ꓟ-ꓖ-ꓓ-ꓡꓲ ꓢꓴ ꓟ-ꓡꓲ- ꓔꓯ ꓟꓳꓸ ꓖꓶ_ ꓟ

ꓬꓳ-ꓦ ꓕꓳꓽ ꓶ 12: 1-2,11-18

 ꓬꓰ-ꓢꓴ ꓠꓬ ꓦꓲ-ꓘꓳ-ꓑꓮꓲ ꓟꓽ ꓬꓰ ꓛꓳꓼ ꓠꓬꓲ ꓕꓯ ꓡꓰ꓾ ꓬꓲ ꓡꓰ ꓫꓵꓻ_ ꓗꓪ ꓐꓰ ꓢꓯꓸ ꓡꓰꓼ ꓡ ꓝꓲ_ ꓟ ꓡ-ꓢ-ꓣꓴ ꓔꓬ_ ꓟ ꓐꓱ-ꓕ-ꓠꓲ ꓗꓪ ꓛꓲ ꓡ_ ꓡꓳ꓿ ꓖꓳ ꓡꓱ ꓠꓬ ꓬꓲ ꓪ ꓖꓳ ꓗꓪ ꓬꓲ ꓔꓯ ꓟꓶ ꓘꓶ ꓜ ꓫꓬꓹ ꓖꓶ ꓜꓽ ꓢꓲ꓾ ꓟ-ꓕ ꓣꓱꓽ ꓙ_ ꓡꓳ꓿ ꓡ-ꓢ-ꓣꓴ ꓠꓽ ꓬꓲ_ ꓐꓰ ꓕꓲ ꓪꓺꓼ ꓜ ꓜꓽ_ ꓐꓰ ꓗꓳꓺ ꓔꓬ ꓢꓴ ꓗꓪ ꓟ ꓕꓲ ꓣꓳ ꓥ ꓡꓳ꓿ ꓮ ꓡꓲꓳ ꓐꓯ ꓠꓬ ꓡ-ꓢ-ꓣꓴ ꓑꓶ ꓓꓴ ꓬꓴ-ꓔ ꓡ ꓞꓳ ꓮ ꓟꓬꓹ ꓠꓬ ꓓꓳ ꓙꓰ ꓢꓲ꓾ ꓬꓰ-ꓢꓴ ꓔꓯ ꓙꓵꓻ_ ꓡꓳ꓿ ꓗ ꓠꓯ ꓕꓲ ꓠꓬꓲ ꓑꓮꓲꓽ ꓬꓰ_ ꓟ ꓗꓪ ꓡ_ ꓟ ꓡ ꓞꓳ ꓬꓲ ꓜꓴ ꓓꓽ ꓟ ꓠꓬ꓾ ꓙꓱ-ꓣꓴ-ꓢ-ꓡꓱ ꓗꓪ ꓬꓰ-ꓢꓴ ꓡ_ ꓟ ꓑ ꓙꓽ ꓠꓬ꓾ ꓙꓲꓻ ꓫꓴꓽ ꓡꓯꓼ ꓗꓸ ꓣꓴ ꓢꓲ꓾ ꓬꓲ ꓔꓯ ꓞꓵ_ ꓐꓰ ꓓꓳ ꓙꓰ ꓢꓲ ꓠꓬꓲ꓾ ꓧꓳ-ꓢ-ꓠ꓾ ꓢꓲꓺ ꓒ ꓟꓬꓱꓺ ꓗꓪ ꓐꓰ ꓡ_ ꓟ ꓬꓲ-ꓢꓷ-ꓡꓰ ꓪ ꓔꓲ ꓠꓽ ꓶꓼ ꓙꓳ ꓫꓱ ꓙꓳ_ ꓡꓳ꓾ ꓐꓰ ꓘꓴ_ ꓡꓳ꓿ ꓬꓰ-ꓢꓴ ꓠꓬ ꓕꓳꓽ ꓡ ꓟꓴ ꓤ ꓕꓲ ꓛꓲ ꓧꓪ ꓟꓶ ꓠꓬ꓾ ꓬꓲ ꓜꓶꓽ_ ꓡꓳ꓿ ꓕꓱ ꓟ ꓠꓬ ꓕꓳ ꓶ ꓗꓪ꓾ ꓜꓲ-ꓬꓴ ꓮ ꓟꓲꓽꓳ꓾ ꓕꓽ ꓙꓳꓺ꓾ ꓠꓬꓲ ꓠꓹ꓾ ꓠꓴ ꓪꓻ ꓔꓲ ꓠꓬ ꓕꓳꓽ ꓡ ꓟꓴ ꓤ ꓕꓲ ꓛꓲ ꓜꓶꓽ ꓢꓲ ꓡ_ ꓡꓳ꓾ ꓐꓰ ꓐꓳ ꓔ_ ꓟ_ ꓡꓰ ꓐꓰ ꓥ ꓡꓳ꓿ ꓬꓲ ꓪꓴꓸ ꓕꓯ ꓬꓲ ꓛꓳ ꓒꓯꓹ ꓐꓴ ꓠꓬ ꓕꓱ ꓟꓬ ꓙꓰꓽ ꓔꓯ ꓟꓽ ꓙ ꓜꓲꓼ꓿ ꓖꓳ ꓡꓱ ꓥ_ ꓟꓲ ꓬꓰ-ꓢꓴ ꓠꓬ ꓟꓬꓱ ꓓꓳꓽ ꓟꓶ ꓗꓷ ꓗ ꓠꓯ ꓐꓳ ꓔ_ ꓟ ꓕꓱ ꓟꓬ ꓙꓰꓽ ꓠꓬ꓾ ꓬꓲ ꓔꓯ ꓖꓴꓺ ꓔ_ ꓟ ꓥ ꓢꓲ꓾ ꓕꓱ ꓟꓬ ꓫꓵꓽ_ ꓟꓲ ꓬꓲ ꓔꓯ ꓬꓰ ꓖꓶ_ ꓟ ꓔꓯ ꓬꓲ ꓪ ꓓꓵ ꓙ ꓛꓲ ꓡ_ ꓡꓳ꓿ ꓖꓳ ꓡꓱ ꓠꓬꓲ ꓡ-ꓢ-ꓣꓴ ꓔꓯ ꓡꓱ ꓜꓴ ꓗꓪ ꓐꓰ ꓘꓴꓻ ꓓꓳ ꓡ ꓢꓲ꓾ ꓫꓵꓻ_ ꓗꓪ ꓐꓰ ꓬꓲ ꓔꓯ ꓢꓯꓸ ꓬꓲꓼ ꓡ ꓝꓲ_ ꓕꓯ꓾ ꓬꓰ-ꓢꓴ_ ꓐꓰ ꓔꓬ_ ꓟ ꓡ ꓞꓳ ꓬꓲ ꓜꓴ ꓠꓬ ꓢꓷ ꓙ ꓟꓳ ꓙ_ ꓡꓳ꓿ ꓡ ꓞꓳ ꓬꓲ ꓜꓴ ꓡꓰ ꓬꓰ-ꓢꓴ ꓔꓯ ꓞꓵ ꓙꓰ_ ꓟ ꓠꓬ꓾ ꓢꓷ ꓡꓰ ꓓꓴ ꓕꓱ ꓟ ꓬꓰ_ ꓟ ꓬꓲ ꓪ ꓑ ꓙ_ ꓟ ꓑꓶ ꓓꓴ ꓥ ꓡꓳ꓿

 

Add new comment

1 + 4 =