ꓝꓲꓸ ꓒꓴ ꓓꓳ_ ꓟ

ꓝꓲꓸ ꓒꓴ ꓓꓳ_ ꓟ

ꓟ-ꓕꓲ ꓕꓳꓽ ꓶ 17: 22-27

 ꓬꓲ ꓪ ꓠꓬ ꓖ-ꓡꓲ-ꓡꓲ ꓗꓪ ꓔꓬ ꓢꓰꓽ ꓕꓯ꓾ ꓬꓰ-ꓢꓴ ꓬꓲ ꓪ ꓔꓯ ꓐꓯ_ ꓡꓳ꓾ ꓡ ꓞꓳ ꓮ ꓐꓲ ꓔꓯ ꓠꓽ ꓞꓳ ꓤ ꓡꓯ ꓒꓯꓹ ꓗꓪ ꓡꓯꓼ ꓙꓱ ꓗꓷ_ ꓥꓳ꓿ ꓬꓲ ꓪ ꓠꓬ ꓬꓲ ꓔꓯ ꓢꓰꓼ ꓡ_ ꓥꓳ꓾ ꓢꓽ ꓠꓬꓲ ꓕꓲ ꓠꓬꓲ ꓗꓪ ꓬꓲ ꓔꓯ ꓢꓯꓸ ꓡꓰꓼ ꓡ ꓝꓲ_ ꓥꓳ꓾ ꓐꓯ_ ꓡꓳ꓿ ꓖꓳ ꓡꓱ ꓠꓬꓲ ꓬꓲ ꓪ ꓠꓲꓹ ꓟ ꓮ ꓘꓶ ꓫꓸ_ ꓡꓳ꓿ ꓬꓲ ꓪ ꓠꓬ ꓘꓹ-ꓒꓱ-ꓠꓴ ꓡꓳ ꓒꓱ ꓗꓪ ꓛꓲ ꓬꓰ_ ꓕꓯ꓾ ꓢꓲ ꓫꓬ ꓦꓲ ꓐꓱ ꓶ ꓝꓲꓸ ꓒꓴ ꓐꓶꓽ ꓫꓱ-ꓘꓷ-ꓡꓷ ꓫꓺ ꓢꓴ ꓠꓬ ꓒꓲ-ꓕꓱ ꓔꓯ ꓡ ꓢꓲ꓾ ꓠꓴ ꓪ ꓟꓸ ꓒ ꓠꓬ ꓢꓲ ꓫꓬ ꓦꓲ ꓐꓱ ꓶ ꓝꓲꓸ ꓒꓴ ꓐꓶꓽ ꓫꓱ-ꓘꓷ-ꓡꓷ ꓟꓽ ꓓꓳ ꓡꓺꓽ꓾ ꓐꓯ_ ꓡꓳ꓿ ꓒꓲ-ꓕꓱ ꓠꓬ꓾ ꓓꓳꓺ_ ꓡꓳ꓾ ꓐꓯ_ ꓡꓳ꓿ ꓬꓲ ꓠꓬ ꓦꓲ ꓠꓯꓸꓼ ꓗꓪ ꓓꓵ ꓡꓰ_ ꓕꓯ꓾ ꓬꓰ-ꓢꓴ ꓧꓶꓸ ꓕꓯ ꓬꓲ ꓔꓯ꓾ ꓢꓲ-ꓟꓴꓳ꓾ ꓠꓴ ꓮ ꓡꓲ ꓓꓵ ꓙ_ ꓡꓳꓺꓽ꓿ ꓟꓲ ꓠꓯ ꓗꓪ ꓟ ꓪ ꓔꓲ ꓠꓬ ꓝꓲꓸ ꓒꓴ_ ꓐꓰ ꓟꓵꓽ ꓒꓵꓽ ꓮ ꓟ ꓔꓯ ꓫꓺ_ ꓡꓳꓺꓽ꓿ ꓚꓲ ꓛꓬ ꓤ ꓠꓱ ꓔꓯ ꓫꓺ_ ꓡꓺꓽ꓾ ꓥ ꓠꓬ ꓐꓶꓽ ꓒ ꓔꓯ ꓫꓺ_ ꓡꓺꓽ꓾ ꓐꓯ_ ꓡꓳ꓿ ꓬꓲ ꓡꓰ꓾ ꓐꓶꓽ ꓒ ꓔꓯ ꓫꓺ_ ꓡꓳ꓾ ꓐꓯ_ ꓕꓯ꓾ ꓬꓰ-ꓢꓴ ꓡꓰ ꓬꓲ ꓔꓯ꓾ ꓖꓳ ꓡꓱ ꓥ ꓠꓬ ꓤ ꓠꓱ ꓐꓴ ꓠꓽ ꓚꓳ ꓪꓴꓸ ꓥ ꓡꓳ꓿ ꓖꓳ ꓡꓱ ꓥ_ ꓟꓲ ꓬꓲ ꓪ ꓡꓱꓸ ꓗꓷ_ ꓟ ꓔꓯ ꓗꓳ ꓚꓱ ꓠꓬꓲ꓾ ꓠꓴ ꓠꓬ ꓬꓲꓻ ꓡꓴ ꓐꓱ ꓗꓪ ꓥꓪꓸ ꓟꓬꓺ ꓬꓰ꓿ ꓖꓳ ꓡꓱ ꓢꓲ ꓬꓲ ꓪꓴꓸ ꓟꓬ ꓟꓶ_ ꓟ ꓖꓳ ꓕꓲ ꓟ ꓣꓴ ꓢꓲ ꓠꓬꓲ꓾ ꓬꓲ ꓟꓷ ꓠꓷ ꓦꓶꓹ ꓗꓷ ꓠꓬ꓾ ꓒꓴꓻ ꓕꓲ ꓫꓱ-ꓘꓷ-ꓡꓷ ꓧꓪ ꓟꓶ_ ꓥꓳ꓿ ꓖꓳ ꓟ ꓔꓯꓹ ꓔ ꓢꓲ꓾ ꓠꓴ_ ꓐꓰ ꓥꓪ ꓐꓱ ꓶ ꓬꓲ ꓪ ꓔꓯ ꓖꓶ꓾ ꓐꓯ_ ꓡꓳ꓿

Add new comment

7 + 0 =

Please wait while the page is loading