ꓡꓯ ꓒꓯꓹ ꓙꓴ ꓡꓰ ꓢꓴ ꓔꓯ ꓫꓬꓹ ꓓꓸꓹ ꓡꓰ_ ꓟ

ꓡꓯ ꓒꓯꓹ ꓙꓴ ꓡꓰ ꓢꓴ ꓔꓯ ꓫꓬꓹ ꓓꓸꓹ ꓡꓰ_ ꓟ

ꓡꓴ-ꓘ ꓕꓳꓽ ꓶ 6: 6-11

 ꓝꓮꓲ ꓠꓽ ꓦꓬꓼ ꓠꓬꓲ ꓕꓲ ꓟ ꓗꓪ꓾ ꓬꓰ-ꓢꓴ ꓠꓬ ꓜꓲꓼ ꓦꓲ ꓗꓪ ꓓꓵꓽ ꓡꓰ ꓢꓲ꓾ ꓟꓸ ꓟꓲ ꓟꓸ_ ꓡꓳ꓿ ꓖꓳ ꓗꓪ ꓬꓲ ꓡꓯꓼ ꓙ ꓕꓲ ꓐꓽ ꓔꓱꓸ ꓡꓰ ꓢꓴ ꓕꓲ ꓣꓳ ꓔꓬ_ ꓡꓳ꓿ ꓕꓳ ꓶ ꓐꓳ ꓒ ꓐꓴ_ ꓐꓰ ꓒ-ꓡꓲ-ꓢꓷ ꓐꓴ ꓠꓬ ꓬꓲ ꓔꓯ ꓓꓰꓺ ꓑꓶꓸ ꓧꓪ ꓟꓶ ꓠꓹ ꓟ꓾ ꓠꓽ ꓦꓬꓼ ꓠꓬꓲ ꓗꓪ ꓠꓻ ꓫꓬꓹ ꓖꓶ_ ꓟꓽ ꓫꓬꓹ ꓖꓶ_ ꓐꓰ ꓬꓲ ꓔꓯ ꓡꓳꓸ ꓔꓬ_ ꓡꓳ꓿ ꓖꓳ ꓡꓱ ꓥ_ ꓟꓲ ꓬꓲ ꓪ ꓓꓵꓽ ꓙ ꓔꓬ_ ꓟ ꓬꓰ-ꓢꓴ ꓢꓷ ꓢꓲ꓾ ꓡꓯ ꓒꓯ ꓔꓱꓸ ꓡꓰ ꓢꓴ ꓔꓯ꓾ ꓔꓴ ꓢꓲꓸ ꓗꓳ ꓡꓳ ꓗꓪ ꓦꓰꓼ ꓡꓯ꓾ ꓐꓯ_ ꓡꓳ꓿ ꓖꓳ ꓡꓱ ꓠꓬ ꓬꓲ ꓔꓴ ꓢꓲ ꓦꓰꓼ ꓡ_ ꓡꓳ꓿ ꓬꓰ-ꓢꓴ ꓠꓬ ꓬꓲ ꓪ ꓔꓯ꓾ ꓥꓪ ꓠꓴ ꓪ ꓔꓯ ꓠ ꓠꓬꓲ_ ꓠꓬꓲ꓾ ꓠꓽ ꓦꓬꓼ ꓠꓬꓲ ꓗꓪ ꓙꓲ_ ꓟ_ ꓐꓰ ꓟꓽ ꓙꓲꓻ ꓟ꓾ ꓢꓯꓼ ꓟꓬ ꓚꓬꓴ_ ꓟ_ ꓐꓰ ꓢꓯꓼ ꓟꓬ ꓢꓰꓼ ꓗꓷ_ ꓟ꓾ ꓮ ꓡꓲ ꓕꓲ ꓫꓵꓽ ꓬꓰ ꓓ_ ꓡꓳꓺꓽ꓾ ꓐꓯ_ ꓡꓳ꓿ ꓖꓳ ꓡꓱ ꓢꓲ ꓬꓲ ꓠꓽ ꓚꓳ ꓡꓳ ꓐꓰ ꓬꓲ ꓪ ꓮ ꓙꓵ ꓢꓴ ꓔꓯ ꓡꓳꓸ ꓠꓬꓲ ꓢꓲ꓾ ꓖꓳ ꓕꓲ ꓣꓳ ꓔꓯ꓾ ꓠꓴ ꓡꓯ ꓒꓯꓹ ꓛꓱ ꓓꓳ ꓡꓯ꓾ ꓐꓯ_ ꓡꓳ꓿ ꓖꓳ ꓡꓱ ꓠꓬ ꓬꓲ ꓡꓯ ꓒꓯꓹ ꓛꓱ ꓓꓳ ꓡ ꓢꓲ ꓓꓻ ꓡꓰ_ ꓡꓳ꓿ ꓬꓲ ꓪ ꓠꓽ ꓠꓲꓹ ꓟ ꓦꓶꓻ ꓐꓲ ꓡꓰ ꓢꓲ꓾ ꓬꓰ-ꓢꓴ ꓔꓯ ꓮ ꓡꓲ ꓬꓰ ꓖꓶ ꓠꓯꓹ ꓟ ꓖꓪ ꓙꓱ ꓡꓯ ꓘꓳ_ ꓡꓳ꓿

 

Add new comment

5 + 1 =

Please wait while the page is loading