ꓠꓸꓹ ꓫꓵꓽ ꓠꓸꓹ ꓙꓰꓽ ꓫꓬꓹ ꓓꓸꓹ ꓡꓰ_ ꓟ

ꓠꓸꓹ ꓫꓵꓽ ꓠꓸꓹ ꓙꓰꓽ ꓫꓬꓹ ꓓꓸꓹ ꓡꓰ_ ꓟ

ꓡꓴ-ꓘ ꓕꓳꓽ ꓶ 4: 38-44

ꓖꓳ ꓡꓱ ꓠꓬ ꓬꓰ-ꓢꓴ ꓔꓴ ꓢꓲ꓾ ꓜꓲꓼ ꓦꓲ ꓗꓪ ꓐꓰ ꓓꓳ ꓙꓰ ꓢꓲ ꓠꓬꓲ꓾ ꓢꓲ-ꓟꓴ ꓦꓲ ꓗꓪ ꓓꓵ ꓙꓰ_ ꓡꓳ꓿ ꓢꓲ-ꓟꓴ ꓬꓲ ꓟꓹ ꓟ ꓑꓯꓹ ꓠꓬ ꓖꓳ ꓓꓱ ꓛꓴꓻ ꓞꓻ ꓮ ꓘꓶ ꓠꓻ_ ꓠꓬꓲ꓾ ꓬꓲ ꓪ ꓠꓬ ꓬꓲ ꓐꓱ ꓶ ꓬꓰ-ꓢꓴ ꓔꓯ ꓓꓰꓽ_ ꓡꓳ꓿ ꓬꓰ-ꓢꓴ ꓠꓬ ꓬꓲ ꓒ ꓕꓲꓸꓼ ꓗꓪ ꓦꓰꓼ ꓞ ꓢꓲ꓾ ꓬꓲ ꓛꓴꓻ ꓞ ꓠꓻ_ ꓟ ꓔꓯ ꓕꓼ ꓗꓷ ꓠꓬ꓾ ꓬꓲ ꓓꓻ ꓡꓰ_ ꓡꓳ꓿ ꓖꓳ ꓡꓱ ꓠꓬ ꓬꓲ ꓞꓼ ꓐꓰ ꓔꓴ ꓡ ꓢꓲ ꓬꓲ ꓪ ꓔꓯ ꓣꓱꓽ ꓙ_ ꓡꓳ꓿ ꓟꓲꓽ ꓟꓲ ꓓꓵ ꓡꓰ_ ꓕꓯ꓾ ꓠꓻ ꓫꓵꓽ ꓠꓻ ꓙꓰ ꓠꓻ ꓢꓴ ꓮ ꓙꓵ ꓔꓯ ꓬꓲ ꓪ ꓡꓰ ꓬꓲ ꓔꓬ ꓗꓪ ꓧꓳꓽ ꓡ ꓠꓬ꓾ ꓬꓲ ꓡꓰ ꓬꓲ ꓪ ꓕꓲ ꓣꓳ ꓡꓰ ꓕꓲ ꓣꓳ ꓔꓯ ꓡꓯ ꓒꓯ ꓚꓰꓹ ꓖꓶ ꓢꓲ꓾ ꓬꓲ ꓪ ꓔꓯ ꓫꓬꓹ ꓓꓻ ꓡꓰ ꓖꓶ_ ꓡꓳ꓿ ꓝꓮꓲ ꓠꓬ ꓮ ꓟꓬꓹ ꓣꓳ ꓖꓳ ꓓꓱ ꓗꓪ ꓐꓰ ꓠꓲꓽ ꓓꓳ ꓡ ꓢꓲ꓾ ꓠꓴ ꓠꓬ ꓪꓴ-ꓢ ꓬꓲ ꓮ ꓐꓲ ꓥꓳ꓾ ꓐꓰ ꓘꓴ_ ꓡꓳ꓿ ꓬꓰ-ꓢꓴ ꓡꓰ ꓬꓲ ꓪ ꓔꓯ ꓕꓼ ꓢꓲ ꓟꓽ ꓫ ꓕꓱ ꓝꓲ꓿ ꓮ ꓡꓲꓳ ꓐꓯ ꓠꓬ ꓬꓲ ꓠꓽ ꓙꓲ-ꓢꓴ ꓥ ꓡꓳ꓾ ꓐꓰ ꓠꓲꓽ ꓢꓷ_ ꓡꓳ꓿ ꓟꓲꓽ ꓕꓯ ꓙꓲ ꓡ_ ꓕꓯ꓾ ꓬꓲ ꓠꓬ ꓡꓲ ꓛꓲ ꓟꓵꓽ ꓕꓲ ꓔꓳꓸ ꓗꓪ ꓓꓳ ꓙꓰ_ ꓡꓳ꓿ ꓖꓳ ꓡꓱ ꓠꓬ ꓡ ꓞꓳ ꓬꓲ ꓜꓴ ꓬꓲ ꓟꓯꓼ ꓬꓲ ꓔꓯ ꓧꓪ ꓙꓰ ꓢꓲ꓾ ꓬꓲ ꓔꓯ ꓛꓲ ꓬꓰ ꓠꓬ꓾ ꓬꓲ ꓪ_ ꓐꓰ ꓟꓽ ꓧꓹ ꓗꓷ ꓠꓹ ꓟ ꓬꓲ ꓔꓯ ꓟꓽ ꓙꓰ ꓝꓲ꓿ ꓬꓲ ꓠꓽ ꓬꓲ ꓪ ꓔꓯ꓾ ꓥꓪ ꓠꓬ ꓠꓱꓸ ꓐꓯꓼ ꓡꓳ ꓒꓱ ꓗꓪ_ ꓟꓲ ꓪꓴ-ꓢ ꓗꓴꓷ ꓶꓼ ꓥꓳ ꓫꓱꓹ ꓥꓳ ꓚ ꓟꓸ ꓖꓶ ꓠ ꓗ_ ꓡꓳ꓿ ꓕꓱ ꓟ ꓪꓴꓸ ꓠꓬꓲ ꓥꓪ ꓔꓯ ꓝꓲ ꓩꓴ ꓡ_ ꓟ ꓥ ꓡꓳ꓾ ꓐꓯ_ ꓡꓳ꓿ ꓖꓳ ꓡꓱ ꓢꓲ ꓬꓰ-ꓢꓴ ꓠꓬ ꓖ-ꓡꓲ-ꓡꓲ ꓟꓵꓽ ꓗꓪ ꓟ ꓜꓲꓼ ꓦꓲ ꓗꓪ ꓟꓸ ꓟꓲ ꓚ ꓟꓸ ꓖꓶ_ ꓡꓳ꓿

 

Add new comment

8 + 5 =

Please wait while the page is loading