ꓠꓲꓽ ꓬꓲꓼ ꓡ_ ꓟ ꓔꓯ ꓤ ꓟꓳ ꓠꓯꓹ ꓟ

ꓠꓲꓽ ꓬꓲꓼ ꓡ_ ꓟ ꓔꓯ ꓤ ꓟꓳ ꓠꓯꓹ ꓟ

 ꓖꓳ ꓡꓱ ꓥ_ ꓟꓲ ꓬꓲ ꓪ ꓕꓲ ꓐꓱ ꓠꓬ꓾ ꓬꓲ ꓠꓽ ꓠꓲꓽ ꓪ ꓔꓲ ꓑ-ꓡꓲ-ꓜꓲ-ꓐꓴ ꓢꓯꓼ ꓗꓪ ꓐꓰ ꓠꓲꓽ ꓖꓼ_ ꓡꓳ꓾ ꓐꓯ_ ꓡꓳ꓿ ꓝꓮꓲ ꓕꓲ ꓐꓱ ꓠꓬ ꓬꓰ-ꓢꓴ ꓔꓯ ꓤꓹ ꓠꓬꓲ ꓠꓹ ꓟ꓾ ꓟꓴ ꓗꓪ ꓗꓪ ꓐꓰ ꓡ_ ꓟ ꓢꓷ ꓡꓰ ꓓꓴ ꓓꓰꓽ_ ꓡꓳ꓿  ꓬꓲ ꓠꓽ ꓬꓲ ꓪ ꓓꓵ ꓙ ꓔꓬ_ ꓟ ꓔꓯ ꓢꓷꓸ_ ꓠꓬꓲ꓾ ꓬꓲ ꓪ ꓔꓯ ꓕꓱ ꓡꓱ ꓐꓯ_ ꓡꓳ꓾ ꓮ ꓡꓲ ꓕꓲ ꓗꓴꓷꓼ ꓥ_ ꓟꓲ ꓚꓲ ꓛꓬ_ ꓐꓰ ꓒꓳꓹ ꓡꓯ ꓘꓳ_ ꓠꓬ ꓐꓬꓺ ꓡꓰ_ ꓥꓳ꓿ ꓮ ꓡꓲ ꓕꓲ ꓦꓲ ꓥ_ ꓟꓲ ꓚꓲ ꓛꓬ_ ꓐꓰ ꓒꓳꓹ ꓡꓯ ꓘꓳ_ ꓠꓬ ꓐꓱꓽ ꓗꓷ_ ꓥꓳ꓿ ꓢ-ꓓꓯ ꓠꓬ ꓬꓲ ꓚꓲ ꓛꓬ_ ꓐꓰ ꓒꓳꓹ ꓡꓯ ꓘꓳ_ ꓕꓯ ꓠꓽ꓾ ꓬꓲ ꓗꓴꓷꓼ ꓮ ꓡꓲ ꓐꓰ ꓔꓳꓹ ꓞꓹ ꓘꓴ_ ꓡꓳꓺꓽ꓿ ꓮ ꓡꓲꓳ ꓐꓯ ꓠꓬ ꓠꓴ ꓪ ꓠꓽ꓾ ꓥꓪ ꓠꓬ ꓑ-ꓡꓲ-ꓜꓲ-ꓐꓴ ꓢꓯꓼ ꓗꓪ ꓐꓰ ꓠꓲꓽ ꓖꓼ_ ꓡꓳ꓾ ꓐꓰ ꓐꓯ_ ꓡꓳ꓿ ꓥꓪ ꓠꓬ ꓑ-ꓡꓲ-ꓜꓲ-ꓐꓴ ꓢꓯꓼ ꓗꓪ ꓐꓰ ꓠꓲꓽ ꓖꓼ_ ꓕꓯ ꓠꓽ꓾ ꓠꓴ ꓪ ꓮ ꓐꓲ ꓐꓴ ꓠꓲꓽ ꓖꓼ_ ꓟ ꓠꓬ ꓮ ꓟ ꓢꓯꓼ ꓗꓪ ꓐꓰ ꓥ ꓡꓳꓺꓽ꓿ ꓖꓳ ꓡꓱ ꓠꓬꓲ ꓬꓲ ꓪ ꓠꓬ ꓠꓴ ꓪ ꓔꓯ ꓐꓯ ꓞꓷꓹ ꓢꓴ ꓬꓰ_ ꓥꓳ꓿ ꓥꓪ ꓠꓬ ꓪꓴ-ꓢ ꓡꓯꓼ ꓠꓬꓲ ꓡꓰ ꓠꓲꓽ ꓖꓼ ꓓꓳ_ ꓕꓯ ꓠꓽ꓾ ꓪꓴ-ꓢ ꓗꓴꓷꓼ ꓠꓴ ꓪ ꓔꓯ ꓬꓯꓼ ꓡ_ ꓟ ꓥ ꓡꓳ꓿ ꓢꓯꓼ ꓙꓳ ꓒꓽ ꓠꓬ ꓟꓯꓼ ꓶꓼ ꓖꓪ ꓖꓪꓽ ꓠꓬꓲ ꓐꓰ ꓬꓲ ꓚꓲ ꓛꓬ ꓔꓬ ꓖꓴ ꓔꓯ ꓦꓴ ꓠꓬꓹ ꓔ_ ꓠꓬ꓾ ꓬꓲ ꓙꓳ_ ꓟ ꓮ ꓙꓵ ꓮ ꓫꓵꓽ ꓟꓽ ꓘꓳ ꓘꓳ ꓓ_ ꓡꓳ꓿ ꓖꓳ ꓡꓱ ꓥ_ ꓟꓲ ꓬꓲ ꓢꓶꓸ ꓟꓽ ꓞꓲ ꓢꓯꓼ ꓙꓳ_ ꓟ ꓕꓲ ꓣꓳ ꓡ ꓢꓲ ꓬꓲ ꓔꓯ ꓧꓪꓸ ꓡꓰ_ ꓕꓯ ꓠꓽ꓾ ꓬꓲ ꓦ ꓡꓱ ꓔ_ ꓟ ꓬꓲ ꓟꓯꓼ ꓶꓼ ꓖꓪꓽ ꓖꓳ ꓟ ꓮ ꓙꓵ ꓦꓴꓺ ꓔꓯꓹ ꓙꓰ ꓢꓲ꓾ ꓬꓲ ꓖꓴꓽ ꓙꓴꓽ_ ꓟꓲ ꓬꓲ ꓪ ꓡꓰ ꓐꓱꓻ ꓗꓷ_ ꓥꓳ꓿ ꓥꓪ_ ꓐꓰ ꓟꓽ ꓧꓳꓹ ꓡꓯ ꓘꓳ ꓢꓴ ꓠꓬ꓾ ꓥꓪ ꓔꓯ ꓔꓳꓹ ꓢꓴ ꓥ ꓡꓳ꓿ ꓥꓪ ꓔꓯ ꓫꓺ ꓙ ꓢꓴ ꓟꓽ ꓥ ꓠꓬ ꓧꓶꓺ ꓩꓴ ꓗꓷ ꓢꓴ ꓥ ꓡꓳ꓿ ꓟꓽ ꓫꓬ ꓠꓲꓽ ꓠꓬ ꓡ ꓞꓳ ꓖꓳ ꓓꓱ ꓗꓪ ꓐꓰ ꓓꓳ ꓙꓰ ꓗ ꓠꓯ꓾ ꓬꓲꓻ ꓙꓬ ꓟꓽ ꓙꓳ ꓟ ꓟꓵꓽ ꓗꓪ ꓚꓳ ꓙꓰ ꓚꓳ ꓡ ꓬꓰ ꓢꓲ꓾ ꓠꓽ ꓖꓴ ꓓꓰ ꓧꓪ_ ꓡꓳ꓿ ꓬꓲ ꓧꓪ ꓟꓽ ꓟꓶ ꓠꓬꓲ ꓕꓱ ꓡꓱ ꓐꓯ_ ꓡꓳ꓾ ꓥꓪ ꓠꓬ ꓥꓪ ꓓꓳ ꓡ ꓖꓴ ꓦꓲ ꓗꓪ ꓬꓲꓼ ꓙꓰ_ ꓥꓳ꓾ ꓐꓯ_ ꓡꓳ꓿ ꓬꓲ ꓛꓲꓺ ꓡ ꓠꓬ꓾ ꓦꓲ ꓠꓯꓸꓼ ꓗꓪ ꓢꓲꓽ ꓢꓲꓽ_ ꓡꓰꓽ ꓫꓵꓹ ꓗꓷ ꓢꓲ꓾ ꓐꓲꓻ ꓐꓲ_ ꓡꓰꓽ ꓫꓬꓹ ꓔ_ ꓟ ꓔꓯ ꓟꓳ_ ꓡꓳ꓿ ꓖꓳ ꓡꓱ ꓠꓬ ꓬꓲ ꓙꓰ ꓢꓲ꓾ ꓬꓲ ꓢꓶꓸ ꓟꓽ ꓞꓲ ꓥꓶ_ ꓟ ꓠꓲꓽ ꓫꓵꓽ ꓟ ꓧꓳꓽ ꓔꓯꓹ ꓡ ꓢꓲ꓾ ꓮ ꓙꓵ ꓡꓱꓸꓼ ꓓꓵ ꓡꓰ ꓢꓲ ꓠꓬꓲ꓾ ꓖꓳ ꓗꓪ ꓔꓬ_ ꓡꓳ꓿ ꓖꓳ ꓡꓱ ꓠꓬ ꓡ ꓞꓳ ꓖꓳ ꓕꓲ ꓣꓳ꓾ ꓗ ꓠꓯ ꓗꓷ ꓡꓰ_ ꓟ ꓠꓬ ꓧꓶ ꓕꓯ ꓟ ꓢꓶꓸ ꓟꓽ ꓞꓲ ꓡꓲꓽ_ ꓡꓳ꓾ ꓐꓯ_ ꓡꓳ꓿  ꓡꓴ-ꓘ ꓕꓳꓽ ꓶ 11: 15-26

Add new comment

5 + 10 =

Please wait while the page is loading