ꓔ ꓟꓼ ꓩꓴ. ꓓꓲꓻ ꓢꓴ ꓔꓯ ꓫꓬ, ꓓꓻ ꓡꓰ ꓟ (Sunday reflection

        ꓔ ꓟꓼ ꓩꓴ. ꓓꓲꓻ ꓢꓴ ꓔꓯ ꓫꓬ, ꓓꓻ ꓡꓰ ꓟ (Sunday reflection)

ꓔ ꓟꓼ ꓩꓴ. ꓓꓲꓻ ꓢꓴ ꓕꓲ ꓣꓳ ꓬꓰ‐ꓢꓴ ꓔꓯ ꓡ ꓢꓲ ꓬꓲ ꓟꓲ ꓙꓬꓼ ꓗꓪ ꓛꓲ ꓝꓲ. ꓖꓶꓽ ꓢꓲ ꓠꓬꓲ ꓠꓴ ꓠꓲ, ꓫꓵˍ ꓠꓬ ꓥꓪ ꓔꓯ ꓫꓬ ꓡꓰ ꓝꓲ ꓐ ꓡˍ ꓡꓳ ꓐꓯ ꓡꓳ ꓐꓰ ꓬꓰ ꓢꓴ ꓕꓯ ꓓꓰꓽ ꓟ ꓥ ꓡꓳ꓿

ꓠꓬꓲ.  ꓠꓬꓲ ꓢꓲꓽ ꓫꓬ ꓕꓳ ꓶ ꓗꓪ ꓐꓰ ꓪꓽ ꓘꓴ ꓟ ꓙꓵ, ꓗꓪ ꓚꓲ. ꓛꓬ ꓣꓱ ꓬꓯ ꓣꓱ ꓞ ꓟ ꓕꓯ ꓢꓲ ꓪꓴ‐ꓢ ꓠꓲ, ꓡꓶ ꓔꓯ ꓛꓳ ꓢꓲ ꓠꓬꓲ ꓓꓰꓽ ꓠ, ꓟ ꓣꓳ ꓚꓵ. ꓟ ꓔꓯ ꓟ. ꓖꓶ ꓡ ꓡꓳ꓿ ꓔ ꓟꓼ ꓩꓴ. ꓓꓲꓻ ꓢꓴ ꓕꓲ ꓣꓳ ꓪꓽ ꓘꓴ ꓟ ꓓꓰꓽ ꓘꓶꓽ ꓠꓬ ꓢꓲꓺ ꓒ ꓬꓰ‐ꓢꓴ ꓠꓲ, ꓫꓵˍ ꓟ ꓓꓰꓽ ꓘꓶꓽ ꓒꓬꓱꓼ ꓬꓰ ꓟ ꓥ ꓡꓳ꓿  ꓕꓱ ꓡꓱ ꓐꓰ ꓣꓳ ꓶꓻ ꓓꓰꓽ ꓪꓽ ꓘꓴ ꓟ ꓠꓬ ꓣꓳ ꓔꓯ ꓣꓱ ꓬꓯ ꓟ ꓥ ꓠꓬ ꓪꓴ‐ꓢ ꓡꓰ ꓣꓳ ꓔꓯ ꓞ ꓞ ꓖꓶ ꓡ ꓟ ꓥ ꓡꓳ꓿ ꓣꓳ ꓶꓻ ꓓꓰ ꓟ ꓠꓬ ꓣꓳ ꓔꓯ ꓐꓬ ꓡꓰ ꓝꓲ ꓟ ꓙꓲ ꓖꓴ ꓟꓽ ꓙꓳ ꓥ ꓠꓬ ꓪꓴ‐ꓢ ꓣꓳ ꓔꓯ ꓟꓽ ꓖꓶ ꓡ ꓟ ꓥ ꓡꓳ꓿

ꓣꓳ ꓶꓻ ꓓꓰꓽ ꓟ ꓠꓬ ꓣꓳ ꓣꓱ ꓞ ꓔꓬ ꓟ ꓣꓱ ꓬꓯꓼ ꓟ ꓔꓯ ꓓꓰꓽ ꓠ, ꓟ ꓔ ꓟ ꓥ ꓡꓳ꓿ ꓖꓳ ꓟ ꓡꓰ ꓟꓽ ꓞꓲ ꓬꓲ ꓙꓵ, ꓖꓶ ꓢꓲ ꓠꓬꓲ ꓡꓳ ꓠ, ꓟ ꓥ ꓟꓲ ꓣꓳ ꓚꓵ. ꓟ ꓔꓯ ꓟ. ꓖꓶ ꓡ ꓟ ꓥ ꓡꓳ꓿ ꓮ ꓟꓶ ꓟ ꓙꓵ, ꓗꓪ ꓣꓳ ꓶꓻ ꓓꓰꓽ ꓪꓽ ꓘꓴ ꓔ ꓟ ꓥ ꓟꓲ ꓪꓴ‐ꓢ ꓡꓰ ꓟꓽ ꓖꓶ ꓡ ꓟ ꓠꓬ ꓬꓲ ꓙꓵ, ꓟꓽ ꓞꓲ ꓟ ꓪꓴ. ꓠꓬꓲ ꓥ ꓡꓳ꓿ ꓠꓲ, ꓟ ꓫꓵˍ ꓢꓲ ꓠꓬꓲ ꓶꓻ ꓓꓰꓽ ꓪꓽ ꓘꓴ ꓠ, ꓟ ꓥ ꓡꓳ꓿ ꓮ ꓕꓯ ꓥ ꓟꓲ ꓪꓽ ꓘꓴ ꓓꓴ ꓬꓰ ꓡꓯ꓿ ꓪꓴ‐ꓢ ꓔꓯ ꓧꓪ, ꓓꓴ ꓬꓰ ꓡꓯ꓿  ꓝꓲ ꓛꓲ ꓖꓶ ꓢꓲ ꓠꓬꓲ ꓪꓽ ꓘꓴ ꓓꓴ ꓬꓰ ꓡꓯ꓿