ꓜꓽ ꓓꓴ ꓚꓲꓸ_ ꓟ ꓔꓯ ꓟꓳꓸ ꓠ ꓠꓬꓲ_ ꓟ

ꓜꓽ ꓓꓴ ꓚꓲꓸ_ ꓟ ꓔꓯ ꓟꓳꓸ ꓠ ꓠꓬꓲ_ ꓟ

ꓡꓴ-ꓘ ꓕꓳꓽ ꓶ 5: 33-39

 ꓖꓳ ꓡꓱ ꓠꓬ ꓬꓲ ꓪ ꓡꓰ ꓬꓲ ꓔꓯ꓾ ꓬꓳ-ꓦ ꓬꓲ ꓛꓳ ꓒꓯꓹ ꓐꓴ ꓠꓬ꓾ ꓜꓽ ꓓꓴ ꓟꓽ ꓜꓽ ꓬꓰ ꓠꓬꓲ ꓪꓽ ꓘꓴ ꓠꓬꓲ ꓟꓽ ꓠꓽ ꓠꓽ ꓬꓰ_ ꓡꓳ꓿ ꓒ-ꓡꓲ-ꓢꓷ ꓛꓳ ꓒꓯꓹ ꓐꓴ_ ꓟꓲ ꓖꓳ ꓡꓱ ꓬꓰ_ ꓡꓳ꓿ ꓠꓴ ꓛꓳ ꓒꓯꓹ ꓐꓴ ꓠꓽ ꓜꓽ ꓠꓬꓲ ꓓꓳ ꓠꓬꓲ ꓬꓰ_ ꓡꓳ꓾ ꓐꓯ_ ꓡꓳ꓿ ꓖꓳ ꓡꓱ ꓠꓬ ꓬꓰ-ꓢꓴ ꓡꓰ ꓬꓲ ꓪ ꓔꓯ꓾ ꓟꓯꓸ ꓡꓯꓸ ꓒ ꓠꓬ ꓬꓲ ꓛꓳ ꓒꓯ ꓐꓴ_ ꓐꓰ ꓕꓲ ꓪꓺꓼ ꓔꓬ_ ꓕꓯ ꓬꓲ ꓪ ꓔꓯ ꓜꓽ ꓓꓴ ꓟꓽ ꓜꓽ ꓬꓰ ꓝꓲ ꓐ ꓡ_ ꓡꓺꓽ꓿ ꓖꓳ ꓡꓱ ꓥ_ ꓟꓲ ꓟꓯꓸ ꓡꓯꓸ ꓒ ꓔꓯ ꓬꓲ ꓪ ꓔꓯ ꓐꓰ ꓧꓳꓽ ꓙꓰ_ ꓟ ꓦꓬꓼ ꓠꓬꓲ ꓛꓲ ꓡ_ ꓥꓳ꓿ ꓦꓬꓼ ꓠꓬꓲ ꓖꓳ ꓟ ꓗꓪ ꓠꓽ ꓬꓲ ꓪ ꓜꓽ ꓓꓴ ꓟꓽ ꓜꓽ ꓬꓰ_ ꓥꓳ꓾ ꓐꓰ ꓒꓳꓹ ꓖꓶ_ ꓡꓳ꓿ ꓖꓳ ꓡꓱ ꓠꓬ ꓬꓰ-ꓢꓴ ꓡꓰ ꓬꓲ ꓪ ꓔꓯ ꓔꓯꓺ ꓥꓳ ꓕꓲ ꓟ ꓐꓯ ꓖꓶ_ ꓢꓰꓽ ꓡꓳ꓿ ꓐꓵ ꓞꓶ ꓫꓵꓼ ꓗꓪ ꓐꓰ ꓕꓲ ꓡꓯꓼ ꓚꓵꓹ ꓢꓲ꓾ ꓐꓵ ꓞꓶ ꓐꓰꓽ ꓗꓪ ꓑꓱꓺ ꓢꓴ ꓟꓽ ꓙꓳ꓿ ꓖꓳ ꓡꓱ ꓬꓰ_ ꓠꓬ ꓬꓲ ꓫꓵꓼ_ ꓟꓲ ꓚꓵꓹ ꓧꓽ ꓡꓰꓳ꓿ ꓖꓳ ꓕꓲ ꓡꓯꓼ ꓟꓲ ꓬꓲ ꓐꓰꓽ ꓔꓯ ꓟꓽ ꓧꓳꓹ꓿ ꓝꓮꓲ ꓛꓱꓼ ꓡꓱ ꓙꓵ ꓫꓵꓼ ꓠꓬ ꓧꓪꓽ ꓙꓲ ꓡꓵꓸ ꓬꓲ ꓐꓰꓽ ꓗꓪ ꓧꓳꓽ ꓢꓴ ꓟꓽ ꓙꓳ꓿ ꓖꓳ ꓡꓱ ꓬꓰ_ ꓠꓬ ꓛꓱꓼ ꓡꓱ ꓙꓵ ꓫꓵꓼ ꓡꓰ ꓧꓪꓽ ꓙꓲ ꓡꓵꓸ ꓔꓯ ꓐꓶꓽ ꓡꓰ ꓝꓲ ꓢꓲ꓾ ꓛꓱꓼ ꓡꓱ ꓙꓵꓻ_ ꓟꓲ ꓧꓳꓸ ꓡꓰꓳ꓾ ꓧꓪꓽ ꓙꓲ ꓡꓵ_ ꓟꓲ ꓐꓬ ꓡꓰ_ ꓥꓳ꓿ ꓛꓱꓼ ꓡꓱ ꓙꓵ ꓫꓵꓼ ꓠꓽ ꓧꓪꓽ ꓙꓲ ꓡꓵꓸ ꓫꓵꓼ ꓗꓪ ꓧꓳꓽ ꓠ ꓗ_ ꓡꓳ꓿ ꓛꓱꓼ ꓡꓱ ꓙꓵ ꓡꓵꓺ ꓓꓳꓻ ꓠꓬꓲ ꓢꓴ ꓠꓬ꓾ ꓬꓲ ꓫꓵꓼ ꓓꓳ ꓠꓲꓹ ꓫꓵ ꓢꓴ ꓟꓽ ꓙꓳ꓿ ꓮ ꓡꓲꓳ ꓐꓯ ꓠꓬ ꓬꓲ ꓠꓽ꓾ ꓬꓲ ꓡꓵꓺ ꓟꓬꓽ ꓠꓬꓲ ꓙꓲ_ ꓡꓳ꓾ ꓐꓰ ꓐꓯ_ ꓡꓳ꓾ ꓐꓯ_ ꓡꓳ꓿

 

Add new comment

7 + 3 =

Please wait while the page is loading