ꓟꓯꓼ ꓢꓲꓽ ꓒ ꓚꓳ ꓑꓸ ꓔꓯ ꓫꓬꓹ ꓖꓶ_ ꓟ

ꓟꓯꓼ ꓢꓲꓽ ꓒ ꓚꓳ ꓑꓸ ꓔꓯ ꓫꓬꓹ ꓖꓶ_ ꓟ

ꓡꓴ-ꓘ ꓕꓳꓽ ꓶ 7: 1-10

 ꓬꓰ-ꓢꓴ ꓠꓬ ꓑ ꓫꓬ ꓐꓴ ꓑ ꓙ_ ꓟ ꓗꓪ ꓬꓲ ꓐꓯ ꓘꓶ ꓕꓱ ꓟ ꓮ ꓙꓵ ꓚꓺ ꓓꓳ ꓡꓰ ꓠꓬ꓾ ꓘꓹ-ꓒꓱ-ꓠꓴ ꓡꓳ ꓒꓱ ꓗꓪ ꓓꓵꓽ ꓙꓰ_ ꓡꓳ꓿ ꓟꓯꓼ ꓤꓽ ꓕꓲ ꓦꓬ ꓙꓵꓽ ꓒ ꓬꓲ ꓠꓲꓹ ꓠꓵ_ ꓟ ꓚꓳ ꓑ ꓕꓲ ꓣꓳ ꓠꓬ꓾ ꓠꓻ ꓢꓲ ꓮꓽ ꓡ ꓫꓵꓻ_ ꓐꓰ ꓗ_ ꓡꓳ꓿ ꓬꓰ-ꓢꓴ ꓓꓳꓽ ꓬꓲ ꓑ ꓙ ꓠꓬ꓾ ꓬꓲ ꓚꓳ ꓑ ꓔꓯ ꓚꓬꓴ ꓡ ꓠꓹ ꓟ꓾ ꓬꓴ-ꓔ ꓡ ꓞꓳ ꓗꓪ ꓟ ꓞꓳ ꓪꓴꓽ ꓕꓲ ꓠꓬꓲꓽ ꓣꓳ ꓔꓯ ꓝꓲ ꓩꓴ ꓗꓷ ꓢꓲ꓾ ꓬꓰ-ꓢꓴ ꓔꓯ ꓓꓰꓽ_ ꓡꓳ꓿ ꓬꓰ-ꓢꓴ ꓔꓬ ꓗꓪ ꓬꓲ ꓪ ꓛꓲ ꓡ ꓠꓬ ꓬꓲ ꓔꓯ꓾ ꓠꓴ ꓬꓲ ꓐꓱ ꓶ ꓟꓬꓱꓽ ꓕꓱ ꓕꓲ ꓫꓵꓽ ꓬꓰ ꓖꓶ_ ꓠꓬ꓾ ꓬꓲ ꓠꓽ ꓟꓶ ꓒꓵꓽ_ ꓡꓳ꓿ ꓮ ꓡꓲꓳ ꓐꓯ ꓠꓬ ꓬꓲ ꓠꓽ ꓣꓳ ꓕꓲ ꓫꓵꓽ ꓟ ꓔꓯ ꓠꓲꓹ ꓠꓵ_ ꓠꓬꓲ꓾ ꓥꓪ ꓠꓴꓽ ꓐꓱ ꓶ ꓥꓪ ꓠꓴ ꓜꓲꓼ ꓦꓲ ꓫꓬꓹ ꓖꓶ_ ꓡꓳ꓾ ꓐꓰ ꓐꓯ ꓢꓲ ꓬꓲ ꓔꓯ ꓮ ꓘꓶ ꓓꓰꓽ_ ꓡꓳ꓿ ꓖꓳ ꓡꓱ ꓠꓬ ꓬꓰ-ꓢꓴ ꓬꓲ ꓪ ꓔꓯ ꓛꓳ ꓙꓰ_ ꓡꓳ꓿ ꓟꓯꓼ ꓙꓵꓽ ꓒ ꓦꓲ_ ꓐꓰ ꓶꓽ ꓤ ꓟꓽ ꓗꓷꓹ ꓞ ꓕꓯ꓾ ꓟꓯꓼ ꓤ ꓕꓲ ꓦꓬ ꓢꓲꓽ ꓒ ꓠꓬ ꓬꓲ ꓗꓪ ꓛꓳꓽ ꓐꓴ ꓕꓲ ꓠꓬꓲꓽ ꓣꓳ ꓝꓲ ꓩꓴ ꓗꓷ ꓢꓲ꓾ ꓬꓲ ꓔꓯ ꓕꓱ ꓡꓱ ꓐꓯ ꓖꓶ ꓝꓲ_ ꓡꓳ꓾ ꓢꓲꓺ ꓒꓽꓳ꓾ ꓠꓴ ꓕꓽ ꓪꓴꓽ ꓧꓶ꓿ ꓮ ꓡꓲꓳ ꓐꓯ ꓠꓬ ꓠꓴ ꓥꓪ ꓦꓲ ꓕꓱ ꓟ ꓗꓪ ꓓꓵꓽ ꓡ_ ꓠꓬ꓾ ꓥꓪ ꓠꓽ ꓟꓽ ꓒꓵꓽ꓿ ꓥꓪ ꓚꓲ ꓛꓬ_ ꓟꓲ ꓠꓴ ꓔꓯ ꓡ_ ꓠꓬ꓾ ꓟꓽ ꓒꓵꓽ꓿ ꓖꓳ ꓡꓱ ꓠꓬꓲ ꓠꓴ ꓕꓲ ꓘꓶꓽ ꓐꓯ ꓕꓲ ꓖꓺꓼ ꓠꓬ ꓥꓪ ꓔꓯ ꓣꓱꓽ ꓙ ꓢꓴ ꓠꓽ ꓓꓻ ꓡꓰ_ ꓥꓳ꓿ ꓮ ꓡꓲꓳ ꓐꓯ ꓠꓬ ꓥꓪ_ ꓟꓲ ꓢꓴ ꓙꓵꓽ ꓪ ꓠꓯꓸ ꓘꓪ ꓔꓬ ꓟ ꓡ ꓞꓳ ꓥ ꓡꓳ꓿ ꓥꓪ ꓠꓯꓸ ꓘꓪ_ ꓟꓲ ꓟꓯꓼ ꓤ ꓙꓳ_ ꓡꓳ꓿ ꓥꓪ ꓡꓰ ꓕꓱ ꓕꓲ ꓣꓳ ꓔꓯ꓾ ꓙꓰ꓾ ꓐꓯ_ ꓠꓬ ꓬꓲ ꓠꓽ ꓙꓰ_ ꓥꓳ꓿ ꓖꓳ ꓕꓲ ꓣꓳ ꓔꓯ꓾ ꓡꓯ꓾ ꓐꓯ_ ꓠꓬ ꓬꓲ ꓠꓽ ꓡ_ ꓥꓳ꓿ ꓥꓪ ꓚꓳ ꓑ ꓔꓯ꓾ ꓠꓴ ꓕꓱ ꓟ ꓬꓰ꓾ ꓐꓯ_ ꓠꓬ ꓬꓲ ꓠꓽ ꓬꓰ_ ꓥꓳ꓾ ꓐꓯ_ ꓡꓳ꓿ ꓐꓯ ꓘꓶ ꓕꓱ ꓟ ꓬꓰ-ꓢꓴ ꓑ ꓙ ꓗꓷ ꓠꓬ꓾ ꓬꓲ ꓔꓯ ꓓꓵꓽ ꓙ ꓟꓶ ꓢꓲ꓾ ꓔꓲꓸ ꓒꓳꓹ ꓢꓲ ꓠꓬꓲ꓾ ꓬꓲ ꓔꓯ ꓛꓳ ꓡ ꓢꓴ ꓞꓳ ꓜꓴ ꓔꓯ ꓕꓱ ꓡꓱ ꓐꓯ_ ꓡꓳ꓾ ꓥꓪ ꓠꓴ ꓪ ꓔꓯ ꓐꓯ ꓖꓶ_ ꓠꓬꓲ꓾ ꓬꓲ-ꓢꓷ-ꓡꓰ ꓐꓴ ꓗꓳ ꓡꓳ ꓗꓪ ꓥ_ ꓟꓲ ꓙꓵꓻ ꓠꓲꓹ ꓕꓱ ꓘꓶ ꓛꓲ ꓪꓴꓽ_ ꓟ ꓥꓪ ꓟꓽ ꓔꓳꓹ ꓜꓳ ꓠꓬꓲ꓾ ꓐꓯ_ ꓡꓳ꓿ ꓝꓲ ꓩꓴ ꓗꓷ_ ꓟ ꓖꓳ ꓕꓲ ꓧꓳꓽ ꓦꓲ ꓗꓪ ꓬꓲꓼ ꓛꓲ ꓬꓰ ꓠꓬ꓾ ꓚꓳ ꓑ ꓓꓻ ꓡꓰ ꓟ ꓔꓯ ꓟꓳ_ ꓡꓳ꓿

 

Add new comment

2 + 1 =

Please wait while the page is loading