ꓙꓱ‐ꓣꓴ‐ꓢ‐ꓡꓱ ꓡꓳ ꓒꓱ ꓐꓬ ꓡꓰ ꓟ ꓐꓰ ꓬꓴ‐ꓔ ꓡ ꓞꓳ ꓐꓴ ꓢꓲꓺ ꓒ ꓬꓰ‐ꓢꓴ ꓔꓯ ꓦꓻ ꓡꓱ ꓡ ꓟ

 ꓙꓱ‐ꓣꓴ‐ꓢ‐ꓡꓱ ꓡꓳ ꓒꓱ ꓐꓬ ꓡꓰ ꓟ ꓐꓰ ꓬꓴ‐ꓔ ꓡ ꓞꓳ ꓐꓴ ꓢꓲꓺ ꓒ ꓬꓰ‐ꓢꓴ ꓔꓯ ꓦꓻ ꓡꓱ ꓡ ꓟ

A.D 70 ꓘꓳꓼ ꓕꓯ ꓙꓱ‐ꓣꓴ‐ꓢ‐ꓡꓱ ꓡꓳ ꓒꓱ ꓗꓪ ꓔꓬ ꓢꓴ ꓬꓴ‐ꓔ ꓞꓳ ꓫꓵꓽ ꓐꓴ ꓠꓬ ꓣꓳ‐ꓟ ꓪ ꓔꓲ ꓔꓯ ꓒꓳ, ꓓꓵꓻ ꓗꓷꓳ꓿ ꓣꓳ‐ꓟ ꓟꓯꓼ ꓒꓽ ꓓꓽ Vespasian ꓟꓬꓱꓽ ꓔ ꓢꓴ ꓠꓬ ꓣꓳ‐ꓟ ꓟꓯꓼ ꓜꓴꓻ ꓔꓯ ꓧꓳꓽ ꓣꓴ ꓢꓲ ꓠꓬꓲ ꓙꓱ‐ꓣꓴ‐ꓢ‐ꓡꓱ ꓡꓳ ꓒꓱ ꓔꓯ ꓚꓳ. ꓔ ꓗꓷꓳ꓿

ꓖꓳ ꓡꓱ ꓥ ꓟ ꓪꓴ. ꓠꓬꓲ ꓙꓱ‐ꓣꓴ‐ꓢ‐ꓡꓱ ꓡꓳ ꓒꓱ ꓘꓴꓽ ꓗꓪ ꓔꓬ ꓢꓴ ꓑ ꓫꓬ ꓐꓴ ꓠꓬ ꓜꓽ ꓓꓴ ꓮ ꓟꓬ, ꓫ. ꓡꓰꓳ꓿ ꓖꓳ ꓡꓱ ꓟ ꓡꓰ ꓟꓽ ꓞꓲꓼ ꓡꓳ ꓒꓱ ꓘꓴꓽ ꓗꓪ ꓠꓻ ꓫꓵꓽ ꓔꓳ, ꓜꓳꓽ ꓡꓰ ꓟ ꓪꓴ. ꓠꓬꓲ ꓬꓴ‐ꓔ ꓞꓳ ꓫꓵꓽ ꓮ ꓟꓬ, ꓠꓬ ꓠꓻ ꓫꓵꓽ ꓑꓶ. ꓓꓴ ꓫꓵꓻ ꓡꓰꓳ꓿

ꓟꓯꓼ ꓒꓽ ꓓꓽ (Vespasian) ꓔꓯ ꓣꓳ‐ꓟ  ꓗꓴꓷꓼ ꓗꓪ ꓘꓴꓽ ꓟ ꓪꓴ. ꓠꓬꓲ ꓟꓯ ꓜꓴꓻ ꓔꓯ  ꓟꓯꓼ ꓒꓽ ꓓꓽ ꓬꓲ. ꓤ ꓠꓬ ꓧꓳꓽ ꓣꓱ ꓔꓬ ꓟ ꓥ ꓡꓳ꓿ ꓬꓲ. ꓟꓬꓱꓺ ꓠꓬ (Titus) ꓥ ꓡꓳ꓿ ꓬꓲ. ꓠꓬ ꓙꓱ‐ꓣꓱ‐ꓢ‐ꓡꓱ ꓡꓳ ꓒꓱ ꓔꓯ ꓝꓮꓲ ꓚꓳ. ꓔ ꓟ ꓥ ꓡꓳ꓿

ꓗ, ꓠꓯ ꓠꓬ ꓬꓴ‐ꓔ ꓡ ꓞꓳ ꓐꓴ ꓣꓳ‐ꓟ ꓟꓯ ꓐꓴ ꓔꓯ ꓔꓳ, ꓧꓪ. ꓡꓰ ꓟꓽ ꓘꓴ ꓟ ꓪꓴ. ꓠꓬꓲ ꓣꓳ‐ꓟ ꓟꓯꓼ ꓐꓴ ꓡꓰ ꓬꓴ‐ꓔ ꓡ ꓞꓳ ꓮ ꓟꓬ, ꓔꓯ ꓢꓰꓼ ꓗꓷꓳ꓿ ꓖꓳ ꓡꓱ ꓟ ꓡꓰ ꓟꓽ ꓞꓲꓼ ꓙꓱ‐ꓣꓴ‐ꓢ‐ꓡꓱ ꓪꓽ ꓘꓴ ꓦꓲꓻ ꓓꓽ ꓟ ꓥ ꓟꓲ ꓐꓬ ꓡꓰꓳ꓿ ꓙꓱ‐ꓣꓴ‐ꓢ‐ꓡꓱ ꓡꓳ ꓒꓱ ꓥ ꓟꓲ ꓐꓬ ꓡꓰ ꓢꓲ ꓠꓬꓲ ꓬꓴ‐ꓔ ꓡ ꓞꓳ ꓐꓴ ꓥ ꓟꓲ ꓫꓵꓻ ꓡꓰꓳ꓿

ꓙꓱ‐ꓣꓴ‐ꓢ‐ꓡꓱ ꓡꓳ ꓒꓱ ꓐꓰ ꓪꓽ ꓘꓴ ꓦꓲꓻ ꓓꓽ ꓐꓬ ꓡꓰ ꓟ ꓪꓴ. ꓠꓬꓲ ꓢꓲꓺ ꓒ ꓬꓰ‐ꓢꓴ ꓔꓯ ꓦꓻ ꓡꓱ ꓡ ꓢꓴ ꓬꓴ‐ꓔ ꓡ ꓞꓳ ꓐꓴ ꓠꓬ ꓬꓴ‐ꓔ ꓙꓵꓻ ꓠꓲ, ꓠꓬ ꓐꓬ ꓡꓰ ꓟ ꓙꓵ, ꓛꓲ ꓡ ꓐꓰ ꓢꓷ. ꓡꓰꓳ꓿

ꓖꓳ ꓡꓰ ꓥ ꓟ ꓪꓴ. ꓠꓬꓲ ꓬꓴ‐ꓔ ꓡ ꓞꓳ ꓐꓴ ꓠꓬ ꓙꓵꓻ ꓠꓲ, ꓬꓲ. ꓫꓵꓼ ꓕꓲ ꓟ ꓘꓳ, ꓣꓴ ꓠ, ꓟ ꓓꓴ ꓙ ꓞꓷꓼ ꓗꓷꓳ꓿ ꓕꓱ ꓡꓱ ꓐꓰ ꓬꓴ‐ꓔ ꓡ ꓞꓳ ꓐꓴ ꓠꓬ ꓢꓲꓺ ꓒ ꓬꓰ‐ꓢꓴ ꓔꓯ ꓦꓻ ꓡꓱ ꓡ ꓢꓴ ꓒꓬꓱꓼ ꓡ ꓟ ꓥ ꓡꓳ꓿