ꓘꓴ ꓜꓲꓼ ꓞꓳ ꓟꓸ ꓟꓲ

ꓘꓴ ꓜꓲꓼ ꓞꓳ ꓟꓸ ꓟꓲ

ꓟ-ꓕꓲ 16ꓽ18-19 ꓝꓲꓸ ꓗꓪ ꓟ ꓟꓸ ꓟꓲ- ꓬꓰ-ꓢꓴ ꓬꓲꓸ ꓚꓲꓸ ꓛꓬꓼ ꓔꓶ ꓔ ꓟ ꓘꓴ ꓜꓲꓼ ꓞꓳ ꓟꓸ ꓟꓲ ꓥꓳ= ꓮ ꓟ ꓟꓲ ꓠꓯ ꓗꓪ ꓣꓳꓽ ꓮ ꓙꓵꓽ ꓢꓴ ꓢꓷ ꓟ ꓕꓲꓼ ꓡꓲꓹ ꓘꓴ ꓜꓲꓽ ꓞꓳ ꓠꓬ ꓵ ꓖꓴ ꓟꓽ ꓓ ꓙꓳ ꓡꓹ ꓡꓳ= ꓬꓰ-ꓢꓴ ꓠꓬ ꓘꓴ ꓞꓳ ꓕꓱ ꓟꓬ ꓟꓽ ꓔꓶ ꓔꓸ ꓟꓸ ꓢꓲꓽ ꓫꓬ- ꓕꓳꓸ ꓶ ꓗꓪ ꓫꓬ ꓫꓬꓹ ꓡꓳꓸ ꓓꓳ ꓡꓹ ꓡꓳ= ꓕꓯ ꓢꓲ ꓗꓪ ꓟ-ꓕꓲ ꓕꓳ-ꓶ 16ꓽ18-19 ꓝꓲꓸ ꓔꓯꓸ ꓮ ꓟ ꓥ ꓟꓲ ꓵ ꓠꓬꓲ ꓡꓳ= ꓖꓳ ꓡꓱ ꓥ ꓟꓲ ꓘꓳꓹ ꓣꓴ ꓟꓽ ꓐ ꓡ-ꓸ

ꓬꓰ-ꓢꓴ ꓠꓬ ꓢꓲ-ꓟꓳ ꓕꓯ ꓢꓲ ꓗꓪ ꓔꓶ ꓔꓸ ꓟ ꓘꓴ ꓜꓲꓽ ꓞꓳ ꓠꓬ- ꓬꓲꓸ ꓠꓯꓹ ꓟ ꓚꓲ ꓘꓶꓽ ꓥ_ ꓡꓳ= ꓠꓴ ꓠꓽ ꓒꓲ-ꓕꓱ ꓥꓳ ꓡꓳ ꓓꓰ ꓕꓱ ꓟ ꓕꓯ ꓢꓲ- ꓗꓪ ꓥꓪ ꓴ ꓜꓲꓼ ꓞꓳ ꓥꓪ ꓔꓶ ꓔꓹ ꓬꓰ ꓥꓳ= ꓫꓵꓼ ꓓꓴꓽ ꓬꓲꓸ ꓪꓽ ꓠꓬꓲꓹ ꓟ ꓡꓰ ꓥꓪ ꓴ ꓜꓲꓽ ꓞꓳ ꓔꓯ ꓧꓪꓹ ꓡꓰ ꓟꓽ ꓘꓴ-ꓸ ꓥꓪ ꓠꓬ ꓟꓴ ꓗꓪ ꓗꓴꓷ ꓜꓴ ꓜꓴ (ꓢꓳ-ꓕꓴꓽ ꓒꓲꓹ ꓓꓴ) ꓠꓴ ꓔꓯ ꓖꓶ ꓥꓳ- ꓟꓲ ꓠꓯ ꓗꓪ ꓠꓴ ꓡꓰ ꓞꓳ ꓔꓸ ꓟ ꓮ ꓫꓵꓽ ꓥ ꓟꓲ ꓟꓴ ꓗꓪ ꓗꓴꓷ ꓗꓪ ꓟꓲ ꓞꓳꓹ ꓔꓸ ꓥꓳ= ꓟꓲ ꓠꓯ ꓗꓪ ꓠꓴ ꓡꓰ ꓩꓴ ꓗꓷ ꓟ ꓮꓸ ꓫꓵꓽ ꓥ ꓟꓲ ꓟꓴ ꓗꓪ ꓗꓪ ꓟꓲ ꓩꓴ ꓗꓷ ꓥꓳ= ꓟꓸ ꓟꓲ ꓝꓲꓸ ꓕꓱ ꓟ ꓬꓰ-ꓢꓴ ꓬꓲꓹ ꓚꓲꓸ ꓛꓬꓽ ꓐꓯ ꓔꓹ ꓟ ꓥ_ ꓡꓳ= ꓢꓳ-ꓟꓳ ꓔꓯꓸ ꓠꓴ ꓠꓼ ꓒꓲ-ꓕꓱ ꓡꓳ-ꓓꓰ ꓔꓱ ꓟ ꓕꓯ ꓢꓲꓸ ꓥꓪ ꓘꓴ ꓜꓲ ꓞꓳ ꓔꓶ ꓔꓹ ꓥꓳ= ꓥ- ꓡꓳ= ꓡꓳꓸꓓꓰ ꓡꓳ ꓓꓰ ꓠꓬ- ꓮ ꓟꓬ ꓘꓳꓸ ꓡꓳꓼ ꓥ ꓟꓲ ꓐꓬ ꓡꓰ ꓛꓲꓽ ꓡꓰ ꓟꓽ ꓠꓹ ꓟ ꓡꓰ ꓐꓰ ꓬꓰ-ꓢꓴ ꓔꓶ ꓔꓸ ꓟ ꓘꓴ ꓜꓲꓽ ꓞꓳ ꓠꓬ- ꓐꓬ ꓡꓰ ꓟꓽ ꓓ- ꓫꓵꓼ ꓓꓴ ꓬꓲꓸ ꓪꓽ ꓠꓬꓲ ꓟ ꓡꓰ ꓘꓴ ꓜꓲꓽ ꓞꓳ ꓔꓯꓸ ꓧꓪꓹ ꓡꓰ ꓟꓽ ꓓ= ꓮ ꓠꓱ ꓬꓲꓹ ꓪꓴꓸ ꓟ ꓦꓬꓼ ꓠꓬꓲ ꓗꓪ ꓘꓴ ꓜꓲꓼ ꓞꓳ ꓔꓯ ꓟꓶꓽ ꓡꓰ ꓠꓹ ꓟ ꓓꓶꓽ ꓡꓯ ꓘꓳ- ꓟ- ꓡ100 ꓘꓳꓼ ꓔꓳꓹ ꓜꓴꓽ ꓥ ꓟꓲ ꓢꓰꓼ ꓡꓯ ꓘꓳ ꓥ ꓟꓲꓸ ꓘꓴ ꓜꓲꓽ ꓞꓳ ꓔꓯꓹ ꓧꓪꓹ ꓡꓰ ꓟ ꓘꓵ- ꓜꓳ ꓜꓴ- ꓢꓳ ꓕꓴꓽ ꓒꓲꓹ ꓓꓴ= ꓐꓰ ꓩꓴ ꓗꓷ ꓠꓹ ꓟ ꓐꓰ ꓞꓳ ꓔꓸ ꓠꓹ ꓟ ꓕꓵꓽ ꓪꓽ-ꓸ ꓦꓲ ꓘꓴꓽ ꓕꓲꓽ ꓟ ꓗꓪ ꓪꓴꓽ ꓓꓰ ꓡꓰ ꓢꓴ ꓠꓼ ꓢꓳ ꓕꓴꓽ ꓒꓲꓹ ꓓꓴ ꓔꓯꓹ ꓔꓹ ꓢꓴ ꓥ ꓟ ꓡꓰ ꓐꓰ ꓪꓴ-ꓢ ꓬꓲꓹ ꓗꓴꓷ ꓗꓪ ꓓꓵꓽ ꓙꓰ ꓓꓹ ꓟ- ꓙꓵꓼ ꓪꓽ ꓔꓯꓹ ꓔꓹꓢꓴ ꓙꓳꓹ ꓢꓴ ꓠꓬ- ꓬꓰ-ꓢꓴ ꓬꓲꓹ ꓚꓲꓸ ꓛꓬꓽ ꓔꓶ ꓔꓹ ꓟ ꓘꓴ ꓜꓲꓼ ꓞꓳ ꓠꓯꓹ ꓗꓪ ꓙꓳ ꓟꓸ ꓟꓸ ꓟꓲ ꓝꓲꓸ ꓕꓱ ꓟ ꓗꓪ ꓫꓬ ꓫꓬ ꓡꓰ ꓖꓴ ꓐꓲ ꓔꓹ ꓡꓳ= ꓟꓴ ꓗꓪ ꓗꓴꓷ ꓗꓪ ꓓꓴꓽ ꓙꓰ ꓓ ꓟ ꓙꓵꓽ ꓪ ꓙꓳ ꓟ ꓗ-ꓘꓶꓽ ꓖꓳ ꓕꓲꓽ ꓒꓲꓼ ꓗꓪ ꓐꓰ ꓟꓴ ꓗꓪ ꓗꓪ ꓓꓵꓽ ꓙꓰ ꓡꓯ=

Add new comment

1 + 0 =

Please wait while the page is loading