ꓙꓲꓻ ꓫꓬ ꓢꓴ Frederick ꓑꓮꓲ꓿ (St.Frederick)

ꓙꓲꓻ ꓫꓬ ꓢꓴ Frederick ꓑꓮꓲ꓿

ꓙꓲꓻ ꓫꓬ ꓢꓴ Frederick ꓠꓬ ꓙꓵꓻ ꓠꓲ, ꓚꓱ, ꓑꓶ. ꓓꓴ ꓢꓰꓼ ꓟꓶ ꓡꓰ ꓢꓴ ꓙꓲꓻ ꓫꓬ ꓢꓴ ꓕꓲ ꓣꓳ ꓥ ꓡꓳ꓿ ꓙꓲꓻ ꓫꓬ ꓢꓴ Frederick ꓠꓬ ꓟꓬꓱꓺ ꓓꓳꓽ ꓮ ꓟꓬ, ꓙꓳˍ ꓟ  ꓕꓲ ꓦꓲꓻ ꓗꓪ ꓐꓰ ꓬꓲ. ꓔꓯ ꓦꓵꓻ ꓗꓷ ꓟ ꓥ ꓡꓳ꓿ ꓬꓲ. ꓠꓬ ꓟꓲ ꓠꓯ ꓕꓳ ꓶ ꓔꓯ Netherland ꓗꓴꓷꓼ ꓗꓪ ꓐꓰ Utrecht ꓪꓽ ꓘꓴ ꓦꓲꓻ ꓗꓪ ꓔꓬ ꓟ ꓔꓲꓺ ꓒ ꓐꓴ ꓠꓯ, ꓗꓪ ꓐꓰ ꓢꓳꓻ ꓣꓴ ꓟꓶ ꓡꓰꓳ꓿

ꓬꓲ. ꓠꓬ ꓪꓴ‐ꓢ ꓟꓬꓱꓽ ꓟꓯ ꓠ, ꓟ ꓔꓲꓺ ꓒ ꓢꓳꓻ ꓦꓲꓻ ꓗꓪ ꓓꓵꓽ ꓡꓰ ꓢꓲ ꓠꓬꓲ ꓔꓲꓺ ꓒ ꓓꓽ Ricfried ꓡꓯ  ꓒꓯ ꓗꓪ ꓔꓲꓺ ꓒ ꓒꓬꓱꓼ ꓡꓳ꓿ ꓔꓲꓺ ꓒ ꓒꓬꓱꓼ ꓡ ꓗ. ꓠꓯ ꓙꓲ‐ꓢꓴ ꓢꓲꓺ ꓤ ꓐꓴ ꓛꓳ ꓠꓯ, ꓟ ꓙꓵꓽ ꓗꓽ ꓚꓱ, ꓔꓯ ꓟ. ꓖꓶ ꓠ, ꓟ ꓙꓵꓽ ꓪ ꓟꓶ ꓡꓰꓳ꓿ ꓮꓓ 820 ꓘꓳꓼ ꓕꓯ ꓙꓲꓻ ꓫꓬ ꓢꓴ ꓔꓲꓺ ꓒ Frederick ꓠꓬ ꓔꓲꓺ ꓒ ꓓꓽ ꓒꓬꓱꓼ ꓡꓳ꓿

ꓔꓲꓺ ꓒ ꓓꓽ ꓙꓲꓻ ꓫꓬ ꓢꓴ Frederick ꓪꓴ‐ꓢ ꓟꓬꓱꓽ ꓟꓯ, ꓔꓬ ꓟ Netherlands’ ꓗꓴꓷꓼ ꓗꓪ ꓠꓬ ꓪꓴ‐ꓢ ꓔꓯ ꓟꓽ ꓦ ꓡꓱ ꓢꓴ ꓐꓴ ꓮ ꓟꓬ, ꓔꓬ ꓟ ꓟꓵꓽ ꓟꓲ ꓥ ꓡꓳ꓿ ꓝꓮꓲ ꓑ ꓫꓬ ꓮ ꓟꓬ, ꓠꓬ ꓟꓽ ꓔꓱ, ꓟꓽ ꓜꓳ, ꓚꓱ, ꓗꓪ ꓐꓰ ꓢꓯ. ꓔꓬ ꓟ ꓢꓴ ꓡ ꓞꓳ ꓮ ꓟꓬ, ꓔꓬ ꓟ ꓟꓵꓽ ꓟꓲ ꓥ ꓡꓳ꓿

ꓖꓳ ꓡꓱ ꓥ ꓟꓲ ꓙꓲꓻ ꓫꓬ ꓢꓴ Frederick ꓠꓬ ꓪꓴ‐ꓢ ꓔꓯ ꓮ ꓟꓬ, ꓪꓽ ꓘꓴ ꓢꓲ ꓠꓬꓲ ꓪꓴ‐ꓢ ꓟꓬꓱꓽ ꓗꓪ ꓮ ꓟꓬ, ꓢꓯꓼ ꓕꓵꓼ ꓟ ꓪꓴ. ꓠꓬꓲ ꓡ ꓞꓳ ꓮ ꓟꓬ, ꓝꓴꓲ ꓗꓪ ꓐꓰ ꓓꓵ ꓙ ꓒꓳ, ꓡꓶꓽ ꓡ ꓡꓳ꓿ ꓔꓲꓺ ꓒ ꓓꓽ ꓠꓬ ꓗꓴꓷꓼ ꓙꓵꓽ ꓪ ꓔꓲ ꓠꓬ ꓟꓽ ꓔꓱ, ꓟꓽ ꓜꓳ, ꓟ ꓚꓱ, ꓗꓪ ꓐꓰ ꓗꓴꓷꓼ ꓔꓯ ꓙꓵꓽ ꓔꓬ ꓟ ꓔꓯ ꓪ ꓔꓲ ꓠꓯ, ꓗꓪ ꓙꓰ ꓢꓲ ꓠꓬꓲ ꓟꓽ ꓔꓱ, ꓟꓽ ꓜꓳꓽ ꓟ ꓚꓱ, ꓗꓪ ꓐꓰ ꓗꓴꓷꓼ ꓔꓯ ꓟꓽ ꓧꓳꓽ ꓪꓴ. ꓟꓴ ꓠ, ꓟ ꓐꓯ ꓗꓷꓳ꓿

ꓝꓮꓲ ꓪ ꓔꓲ ꓠꓬ ꓦꓲꓻ ꓢꓲ ꓟ ꓮ ꓟꓬ, ꓣꓴ ꓟ ꓔꓯ ꓠꓽ ꓡꓰ ꓠ, ꓟ ꓐꓯ ꓗꓷꓳ꓿ ꓖꓳ ꓕꓯ ꓪ ꓔꓲ ꓠꓬ ꓙꓲꓻ ꓫꓬ ꓢꓴ Frederick ꓢꓰꓼ ꓠ, ꓟ ꓬꓰ ꓗꓷꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓙꓲꓻ ꓫꓬ ꓢꓴ Frederick ꓔꓯ ꓪ ꓔꓲ ꓡꓰ ꓮꓓ 838 ꓘꓳꓼ 7 ꓦ ꓟ 18 ꓠꓬꓲ ꓕꓯ ꓢꓰꓼ ꓗꓷꓳ꓿ ꓙꓲꓻ ꓫꓬ ꓢꓴ Frederick ꓠꓬ ꓪꓽ ꓘꓴ ꓦꓲꓻ ꓗꓪ ꓪꓽ ꓘꓴ ꓓꓳꓻ ꓡꓰ ꓢꓲ ꓠꓬꓲ ꓡ ꓙꓰ ꓟ ꓙꓵ, ꓕꓯ ꓟꓽ ꓙꓲꓻ ꓢꓴ ꓐꓴ ꓡꓰ ꓢꓰꓼ ꓗꓷ ꓟ ꓥ ꓡꓳ꓿