ꓪ ꓽ ꓘꓴˍ ꓟ ꓗꓪ ꓐꓰ-ꓸ ꓚꓲꓸ ꓛꓬ ꓢꓯ ꓼꓟꓬ ꓡꓲꓹ ꓙꓰ ꓟꓶ ꓢꓴ ꓕꓲꓸꓸ ꓒ Desmond Ohankwere

         ꓪ ꓽ ꓘꓴˍ ꓟ  ꓗꓪ  ꓐꓰ-ꓸ ꓚꓲꓸ ꓛꓬ ꓢꓯꓼ ꓟꓬ ꓡꓲꓹ ꓙꓰ ꓟꓶ ꓢꓴ ꓔꓲꓸꓸꓒ Desmond Ohankwere

ꓠꓬꓲꓸ ꓠꓬꓲ ꓠꓬ ꓣꓳ-ꓢ-ꓣꓲ ꓪꓽ ꓘꓴˍ ꓟ  ꓗꓪ  ꓐꓰ -ꓸꓚꓲꓸ ꓛꓬ ꓢꓯꓼ ꓟꓬ ꓡꓲꓹ ꓙꓰ ꓢꓴ ꓕꓲꓸꓸꓒ ꓚꓺ ꓟꓲ ꓥꓳ=  ꓮ-ꓟꓰ-ꓣꓲ-ꓗ ꓗꓴꓷꓼ ꓗꓪ  ꓠꓬ ꓚꓲꓸ ꓛꓬ ꓔꓯ ꓗꓽ ꓕꓸ ꓠ ꓹꓟ  ꓐꓱ ꓶ ꓾ ꓡ-ꓛꓬꓴꓸ ꓑꓳꓻ ꓣꓱꓽ ꓠꓹ ꓟ  ꓐꓱ ꓶ꓾ ꓙꓵꓽ ꓪꓽ ꓙꓳˍ ꓟ ꓗꓴꓷꓼ ꓥꓳ =

2019 ꓘꓳꓼ 9 ꓦꓻ ꓟ  13 ꓠꓬꓲ ꓕꓯ ꓔꓰꓫꓮꓢ ꓡꓳꓺ ꓒꓱꓻ ꓗꓪ ꓔꓬꓹ ꓟ  ꓗ-ꓔꓳ-ꓡꓲ ꓔꓲꓺ ꓒ Desmond Ohankwere ꓐꓯˍ ꓟ  ꓔꓯ꓾ ꓟꓽ ꓙꓵꓻ ꓢꓴ ꓐꓴ ꓠꓬ ꓡ-ꓛꓬꓴ ꓑꓳꓻ 3 ꓧꓪꓹ ꓐꓶˍ ꓥ ꓟ ꓲ꓾ ꓡ-ꓛꓬꓴ ꓢꓶꓽ (ꓑꓳꓻꓢꓶꓽ) ꓟꓽ ꓓꓳꓺ ꓢꓲ ꓠꓬꓲ꓾ ꓬꓲꓸ ꓠꓬ ꓫꓵꓻˍ ꓟ  ꓡꓯꓽ ꓒꓯꓹ ꓗꓪ  ꓐꓰ꓾ ꓡꓲꓹ ꓙꓰ ꓢꓴ ꓕꓲꓽ ꓣꓳˍ ꓟꓲ ꓥꓳ=

ꓔꓲꓺꓒ Desmond Ohankwere ꓠꓬ ꓔꓰꓫꓮꓢ ꓡꓳ ꓺꓒꓱ ꓗꓪ  ꓙꓳˍ ꓟ ꓾ ꓢꓲꓽ ꓫꓬꓹ ꓢꓴ ꓝꓲ ꓓꓴ ꓒꓲ-ꓕꓱ ꓪꓽ ꓘꓴ ꓦꓲꓻ ꓗꓪ  ꓔꓬ ꓢꓴ ꓔꓲꓺꓒ ꓕꓲꓽ ꓣꓳ ꓟꓲ ꓥꓳ = ꓬꓲꓸ ꓔꓬꓹ ꓟ  ꓪꓽ ꓘꓴ ꓦꓲꓻꓗꓪ  ꓾ ꓣꓳ-ꓢ-ꓣꓲ ꓪꓽ ꓘꓴꓻ ꓢꓲ ꓙꓻꓖꓴ ꓫꓱꓽ ꓔꓬꓹ ꓕꓯ꓾ꓓꓽ ꓪꓴꓸ ꓠꓬ  ꓟꓽ   ꓙꓵꓻ ꓢꓴ 4 ꓪꓽ ꓠꓬ꓾ ꓟ -ꓓꓳ ꓫꓵꓸ ꓒꓽ ꓔꓬꓹ ꓗꓪ ꓐꓰ ꓒꓴꓻ꓾ ꓫꓵꓺꓐꓰ ꓫ ꓕꓱꓻ ꓓꓴ ꓑꓧꓳꓠꓰ ꓦꓴꓻꓔꓬꓹ ꓡꓳ=  ꓖꓳ ꓗ ꓠꓯꓸ ꓔꓲꓺ ꓒ Desmond Ohankwere ꓔꓬꓹ ꓟ  ꓗꓪ  ꓡ ꓢꓲ ꓠꓬꓲ꓾ ꓔꓲꓺꓒ ꓠꓯꓸꓼ ꓗꓪ  ꓙꓳˍ ꓟ  ꓫꓸ ꓕꓱꓻꓓꓴ ꓑꓧꓳꓠꓰ ꓔꓯ ꓦꓴꓻ ꓔꓯˍ ꓙꓰꓳ = ꓔꓲꓺꓒ ꓔꓯ ꓥˍꓟ ꓲ ꓡ_ꓛꓬꓴꓸ ꓡꓰ ꓐꓶꓻˍ  ꓥˍ ꓟ ꓲ ꓾ ꓡ-ꓛꓬꓴꓸ ꓢꓶꓽ ꓟꓽ ꓓꓳ ꓡ ꓢꓰꓼ=

ꓖꓳ ꓕꓯ ꓦꓴꓻ ꓜꓽ ꓒꓽ 4 ꓪ ꓽ ꓠꓬꓲ꓾ ꓔꓲꓺ Desmond Ohankwere ꓔꓯ ꓔꓲꓸ ꓠꓬꓲ ꓓꓶꓽ ꓠꓬꓲ ꓫ ꓟꓴ ꓗꓷꓳ=

ꓣꓳ-ꓢ-ꓣꓲ  ꓽ ꓘꓴ ꓓꓴ ꓐꓯˍ ꓟ  ꓠꓬ꓾ ꓢꓲ-ꓒ ꓬꓰ-ꓢꓴ ꓬꓲꓸ ꓟꓹ ꓟ  ꓟ-ꓡꓲ ꓗꓪ  ꓐꓰ꓾ ꓪꓴ-ꓢ ꓔꓬꓹ ꓗꓪ  ꓪ ꓽ ꓘꓴ ꓠꓹ ꓟ  ꓐꓱ ꓶ ꓾ ꓓꓰꓽ ꓙˍ ꓟ ꓥ ꓡꓳ = ꓖꓳ ꓗꓸ ꓠꓯꓸ ꓔꓲꓺꓒ Desmond Ohankwere ꓠꓬ꓾ ꓫꓵꓻ ꓗꓪ  ꓐꓰ ꓡꓲꓹ ꓙꓰ ꓟ  ꓪꓴꓸ ꓠꓬꓲ ꓪꓴ-ꓢ ꓔꓯ ꓟꓬꓱꓻ ꓓꓳꓽ ꓖꓶ ꓗꓷꓳ =

ꓬꓲꓸ ꓐꓯ- ꓟ  ꓠꓬ꓾ ꓬꓲꓸ ꓫꓵꓳ ꓐꓰ ꓓꓵ ꓙ ꓗꓷꓳ = ꓖꓳ ꓡꓱ ꓥˍ  ꓟꓲ  ꓴ-ꓢ ꓡꓳꓸ ꓙ ꓔˍ ꓟ  ꓪꓴ ꓸ ꓠꓬꓲ꓾ ꓫꓵˍ ꓟ  ꓗꓪ  ꓐꓰ ꓡꓲꓹ ꓙꓰ ꓟ  ꓥꓳ = ꓣ ꓽ ꓥˍ ꓟꓲ ꓕꓲꓽꓠꓬꓲ ꓡꓰ ꓕꓲꓽ ꓠꓬꓲ꓾ ꓪ ꓴ-ꓢ ꓔꓯ ꓪ ꓽ ꓘꓴ ꓢꓲ ꓾ ꓢꓯꓸ ꓔꓬꓹ ꓓꓴ ꓬꓰ ꓡꓯ =