ꓢꓲꓽ ꓫꓬ ꓕꓳ ꓶ ꓗꓪ ꓟ ꓔ-ꓟ-ꓢꓷ ꓡꓳ ꓒꓱ

ꓔ-ꓟ-ꓢꓷ ꓡꓳ ꓒꓱ ꓚꓱꓹ ꓔꓯ ꓟꓳꓸ ꓢꓲꓽ ꓫꓬ ꓕꓳ ꓶ ꓗꓪ ꓮ ꓟꓬꓹ ꓖ ꓗꓪ ꓣꓳꓽ ꓡꓳꓸ ꓟꓳˍ ꓡꓳ= ꓟꓬꓽ ꓠꓬꓲ ꓣꓳ ꓢꓷꓸ ꓔ ꓟ ꓠꓬ ꓝꓲ ꓓꓴ ꓒꓳ-ꓡꓳ ꓚꓱꓹ ꓥ ꓡꓳ= ꓝꓲ ꓓꓴ ꓒꓳ-ꓡꓳ ꓠꓬ ꓔ-ꓟ-ꓢꓷ ꓗꓪ ꓟ ꓙꓲ-ꓢꓴ ꓢꓲ ꓤ ꓐꓴ ꓔꓯ ꓢꓰꓼ ꓠꓹ ꓟ ꓙꓰˍ ꓕꓯ ꓙ ꓖꓴ ꓗꓪ ꓢꓲ ꓒ ꓬꓰ-ꓢꓴ ꓡꓰ ꓟꓳꓸ ꓖꓶ ꓡ ꓢꓲ ꓬꓲ ꓠꓬ ꓠꓲꓹ ꓟ ꓒꓳꓹ ꓡꓰꓼ ꓡ ꓢꓲ ꓠꓬꓲ ꓙꓲ-ꓢꓴ ꓢꓲ ꓤ ꓒꓬꓱꓼ ꓡ ꓟ ꓚꓱꓹ ꓣꓳ ꓮ ꓙꓵꓽ ꓢꓷꓸ ꓔ ꓟ ꓥ ꓡꓳ= ꓖꓳ ꓟ ꓑꓶꓸ ꓓꓴ ꓔ-ꓟ-ꓢꓷ ꓡꓳ ꓒꓱ ꓔꓯ ꓣꓳ ꓟꓬꓽ ꓠꓬꓲ ꓢꓷꓸ ꓔ ꓟ ꓥ ꓡꓳ= 
ꓔ-ꓟ-ꓢꓷ ꓡꓳ ꓒꓱ ꓔꓯ ꓠꓬ ꓮꓣꓮꓐꓲꓚ ꓥꓳꓽ ꓗꓪ ꓚꓳꓸ Damascus ꓐꓰ ꓐꓯ ꓐꓭ= ꓕꓱ ꓟ ꓠꓬ ꓢꓲ-ꓣꓲ-ꓬ ꓗꓴꓷꓼ ꓢꓲ-ꓣꓲ-ꓬ ꓞꓳ ꓫꓵꓽ ꓐꓴ ꓐꓱ ꓶ ꓟꓽ ꓓ ꓪꓴꓽ ꓖꓴ ꓡꓰˍ ꓟ ꓡꓳ ꓒꓱ ꓓꓽ ꓟ ꓥ ꓢꓲ ꓠꓬꓲ꓾ ꓕꓱ ꓟ ꓠꓬ ꓗꓴꓷꓼ ꓡꓳ ꓒꓱ ꓚꓰꓺ ꓕꓲ ꓟ ꓥ ꓡꓳ= ꓕꓱ ꓟ ꓠꓬ ꓡꓳ ꓒꓱ ꓮ ꓙꓵꓽ ꓕꓯꓽ ꓢꓲ ꓟꓽ ꓓ ꓟꓳꓽ ꓖꓴ ꓡꓰ ꓟ ꓡꓳ ꓒꓱ ꓠꓯꓸꓼ ꓗꓪ ꓟ ꓕꓲ ꓟ ꓦ ꓐꓭ=
ꓔ-ꓟ-ꓢꓷ ꓡꓳ ꓒꓱ ꓠꓬ ꓡꓲꓽ ꓒꓰꓼ ꓚꓱꓹ ꓔꓯ ꓟꓳꓸ ꓮꓣꓮꓐ ꓞꓳ ꓫꓵꓽ ꓐꓴ ꓐꓱ ꓶ ꓟꓽ ꓓ ꓬꓳꓸ ꓚꓵˍ ꓟ ꓕꓲ ꓔꓶꓸ ꓥ ꓡꓳ= 2009 ꓘꓳꓼ ꓕꓯ ꓡꓳ ꓒꓱ ꓕꓱ ꓟ ꓗꓪ ꓞꓳ ꓤ 1ꓹ710ꓹ000 ꓛꓲ ꓔꓬ ꓟ ꓡꓳ ꓒꓱ ꓥ ꓡꓳ= ꓬꓲ ꓠꓬ ꓢꓲ-ꓣꓲ-ꓬ ꓗꓴꓷꓼ ꓗꓪ ꓖꓴ ꓟꓶꓸˍ ꓐꓰ ꓐꓶ ꓓꓵꓽ ꓠꓬꓲꓽ ꓗꓴꓸ ꓚꓸꓼ ꓗꓪ ꓙꓳˍ ꓟ ꓡꓳ ꓒꓱ ꓥ ꓡꓳ= ꓔ-ꓟ-ꓢꓷ ꓡꓳ ꓒꓱ ꓗꓪ ꓠꓬ ꓐ-ꓣ-ꓓ ꓐꓯ ꓟ ꓬꓲꓻ ꓟ ꓕꓲ ꓟˍ ꓟꓲ ꓬꓲꓻ ꓔꓬ ꓟ ꓥ ꓡꓳ= 
ꓡꓳ ꓒꓱ ꓕꓱ ꓟ ꓠꓬ ꓐꓚ 1000 ꓘꓳꓼ ꓐꓰ 2000 ꓘꓳꓼ ꓠꓬꓲꓽ ꓗꓴꓸ ꓚꓸꓼ ꓗꓪ ꓬꓲ ꓪꓴꓸ ꓔꓶ ꓡˍ ꓟ ꓡꓳ ꓒꓱ ꓕꓲ ꓟ ꓥ ꓡꓳ= ꓪ ꓔꓲ ꓴ-ꓟ-ꓬꓯꓸꓼ ꓗ-ꓡꓲ-ꓒꓰꓸ ꓡꓯꓽ ꓒꓯꓹ ꓗꓪ ꓠꓬ ꓡꓳ ꓒꓱ ꓕꓱ ꓟ ꓔꓯ ꓢꓲ-ꓣꓲ-ꓬ ꓗꓴꓷꓼ ꓡꓳ ꓒꓱ ꓓꓽ ꓟ ꓢꓲꓺ ꓗꓷꓳ= ꓬꓲ ꓙꓵꓽ ꓡꓳꓹ ꓬꓰ ꓟ ꓘꓳꓼ ꓠꓬ ꓮꓓ 661-750 ꓘꓳꓼ ꓗꓪ ꓛꓲꓺ ꓥ ꓡꓳ=