ꓡꓯꓼ ꓐꓳ ꓔꓶꓸ ꓓꓴ ꓑꓱꓸ ꓔ ꓢꓲ ꓠꓬꓲ ꓬꓲ ꓔꓯ ꓛꓳ

ꓟ-ꓕꓲ ꓕꓳꓽ ꓶ 16: 24-28

 ꓖꓳ ꓕꓯ ꓬꓰ-ꓢꓴ ꓡꓰ ꓬꓲ ꓛꓳ ꓒꓯꓹ ꓐꓴ ꓔꓯ ꓐꓯ_ ꓡꓳ꓾ ꓮꓽ ꓟ ꓥꓪ ꓔꓯ ꓛꓳ ꓠꓲꓹ ꓫꓵ_ ꓠꓬ꓾ ꓬꓲ ꓚꓲ ꓛꓬ ꓔꓯ ꓟꓽ ꓓ ꓔꓳꓹ ꓢꓲ꓾ ꓬꓲ ꓡꓯ ꓐꓳ ꓔꓶ ꓓꓴ ꓑꓱꓸ ꓔ ꓢꓲ ꓥꓪ ꓔꓯ ꓛꓳ ꓡꓯ꓿ ꓮ ꓡꓲꓳ ꓐꓯ ꓠꓬ ꓮ ꓟ_ ꓟꓲ ꓬꓲ ꓚꓲ ꓛꓬ ꓢꓯꓼ ꓟꓬ ꓚꓬꓴ ꓠꓲꓹ ꓫꓵ_ ꓠꓬ꓾ ꓬꓲ ꓢꓯꓼ ꓟꓬ ꓒꓲꓼ ꓬꓰ_ ꓥꓳ꓿ ꓮꓽ ꓟ_ ꓟꓲ ꓥꓪ ꓐꓱ ꓶ ꓬꓲ ꓢꓯꓼ ꓟꓬ ꓒꓲꓼ ꓬꓰ_ ꓠꓬ꓾ ꓬꓲ ꓢꓯꓼ ꓟꓬ ꓧꓪ ꓟꓶ_ ꓥꓳ꓿ ꓞꓳ ꓤ ꓠꓬ ꓟꓵ ꓗꓳꓹ ꓓꓵ ꓓꓵ ꓮ ꓙꓵ ꓡꓱꓸꓼ ꓒꓳꓹ ꓟꓶ_ ꓟꓲ꓾ ꓬꓲ ꓚꓲ ꓛꓬ ꓢꓯꓼ ꓟꓬ ꓐꓶꓻ ꓗꓷ ꓠꓬ ꓮ ꓫꓵ ꓙꓲꓻ ꓖꓴ ꓟꓶ_ ꓥꓳ ꓪꓺꓽ꓿ ꓞꓳ ꓤ ꓠꓬ ꓮ ꓫꓵꓽ ꓡꓰ ꓬꓲ ꓚꓲ ꓛꓬ ꓢꓯꓼ ꓟꓬ ꓑ ꓟꓶ ꓓ_ ꓢꓰꓽ ꓡꓳꓺꓽ꓿ ꓮ ꓡꓲꓳ ꓐꓯ ꓠꓬ ꓡ ꓞꓳ ꓮ ꓐꓲ ꓬꓲ ꓐꓹ ꓐ ꓐꓬꓱꓼ ꓡꓱꓼ ꓡꓱꓼ ꓟ ꓠꓯꓸꓼ ꓗꓪ꓾ ꓟꓴ ꓗꓪ ꓝꓲ ꓓꓴ ꓐꓴ_ ꓐꓰ ꓬꓯꓼ ꓡꓰ_ ꓥꓳ꓿ ꓖꓳ ꓕꓯ ꓬꓲ ꓠꓬ ꓮ ꓡꓲ ꓕꓲ ꓣꓳ ꓬꓰ ꓗꓷ_ ꓟ ꓔꓯ ꓛꓳ ꓢꓲ ꓮ ꓡꓲ ꓕꓲ ꓣꓳ ꓔꓯ ꓚꓱꓹ ꓖꓶ_ ꓥꓳ꓿ ꓥꓪ ꓠꓴ ꓪ ꓔꓯ ꓔꓱꓹ ꓔꓱ_ ꓐꓰ ꓐꓯ ꓖꓶ_ ꓠꓬꓲ꓾ ꓕꓱ ꓗꓪ ꓦꓰꓼ ꓞ_ ꓟ ꓕꓲ ꓐꓱ ꓠꓬ꓾ ꓡ ꓞꓳ ꓮ ꓐꓲ ꓬꓲ ꓗꓴꓷ ꓠꓯꓸꓼ ꓗꓪ ꓬꓯꓼ ꓡꓰ_ ꓟ ꓔꓯ ꓟꓽ ꓟꓳ ꓕ ꓑꓳ꓾ ꓮ ꓡꓲ ꓥ_ ꓟꓲ ꓫꓵꓻ ꓢꓯꓼ ꓟꓽ ꓢꓳꓽ ꓠꓬꓲ꓾ ꓐꓯ_ ꓡꓳ꓿