ꓞꓳ ꓐꓳ ꓟꓴ ꓗꓪ ꓗꓴꓷꓼ ꓗꓪ ꓓꓵꓽ ꓡꓰ ꓫ_ ꓟ

ꓟ-ꓕꓲ ꓕꓳꓽ ꓶ 19: 16-22

 ꓠꓬꓲ ꓠꓹ꓾ ꓡ ꓞꓳ ꓕꓲ ꓣꓳ ꓬꓲ ꓔꓯ ꓡ ꓢꓲ꓾ ꓟꓸ ꓒꓽꓳ꓾ ꓥꓪ ꓕꓲ ꓞꓲ ꓕꓲ ꓑ ꓟ ꓢꓯꓼ ꓟꓬ ꓟꓶ ꓠꓹ ꓟ ꓙꓲ_ ꓟ ꓮ ꓫꓵ ꓬꓰ ꓠꓯ_ ꓡꓳꓺꓽ꓾ ꓐꓯ_ ꓡꓳ꓿ ꓬꓲ ꓡꓰ ꓬꓲ ꓔꓯ꓾ ꓠꓴ ꓮ ꓫꓵ ꓪꓴ ꓠꓬꓲ ꓥꓪ ꓔꓯ ꓙꓲ_ ꓟ ꓠ ꓠꓬꓲ_ ꓡꓳꓺꓽ꓿ ꓙꓲ_ ꓟ ꓠꓽ ꓕꓲ ꓣꓳ_ ꓡꓰꓽ ꓙꓳ_ ꓡꓳ꓿ ꓠꓴ ꓢꓯꓼ ꓟꓬ ꓟꓶ_ ꓗꓪ ꓓꓵ ꓡꓰ ꓠꓲꓹ ꓫꓵ_ ꓕꓯ ꓠꓽ꓾ ꓪꓴ-ꓢ ꓕꓵꓼ ꓪ ꓔꓯ ꓛꓳ ꓠ ꓗ_ ꓡꓳ꓾ ꓐꓯ_ ꓡꓳ꓿ ꓬꓲ ꓡꓰ ꓬꓲ ꓔꓯ꓾ ꓕꓵꓼ ꓪ ꓮ ꓡꓲ ꓟꓺꓽ꓾ ꓐꓯ_ ꓡꓳ꓿ ꓬꓰ-ꓢꓴ ꓡꓰ ꓕꓱ ꓡꓱ ꓐꓯ_ ꓡꓳ꓾ ꓞꓳ ꓤ ꓔꓯ ꓢꓰꓼ ꓟꓽ ꓓ꓿ ꓦꓬꓽ ꓛꓳꓽ ꓧꓪ ꓟꓽ ꓓ꓿ ꓘꓴꓽ ꓜ ꓠꓯ ꓜꓽ ꓟꓽ ꓓ꓿ ꓟꓽ ꓔꓱꓹ ꓟ ꓢꓷ ꓙ ꓟꓳ ꓙ ꓢꓴ ꓬꓰ ꓟꓽ ꓓ꓿ ꓠꓴ ꓮ ꓐꓽ ꓮ ꓟ ꓔꓯ ꓒꓵꓽ꓿ ꓝꓮꓲ ꓠꓴ ꓚꓲ ꓛꓬ ꓖꓳ ꓓꓱ ꓔꓯ ꓠꓲꓹ ꓠꓵ_ ꓟ_ ꓡꓰ ꓐꓰ ꓠꓴ ꓠꓶꓽ ꓛꓳ ꓕꓲ ꓛꓳ ꓔꓯ ꓠꓲꓹ ꓠꓵ ꓠ ꓗ_ ꓡꓳ꓾ ꓐꓯ_ ꓡꓳ꓿ ꓤ ꓖꓴ ꓡꓯꓸ ꓡꓰ ꓬꓲ ꓔꓯ꓾ ꓕꓱ ꓟꓬ ꓙꓰꓽ ꓟ ꓮ ꓙꓵ ꓥꓪ ꓚꓺ ꓔꓬ_ ꓡꓳ꓿ ꓥꓪ ꓮ ꓫꓵ ꓛ_ ꓢꓰꓽ ꓡꓳꓺꓽ꓾ ꓐꓯ_ ꓡꓳ꓿ ꓬꓰ-ꓢꓴ ꓡꓰ ꓬꓲ ꓔꓯ꓾ ꓠꓴ ꓙꓲꓻ ꓓꓰ ꓡꓰ ꓠꓲꓹ ꓫꓵ_ ꓕꓯ ꓠꓽ꓾ ꓙꓰ꓾ ꓠꓴ ꓙꓳ_ ꓟ ꓪꓴꓽ ꓗꓷ ꓢꓲ ꓞꓳ ꓫꓸ ꓔꓯ ꓖꓶ꓿ ꓖꓳ ꓡꓱ ꓠꓬ ꓟꓴ ꓗꓪ ꓕꓯ ꓢꓲ ꓗꓪ ꓠꓴ ꓠꓽ ꓒꓵꓽ ꓶꓽ ꓙꓳ_ ꓥꓳ꓿ ꓖꓳ ꓡꓱ ꓢꓲ ꓥꓪ ꓔꓯ ꓛꓳ ꓡꓯ꓾ ꓐꓯ ꓖꓶ_ ꓡꓳ꓿ ꓐꓯ ꓘꓶ ꓖꓳ ꓟ ꓤ ꓖꓴ ꓡꓯꓸ ꓑ ꓙ ꓗꓷ ꓠꓬ꓾ ꓠꓲꓹ ꓟ ꓫꓸ ꓫꓸꓼ ꓐꓰ ꓙꓰ ꓗꓷꓳ꓿ ꓮ ꓡꓲꓳ ꓐꓯ ꓠꓬ ꓬꓲ ꓠꓽ ꓙꓳꓻ ꓒ ꓓꓽ ꓟ ꓕꓲ ꓣꓳ ꓥ ꓡꓳ꓿