ꓣꓳꓽ ꓦꓲ ꓓꓽ ꓟ ꓗꓸ ꓛꓲ ꓔꓬ ꓢ ꓝꓲ-ꓸ

ꓣꓳꓽ ꓐꓴ ꓔꓬˍ ꓟ ꓟꓲ-ꓠꓯ ꓦꓲ ꓓꓽ ꓟ ꓔꓯ ꓤ ꓟꓳ ꓫꓬ ꓔꓱ-ꓸ

ꓲ ꓡꓸˍ ꓟ  ꓣꓳꓽ ꓤꓽ ꓣꓳꓽ ꓠꓱ  ꓜꓶ ꓔꓯꓼ ꓟꓲ  ꓠꓲꓹ ꓫꓯꓸ ꓮ ꓡꓰ ꓐꓰ ꓡꓯꓼ ꓖꓶꓽ ꓠꓲꓹ ꓫꓵˍ ꓡꓽ? ꓞꓲꓼ ꓪꓴꓽ ꓡ ꓔꓬ ꓟ ꓣꓳꓽ ꓮꓸ ꓐꓲ ꓮꓸ ꓟꓲꓽ ꓐꓴ ꓐꓱ ꓶ ꓣꓳꓽ ꓮꓸ ꓫꓵꓽ ꓡꓯꓼ ꓙꓱꓸꓸ ꓖꓶꓽ ꓠꓲꓹ ꓫꓵꓹˍ ꓡ? ꓔꓱꓹ ꓚꓲꓹˍ ꓟ ꓟꓶꓽ ꓘꓳꓼ-ꓸ ꓗꓸ ꓛꓲꓽ ꓟ ꓦꓬꓼ ꓠꓬꓲ ꓟꓶꓽ ꓘꓳꓼ ꓗꓪ ꓬꓲꓸ ꓪꓽ ꓔꓯ ꓢꓯꓸ ꓔꓬ ꓪ ꓠꓲꓹ ꓫꓵ ꓐꓭ ꓥꓳ=

ꓕꓱꓽ ꓟꓬ ꓫꓵꓽ ꓐꓱ ꓶ ꓠꓬꓲꓸ ꓠꓬꓲ ꓮꓽ ꓙꓵꓽ ꓢꓴ ꓔꓯ (Lautado Si') ꓐꓯˍ ꓟ ꓣꓳꓽ ꓐꓴ ꓮꓽ ꓙꓵꓽ ꓔꓬˍ ꓟ ꓟꓲ-ꓠꓯ ꓦꓲ ꓔꓯ ꓤ ꓟꓳ ꓫꓯꓼ ꓔꓱˍ ꓡꓯ ꓐꓯꓹˍ ꓟ ꓐꓯ ꓘꓶꓽ ꓗꓪ ꓐꓰ ꓮꓽ ꓙꓵꓽ ꓔꓯꓼ ꓪꓴꓸ ꓩꓴ ꓡ ꓥꓳ= ꓕꓱ ꓟ ꓠꓬ ꓛꓲ ꓡꓸˍ ꓟ 5 ꓦ 16 ꓠꓬꓲ ꓗꓪ ꓐꓰ 24 ꓗꓪ ꓛꓲ ꓥ ꓡꓳ-ꓸ ꓦꓬꓼ ꓠꓬꓲ ꓖꓳ ꓟ ꓠꓬ (Lautado Si') ꓐꓯˍ ꓟ ꓔꓲꓸꓹ ꓒꓽ ꓪ ꓔꓲꓸ ꓝꓣꓮꓠꓚꓲꓢ ꓡꓰꓽ ꓟꓳꓸ ꓖꓶꓽ ꓔꓸ ꓟ ꓕꓳ-ꓶ 5 ꓘꓳꓼ ꓐꓲ ꓜꓲꓼ ꓡꓰˍ ꓟ ꓚꓲꓸ ꓟꓶ ꓓꓴ ꓦꓬꓼ ꓠꓬꓲ ꓔꓯ ꓡꓳꓸ ꓢꓲ ꓬꓰ ꓔꓸ ꓟ ꓥ ꓡꓳ=

ꓣꓳꓽ ꓐꓴ ꓮꓽ ꓙꓵꓽ ꓔꓬˍ ꓟ ꓣꓳꓽ ꓐꓴ ꓟꓲ-ꓠꓯ ꓦꓲ ꓓꓽ ꓟ ꓔꓯ-ꓸ ꓘꓶ ꓡꓶꓽ ꓓꓴ ꓫꓸ ꓙꓵꓽ ꓓꓴ  ꓔꓳꓹ ꓜꓳꓽ ꓔꓬˍ ꓟ ꓟꓲ-ꓠꓯ ꓕꓱ ꓟ ꓔꓯ ꓝꓮꓲ  ꓗꓸ ꓛꓲꓽ ꓔꓬ ꓢ ꓡ ꓠꓸˍ ꓟ ꓐꓱ ꓶ ꓘꓴ ꓪꓴꓸ ꓔꓸ ꓟ ꓥ ꓡꓳ=

ꓟꓲ-ꓠꓯ ꓧꓪ ꓖꓳ ꓓꓱꓽ ꓥꓶꓸꓹ ꓢꓯꓼ-ꓸ ꓫ ꓙꓵ  ꓟꓶꓽ ꓙꓵ ꓔꓳꓹ ꓜꓳꓽ ꓔꓬ ꓢꓴ ꓥꓶꓸꓹ ꓢꓯꓼ ꓕꓱ ꓟꓬ ꓫꓵꓽ ꓝꓮꓲꓸ ꓟꓽ ꓔꓳꓸ ꓜꓳꓽ ꓡ ꓠꓹˍ ꓟ-ꓸ ꓚꓲꓼ ꓢꓴ ꓢꓲ-ꓒ ꓡꓰꓽ ꓖꓶꓽ ꓔꓸ ꓟ ꓡꓯꓼ ꓫꓴ ꓔꓯꓸꓹ ꓣꓳꓽ ꓮꓽ ꓙꓵꓽ ꓤ ꓟꓳ ꓫꓯ ꓔꓱ ꓓꓴ ꓬꓰ ꓡꓯ=

ꓟꓲ-ꓠꓯ ꓡꓽ ꓞꓳ ꓮꓽ ꓙꓵꓽ ꓢꓴ ꓠꓯꓹˍ ꓗꓪ ꓐꓸ ꓐ ꓪꓴ-ꓢ ꓡꓰ ꓶꓽ ꓥꓳꓽ ꓙꓱ ꓖꓶ ꓝꓲ=

Peter Ngwa

Source: https://bit.ly/39nla3E

Add new comment

1 + 17 =