ꓘꓹ-ꓒꓱ-ꓠꓴ ꓜꓲꓼ ꓦꓲ ꓗꓪ ꓠꓲꓽ ꓖꓼ ꓓꓳ ꓗꓷ_ ꓟ

ꓘꓹ-ꓒꓱ-ꓠꓴ ꓜꓲꓼ ꓦꓲ ꓗꓪ ꓠꓲꓽ ꓖꓼ ꓓꓳ ꓗꓷ_ ꓟ

ꓡꓴ-ꓘ ꓕꓳꓽ ꓶ 4: 31-37

 ꓬꓰ-ꓢꓴ ꓠꓬ ꓖ-ꓡꓲ-ꓡꓲ ꓟꓵꓽ ꓘꓹ-ꓒꓱ-ꓠꓴ ꓟꓬꓱ ꓔ_ ꓟ ꓡꓳ ꓒꓱ ꓗꓪ ꓬꓯꓼ ꓙꓰ_ ꓡꓳ꓿ ꓬꓲ ꓠꓬ ꓠꓽ ꓦꓬꓼ ꓠꓬꓲ ꓗꓪ ꓬꓲ ꓪ ꓔꓯ ꓟꓸ ꓟꓲ ꓟꓸ ꓖꓶ_ ꓡꓳ꓿ ꓬꓲ ꓟꓸ ꓖꓶ_ ꓟ ꓔꓯ ꓬꓲ ꓪ ꓓꓵ ꓙ ꓟꓶ_ ꓡꓳ꓿ ꓮ ꓡꓲꓳ ꓐꓯ ꓠꓬ ꓬꓲ ꓐꓯ ꓘꓶ ꓠꓬ ꓙꓵꓽ ꓪ ꓙꓳ_ ꓡꓳ꓿ ꓜꓲꓼ ꓦꓲ ꓠꓯꓸꓼ ꓗꓪ ꓠꓬ꓾ ꓟꓽ ꓫꓬ ꓠꓲꓽ ꓓꓯ_ ꓟ ꓡ ꓞꓳ ꓕꓲ ꓣꓳ ꓔꓬ_ ꓡꓳ꓿ ꓠꓲꓽ ꓠꓬ ꓢꓯꓼ ꓓꓽ ꓟ ꓡꓰ ꓘꓴꓻ ꓢꓲ꓾ ꓮꓽ꓾ ꓠ-ꓢ-ꓡꓱ ꓢꓴ ꓬꓰ-ꓢꓴꓳ꓾ ꓠꓴ_ ꓐꓰ ꓥꓪ ꓠꓴꓽ ꓮ ꓫꓵ ꓗꓴꓸ ꓙꓲꓽ ꓙꓳ_ ꓡꓳꓺꓽ꓿ ꓠꓴ ꓥꓪ ꓠꓴꓽ ꓔꓯ ꓟꓶꓽ ꓬꓰ ꓝꓲ_ ꓐꓰ ꓡ_ ꓥꓳ ꓪꓺꓽ꓿ ꓠꓴ ꓮꓽ ꓟ ꓥ ꓟ ꓥꓪ ꓠꓽ ꓢꓷ_ ꓡꓳ꓿ ꓪꓴ-ꓢ-ꓬꓲ-ꓢꓲ-ꓫꓬ-ꓢꓴ ꓥ ꓡꓳ꓾ ꓐꓯ_ ꓡꓳ꓿ ꓖꓳ ꓡꓱ ꓠꓬ ꓬꓰ-ꓢꓴ ꓡꓰ ꓬꓲ ꓔꓯ ꓕꓼ ꓢꓲ꓾ ꓕꓽ ꓪꓳꓹ꓿ ꓬꓲ ꓔꓯ ꓐꓰ ꓓꓳ ꓡꓯ꓾ ꓐꓯ_ ꓡꓳ꓿ ꓖꓳ ꓡꓱ ꓠꓬ ꓠꓲꓽ ꓠꓽ ꓮ ꓙꓵ ꓢꓴ ꓗꓳ ꓡꓳ ꓗꓪ ꓖꓳ ꓕꓲ ꓣꓳ ꓔꓯ ꓷꓹ ꓐꓱꓽ ꓩꓴ ꓗꓷ ꓢꓲ꓾ ꓬꓲ ꓔꓯ ꓐꓰ ꓓꓳ ꓡ_ ꓡꓳ꓿ ꓡ ꓞꓳ ꓖꓳ ꓕꓲ ꓣꓳ ꓠꓽ ꓮ ꓡꓲ ꓟꓽ ꓗꓷ ꓡꓰ꓿ ꓮ ꓙꓵ ꓢꓴ ꓓꓵ ꓙ ꓟꓶ ꓡꓰ ꓢꓲ꓾ ꓕꓲ ꓣꓳ ꓛꓳꓽ ꓕꓲ ꓣꓳ ꓠ ꓠꓬꓲ ꓡꓯ ꓘꓳ ꓢꓲ ꓠꓬꓲ꓾ ꓕꓱ ꓟ ꓮ ꓫꓵ ꓐꓯ ꓘꓶ ꓥ ꓡꓳꓺꓽ꓿ ꓮ ꓡꓲꓳ ꓐꓯ ꓠꓬ ꓟꓽ ꓫꓬ ꓠꓲꓽ ꓔꓯ ꓬꓲ ꓙꓵꓽ ꓪ_ ꓐꓰ ꓪꓽ ꓠꓬꓲ_ ꓟ ꓡꓰ ꓕꓵꓼ ꓪ ꓖꓶ ꓢꓲ ꓓꓳ ꓙꓰ_ ꓡꓳ꓾ ꓐꓯ_ ꓡꓳ꓿ ꓖꓳ ꓡꓱ ꓢꓲ ꓬꓲ ꓟꓬꓱ ꓓꓳꓽ ꓠꓬ ꓚꓳ ꓡꓳ ꓡꓳ ꓟ ꓟꓵꓽ ꓮ ꓙꓵ ꓗꓪ ꓚ ꓒꓬꓱꓺ ꓙꓰ_ ꓡꓳ꓿

 

Add new comment

2 + 0 =

Please wait while the page is loading