ꓠꓲꓹ ꓗꓴ ꓟꓬ ꓗꓴ ꓢꓴ ꓖꓶ ꓙ ꓟꓳ_ꓟ

ꓥꓪ ꓔꓱꓹ ꓔꓱ_ ꓠꓴ ꓪ ꓔꓯ ꓐꓯ ꓖꓶ_ ꓠꓬꓲ-ꓸ ꓠꓴ ꓪ ꓠꓬ ꓮ ꓛꓬꓹ ꓙꓱ ꓢꓲ ꓥꓴ_ ꓥꓳ= ꓖꓳ ꓡꓱ ꓥ_ ꓟꓲ ꓟꓲ ꓠꓯ ꓡ ꓞꓳ ꓠꓽ ꓗꓹ ꓛꓲ-ꓥꓳ= ꓠꓴ ꓪ ꓠꓬ ꓠꓲꓹ ꓟ ꓫ ꓥꓳ= ꓖꓳ ꓡꓱ ꓥ_ ꓟꓲ ꓠꓴ ꓪ ꓠꓲꓹ ꓟ ꓫ_ ꓟ ꓠꓬ ꓗꓹ ꓛꓲ ꓓꓴ ꓑꓶꓸ ꓡꓰ_ ꓥꓳ=ꓤ ꓟꓶ ꓤ ꓠꓱ ꓦꓵ ꓙꓵꓹ ꓛꓲ ꓡ ꓠꓬ ꓦꓵ ꓠꓸꓹ ꓜꓲꓽ_ ꓟ ꓞꓳ ꓤ ꓕꓲ ꓣꓳ ꓦꓵ ꓡ ꓟ ꓗꓪ ꓐꓰ ꓗꓹ ꓛꓲ ꓠꓬꓲ ꓫꓸ ꓙꓵ_ ꓟ ꓔꓯ ꓟꓲꓸꓸ ꓡꓰ- ꓡꓳ=  ꓖꓳ ꓡꓱ  ꓠꓬꓲ ꓠꓴ ꓪ_ ꓟꓲ ꓠꓲꓹ ꓫ ꓟꓬ ꓫ_ ꓟ ꓙꓳ_ ꓥꓳ=  ꓖꓳ ꓡꓱ ꓥ_ ꓟꓲ ꓠꓴ ꓪ ꓔꓯ ꓥꓪ  ꓝꓮꓲ ꓟꓳ_ ꓕꓯ ꓠꓴ ꓪ ꓠꓽ ꓗ ꓛꓲ- ꓥꓳ= ꓠꓴ ꓪ ꓗ ꓛꓲ ꓠꓲꓹ ꓔꓯ ꓮꓽ ꓟ_ ꓟꓲ ꓣꓴ ꓔꓯꓹ ꓙꓰ ꓟꓽ ꓐ ꓡ= ꓖꓳ ꓕꓲ ꓠꓬꓲ ꓗꓪ ꓠꓴ ꓪ ꓦꓪ ꓔꓯ ꓮ ꓫꓵꓽ- ꓟꓲ ꓠ ꓠꓬꓲ ꓟꓽ  ꓛꓵꓳ= ꓥꓪ ꓔꓱꓹ ꓔꓱ_ ꓠꓴ ꓪ ꓔꓯ ꓐꓯ ꓖꓶ_ ꓠꓬꓲ-ꓸ ꓥꓪ ꓟꓬꓱ ꓗꓪ ꓐꓰ ꓐꓹ ꓐ ꓔꓯ ꓠꓴ ꓪ ꓮ ꓫꓵꓽ ꓓꓰꓽ _ ꓟꓲ ꓠꓴ ꓪ ꓔꓯ  ꓖꓶ ꓡ- ꓥꓳ= ꓮ ꓟꓶ ꓗꓪ ꓛꓲ ꓠꓴ ꓪ  ꓠꓬ ꓥꓪ ꓟꓬꓱ ꓗꓪ ꓐꓰ ꓮ ꓫꓵꓽ_ ꓟꓲ ꓟꓽ ꓓꓱꓽ ꓠꓬꓲ ꓢꓰꓽ= ꓠꓴ ꓪ ꓗꓹ ꓛꓲ ꓠꓲꓹ ꓐꓲ ꓡ ꓠꓹ ꓟ ꓓꓰꓽ= ꓖꓳ ꓡꓱ ꓠꓬ ꓠꓴ ꓪ ꓟꓶ-ꓥꓳ=ꓕꓱ ꓟꓬ ꓫꓵꓽ ꓟ ꓠꓬ ꓔꓯꓸꓸ ꓘꓶꓽ ꓗꓪ ꓐꓰ ꓥꓪ ꓡꓰ ꓠꓴ ꓪ ꓔꓯ ꓢꓖꓶ ꓗꓷꓳ= ꓖꓳ ꓡꓱ ꓥ_ ꓟꓲ ꓥꓪ ꓡꓰ ꓠꓴ ꓪ ꓔꓯꓔꓯ ꓘꓶꓽ ꓗꓪ ꓐꓰ ꓝꓮꓲ ꓟꓽ ꓐꓯ ꓐꓯ-ꓸ ꓟꓲ ꓐꓹ ꓐ ꓔꓯ ꓖꓴ ꓢꓲ ꓠꓴ ꓪ ꓔꓯ  ꓖꓴ ꓢꓲ  ꓠꓴ ꓪ ꓔꓯ ꓫꓬꓽ ꓫꓬꓽ_ ꓡꓰ ꓐꓯ ꓖꓶ_ ꓟ ꓬꓲ ꓙꓵꓹ ꓛꓲ ꓡ_ ꓥꓳ= ꓖꓳ ꓕꓲ ꓠꓬꓲ ꓗꓪ ꓠꓴ ꓪ ꓠꓬ ꓥꓪ ꓟꓬꓱ ꓗꓪ ꓐꓰ ꓓꓰꓽ_ ꓥꓳ=  ꓥꓪ ꓠꓬ ꓠꓴ ꓪ ꓐꓶ ꓶ ꓐꓹ ꓐ ꓔꓯ ꓓꓰꓽ ꓙ_ ꓥꓳ-ꓸ ꓐꓰ ꓐꓯ_ ꓟ ꓟꓽ ꓥ= ꓮ ꓡꓲꓳ ꓐꓯ ꓠꓬ ꓠꓴ ꓪ ꓥꓪ ꓔꓯ ꓠꓲꓹ ꓠꓴ ꓢꓲ-ꓸ ꓝꓮꓲ ꓥꓪ ꓠꓬ ꓐꓹ ꓐ ꓔꓯ_ ꓐꓰ ꓡ ꓗꓷ ꓟ ꓔꓯ ꓠꓴ ꓪ ꓙꓵꓸꓹ- ꓠꓬꓲ-ꓸ ꓐꓹꓐ ꓬꓲ ꓚꓲ ꓛꓬ ꓡꓰ ꓠꓴ ꓪ ꓔꓯ ꓠꓲꓹ ꓠꓵ _ ꓡꓳ= ꓥꓪ ꓠꓬ ꓐꓹꓐ ꓔꓯ_ ꓐꓰ ꓟꓲ ꓠꓯ ꓗꓪ ꓡꓸꓸꓳ= ꓝꓮꓲ ꓠꓬ ꓟꓲ ꓠꓯ ꓥꓪ ꓧꓹ ꓗꓷ ꓢꓲ ꓐꓹ ꓐ ꓔꓯ ꓙꓰ_ ꓥꓳ-ꓸ ꓐꓯ_ ꓡꓳ=

Add new comment

1 + 2 =