ꓚꓬꓴ ꓢꓲ-ꓒ ꓬꓰ-ꓢꓴ ꓙꓲ-ꓢꓴ ꓦꓵꓼ ꓡꓹ ꓟ ꓟꓸ ꓟꓲ=

ꓚꓬꓴ ꓢꓲ-ꓒ ꓬꓰ-ꓢꓴ ꓙꓲ-ꓢꓴ ꓦꓵꓼ ꓡꓹ ꓟ

ꓚꓬꓴ ꓢꓲ-ꓒ ꓬꓰ-ꓢꓴ ꓙꓲ-ꓢꓴ ꓦꓵꓼ ꓡꓹ ꓟ ꓟꓸ ꓟꓲ ꓔꓯ ꓜꓲ ꓜꓲ ꓟꓴ ꓟꓴ ꓐꓯ ꓠꓬ- ꓬꓲꓸ ꓟꓸ ꓟꓲ ꓮꓽ ꓟꓬ ꓙꓳ ꓡꓳ=

(1) ꓚꓬꓴ ꓢꓲ-ꓒ ꓦꓵꓼ ꓡ ꓠꓹ ꓟ  ꓠꓬ- ꓬꓲꓹ ꓚꓰ ꓬꓲꓹ ꓪꓴ ꓬꓲꓸ ꓓꓰ ꓐꓱ ꓗꓪ ꓮ- ꓓꓯ ꓐꓰ ꓰ-ꓪ ꓝꓴꓲ ꓬꓰ ꓗꓷ ꓟ ꓕꓲ ꓠꓬꓲ ꓗꓪ ꓪꓴ-ꓢ ꓡꓰ ꓬꓲꓹ ꓤ ꓔꓲ ꓟꓲ ꓠꓯ ꓗꓪ ꓡ ꓠꓹ ꓟ ꓘꓶꓼ ꓫꓵꓼ ꓬꓰ ꓔꓹ ꓟꓸ (ꓬꓲꓸ ꓚꓰ 3ꓽ15 ꓬꓲꓸ ꓞꓲꓼ ꓤ ꓡꓯ ꓤ ꓡꓰ ꓠꓴ ꓪꓴꓸ ꓓꓵ ꓔꓯ ꓔꓲꓸ ꓠ ꓡꓰ ꓝꓲ ꓥꓳ=) ꓐꓰ ꓐꓯ ꓔꓸ ꓡꓳ= (2) ꓖꓳ ꓟ ꓗ- ꓠꓯꓸ ꓟꓷꓽ ꓠꓷꓸ ꓝꓸ ꓒꓽ ꓐꓴ ꓡꓰ ꓚꓬꓴ ꓢꓲ-ꓒꓽ ꓠꓬ ꓮ ꓡꓰ ꓕꓲ ꓣꓳ ꓡꓰ ꓦꓵꓼ ꓡꓹ ꓟ-ꓸ ꓮ ꓡꓰ ꓗꓪ ꓦꓵꓼ ꓡꓹ ꓠꓯꓹ ꓟ ꓬꓲꓸ ꓦꓵꓼ ꓡ ꓕꓯ ꓬꓲꓸ ꓔꓯ ꓪꓴꓸ ꓓꓵ ꓕꓱꓼ ꓢꓴ ꓮ ꓡꓰ ꓗꓪ ꓐꓰ ꓮ ꓫꓵꓽ ꓡꓽ ꓞꓳ ꓡꓸ ꓟ ꓟꓸ ꓟꓲ ꓠꓬ ꓜꓲ ꓜꓲ ꓟꓴ ꓟꓴ ꓢꓲ-ꓫꓬ ꓕꓳꓽ ꓶ ꓗꓪ ꓖꓴ ꓐꓲ ꓔꓹ ꓟ ꓥ_ ꓡꓳ=

ꓟꓷꓽ ꓠꓷꓸ ꓝꓸ ꓒꓽ ꓟꓲ-ꓘꓷ ꓠꓬ ꓙꓲ-ꓢꓴ ꓟꓽ ꓡꓹ ꓧꓶ ꓕꓯꓽ ꓐꓚ-740 ꓘꓳꓼ ꓗꓪ ꓝꓸ ꓗꓷ ꓟ ꓐꓯ ꓘꓶꓽ ꓥꓳ= ꓬꓲꓸ ꓐꓯ ꓔꓹ ꓟ ꓚꓬꓴ ꓢꓲ-ꓒ ꓠꓬ ꓬꓴ-ꓔ ꓟꓵꓽ ꓐꓱ-ꓡꓱ-ꓦꓱ ꓡꓳ ꓒꓱ ꓗꓪ ꓦꓵꓼ ꓡꓹ ꓥꓳ= ꓟꓲ-ꓘꓷ 5ꓽ2 ꓝꓮꓲ ꓬꓲ-ꓢ-ꓬ 60ꓽ6 ꓝꓲꓸ ꓐꓶꓽ ꓞꓳ ꓗꓪ ꓟꓸꓸ ꓢꓷ ꓠꓲꓹ ꓙꓳ ꓒꓽ ꓐꓴ ꓥ ꓟꓲ ꓢꓲ-ꓒ ꓔꓯ ꓪꓴꓸ ꓓꓵ ꓕꓱ ꓡ ꓢꓲꓹ ꓡꓯ ꓫꓴ ꓔꓯ ꓡ ꓢꓲ ꓔꓲ ꓖꓶ ꓡꓹ ꓥꓳ= ꓐꓰ ꓐꓚ 700 ꓘꓳꓼ ꓛꓲ ꓗꓪ ꓟꓷꓽ ꓠꓷꓹ ꓝꓸ ꓗꓷꓳ= ꓠꓲꓹ ꓠꓵ ꓟ ꓐꓴꓳ- ꓢꓲ-ꓒꓼ ꓦꓵꓼ ꓡꓹ ꓟ ꓗꓪ ꓬꓲꓹ ꓮ ꓡꓰ ꓐꓰ ꓦꓵꓼ ꓡꓹ ꓟ ꓓꓳꓽ ꓠꓬ- ꓪꓴ-ꓢ ꓡꓰ ꓬꓲ-ꓢꓷ-ꓡꓰ ꓔꓯ ꓟꓲ ꓙꓬ ꓢꓲ ꓗꓪ ꓐꓰ ꓢꓷꓹ ꓝꓲ ꓟ ꓐꓰ ꓐꓯ ꓟꓳꓸ ꓖꓶꓽ ꓔꓹ ꓟ ꓢꓲ-ꓫꓬ ꓕꓳ ꓶ ꓗꓪ ꓡꓳꓸ ꓟꓳ ꓡꓳ= ꓬꓳ-ꓢꓷ ꓐꓰ ꓟ-ꓡꓲ-ꓬ ꓠꓬ ꓖ-ꓡꓲ-ꓡꓲ ꓟꓵꓽ ꓠꓽ ꓢ-ꓡꓱ ꓘꓹ ꓗꓪ ꓔꓬ ꓟ ꓦꓬꓼ ꓠꓬꓲ ꓗꓪ ꓣꓳ-ꓟ ꓪ-ꓔꓲ ꓢꓲꓸ-ꓢ ꓮ-ꓗꓴ-ꓢꓶ-ꓔꓴ ꓡꓰ ꓙꓵꓼ ꓟ ꓟꓵꓽ ꓗꓪ ꓔꓬ ꓢꓴ ꓞꓳ ꓥ ꓟꓬꓱ_ ꓐꓳ ꓠꓹ ꓟ ꓕꓵꓽ ꓪ ꓲ ꓡ ꓠꓬꓲ-ꓸ ꓖ-ꓡꓲ-ꓡꓲ ꓟꓵꓽ ꓠ-ꓢ-ꓡꓱ ꓘꓹ ꓗꓪ ꓐꓰ ꓬꓴ-ꓔ ꓟꓵꓼ ꓐꓱ-ꓡꓱ-ꓦꓱ ꓘꓹ ꓗꓪ-ꓛꓲ ꓡꓳ-ꓔ 70 ꓕꓷꓹ ꓙꓸ ꓫꓱꓽ ꓗꓷꓳ-ꓸ ꓓ-ꓪꓵ ꓪꓽ-ꓔꓲ ꓬꓲꓹ ꓞꓲꓼ ꓤ ꓡꓯꓽ ꓮꓽ ꓘꓶꓹ ꓟꓬꓽ ꓟ ꓪꓴꓸ ꓠꓬꓲ- ꓬꓳ-ꓢꓷ ꓐꓰ ꓟ-ꓡꓲ-ꓬ ꓠꓬ ꓪꓱ ꓤ ꓦꓲ ꓟꓽ ꓟꓶ ꓤ ꓡꓰ ꓠꓬꓲ- ꓮ-ꓟꓳ ꓦꓲ ꓮ ꓠꓬꓲ ꓦꓲ ꓗꓪ ꓬꓲꓼ ꓔꓹ ꓕꓯ ꓟ-ꓡꓲ-ꓬ ꓠꓬ- ꓤ ꓠꓱ ꓦꓵꓼ ꓡ ꓠꓹ ꓟ ꓦꓬꓼ ꓠꓬꓲ ꓐꓲ ꓡꓰ ꓠꓬꓲ- ꓮ ꓐꓲ ꓤ ꓕꓲ ꓣꓳ ꓦꓱ ꓡ_ ꓡꓳ= ꓚꓬꓴ ꓢꓲ-ꓒ ꓠꓬ- ꓪ-ꓔꓲ ꓕꓯ ꓢꓲ ꓪ-ꓔꓲ ꓪꓴ-ꓢ ꓥ_ ꓡꓳ= ꓖꓳ ꓡꓱ ꓥ ꓟꓲ ꓢꓲ-ꓒ ꓪ-ꓔꓲ ꓦꓲ ꓗꓪ ꓬꓲꓹ ꓟꓽ ꓦꓱ ꓡ_ ꓮ ꓘꓶꓸ ꓔꓬ ꓫꓹ ꓟ ꓮ ꓟꓳꓽ ꓦꓲ ꓗꓪ ꓦꓵ ꓡ_ꓳ=

Add new comment

7 + 6 =

Please wait while the page is loading