ, ꓟ ꓝꓮꓲ ꓡ ꓞꓳ ꓕꓲ ꓣꓳ ꓔꓯ ꓪꓽ ꓘꓴ ꓡꓰ ꓚꓰꓼ ꓔ ꓟ ꓡꓯ ꓫꓴꓻ ꓔꓯ ꓞꓳ ꓒꓵꓽ ꓗꓴ. ꓠ, ꓟ ꓬꓰ ꓡꓯ ꓐꓰ ꓐꓯ ꓔ ꓡꓳ꓿ ꓗꓴꓷꓼ  ꓫꓵꓽ ꓪꓴꓽ ꓝꓮꓲ ꓠꓱ. ꓐꓯꓼ ꓗꓴꓷꓼ ꓗꓪ ꓟꓬꓱꓽ ꓬꓰ ꓔꓬ ꓢꓴ ꓐꓴ ꓔꓯ ꓫꓵꓽ ꓪꓴꓽ ꓖꓶ ꓟ ꓚꓱ, ꓮ ꓙꓵꓽ ꓔꓯ ꓠꓽ ꓗꓷ ꓐꓰ ꓔꓲꓺ ꓒ ꓪ ꓔꓲ ꓡꓰ ꓐꓯ ꓔ ꓡꓳ꓿ ꓝꓮꓲ ꓔꓲꓺ ꓒ ꓪ ꓔꓲ ꓠꓬ ꓟꓲ ꓠꓯ ꓢꓲ ꓡꓲꓹ ꓟꓶ ꓠ, ꓟ ꓟꓽ ꓠꓽ ꓠꓽ ꓪꓽ ꓘꓴ ꓓꓴ ꓬꓰ ꓡꓯ=