ꓢꓲꓹ ꓜꓲ ꓠꓬꓲꓽ ꓫꓵꓽ ꓟꓸ ꓟꓲꓽ

ꓠꓬꓲꓸ ꓠꓬꓲ ꓟ ꓢꓲ-ꓫꓬ ꓕꓳ ꓝꓲꓼ

ꓶ ꓓꓳ ꓫꓱꓸ ꓓꓳ ꓟ-ꓕꓲ 7ꓽ15-20

ꓠꓴ ꓪ ꓠꓬ ꓟꓽ ꓔꓱꓹ ꓟ ꓟꓷ ꓠꓷꓹ ꓝꓸ ꓢꓴ ꓔꓯ ꓤ ꓟꓳ= ꓬꓲ ꓪ ꓠꓬ ꓕꓯꓽ ꓢꓲ ꓗꓪ ꓮ ꓣꓳ ꓙꓲꓸꓹ ꓘꓳꓹ ꓔ ꓢꓲ ꓠꓴ ꓪ ꓔꓯ ꓡ_ ꓟꓲ-ꓸ ꓠꓯꓸꓼ ꓗꓪ ꓠꓽ ꓪꓳꓹ_ ꓟ ꓪꓰ ꓕꓳꓹ ꓥ ꓡꓳ= ꓬꓲ ꓪ ꓬꓰ_ ꓟ ꓟꓬꓱꓽ ꓗꓪ ꓐꓰ ꓬꓲ ꓪ ꓔꓯ ꓠꓴ ꓪ ꓢꓷꓸ_ ꓥꓳ= ꓛꓴꓽ ꓑꓳ ꓗꓪ ꓛꓱꓼ ꓡꓱꓼ ꓢꓶꓽ ꓧꓼ ꓟꓶ_ ꓡ? ꓛꓴꓽ ꓟꓳꓼ ꓗꓪ ꓘꓶꓽ ꓢꓶꓽ ꓧꓼ ꓟꓶ_ ꓡ? ꓙꓲꓸꓹ_ ꓟ ꓢꓲꓹ ꓜꓲ ꓮ ꓙꓵꓽ ꓠꓬ ꓙꓲꓸꓹ_ ꓟ ꓢꓶꓹ ꓢꓶꓽ ꓓꓱꓼ_ ꓡꓳ= ꓟꓽ ꓙꓲ ꓟ ꓢꓲꓹ ꓜꓲ ꓠꓽ ꓟꓽ ꓙꓲ ꓟ ꓢꓶꓸ ꓢꓶꓽ ꓓꓱꓼ_ ꓡꓳ= ꓙꓲꓸꓹ_ ꓟ ꓢꓲꓹ ꓜꓲ ꓠꓬ ꓟꓽ ꓙꓲ ꓟ ꓢꓶꓹ ꓢꓶꓽ ꓓꓱꓼ ꓟꓽ ꓗꓴꓸ ꓟꓽ ꓙꓲ ꓟ ꓢꓲꓹ ꓜꓲ_ ꓟꓲ ꓙꓲꓸꓹ_ ꓟ ꓢꓶꓹ ꓢꓶꓽ ꓓꓱꓼ ꓟꓽ ꓗꓴꓸ= ꓙꓲꓸꓹ_ ꓟ ꓢꓶꓹ ꓢꓶꓽ ꓟꓽ ꓓꓱꓼ_ ꓟ ꓢꓲꓹ ꓜꓲ ꓮ ꓙꓵꓽ ꓠꓬ ꓘꓷꓹ ꓩꓴ ꓗꓷ ꓢꓲ ꓮ ꓔꓳꓸ ꓗꓪ ꓡꓳ ꓧꓳꓽ ꓗꓷ_ ꓥꓳ= ꓖꓳ ꓡꓱ ꓠꓬꓲ ꓬꓲ ꓪ ꓬꓰ_ ꓟ ꓟꓬꓱꓽ ꓗꓪ ꓐꓰ ꓬꓲ ꓪ ꓔꓯ ꓠꓴ ꓪ ꓢꓷꓸ_ ꓥꓳ=

ꓬꓲ ꓚꓰꓸꓸ ꓬꓲ ꓪꓴꓸ ꓕꓳꓽ ꓶ 15: 1-12ꓹ17-18

ꓕꓱ ꓟꓬ ꓫꓵꓽ ꓗ ꓠꓯ ꓬꓰ-ꓧꓳ-ꓧꓪ ꓬꓲ ꓐꓯ ꓘꓶ ꓠꓬ ꓦ ꓐꓬꓱꓽ ꓗꓪ ꓐꓰ ꓮ-ꓐꓷ-ꓡ ꓔꓯ ꓡ ꓢꓲ꓾ ꓮ-ꓐꓷ-ꓡꓺꓳ꓾ ꓕꓽ ꓙꓳ꓾ ꓥꓪ ꓠꓬ ꓠꓴ ꓚꓬꓺ ꓠꓲ_ ꓐꓰ ꓠꓴ ꓮ ꓓꓲ ꓪꓴꓽ_ ꓟ ꓡꓯꓼ ꓫꓴ ꓓꓽ ꓟ ꓥ ꓡꓳ꓾ ꓐꓯ_ ꓡꓳ꓿ ꓬꓲ ꓚꓰꓸꓸ ꓬꓲ ꓪꓴꓸ ꓕꓳꓽ ꓶ 15: 2 ꓮ-ꓐꓷ-ꓡ ꓡꓰ꓾ ꓬꓰ-ꓧꓳ-ꓧꓪ ꓪꓴ-ꓢꓺꓳ꓾ ꓥꓪ ꓠꓬ ꓤ ꓠꓱ ꓟꓽ ꓙꓳ ꓠꓬꓲ꓾ ꓠꓴ ꓥꓪ ꓔꓯ ꓮ ꓫꓵꓽ ꓖꓶ_ ꓐꓯ_ ꓡꓳꓺꓽ꓿ ꓥꓪ ꓡꓯꓼ ꓪ ꓟꓶ ꓢꓴ ꓠꓬ ꓔ-ꓟ-ꓢꓷ ꓢꓴ ꓬꓲ-ꓡꓲ-ꓰ-ꓜꓷ ꓥ ꓡꓳ꓾ ꓐꓯ_ ꓡꓳ꓿ ꓮ-ꓐꓷ-ꓡ ꓡꓰ꓾ ꓠꓬꓲ ꓠꓹ꓾ ꓠꓴ ꓡꓰ ꓥꓪ ꓔꓯ ꓤꓽ ꓕꓲ ꓣꓳ ꓟꓽ ꓖꓶ ꓡ꓾ ꓥꓪ ꓦꓲꓻ ꓗꓪ ꓟ ꓚꓳ ꓑ ꓕꓲ ꓣꓳ ꓠꓬ ꓥꓪ ꓡꓯꓼ ꓪ ꓟꓶ ꓢꓴ ꓒꓬꓱꓼ ꓡ_ ꓥꓳ꓾ ꓐꓯ_ ꓡꓳ꓿ ꓖꓳ ꓗ ꓠꓯ ꓬꓰ-ꓧꓳ-ꓧꓪ ꓬꓲ ꓐꓯ ꓘꓶ ꓠꓬ ꓬꓲ ꓔꓯ ꓡ ꓢꓲ꓾ ꓠꓴ ꓡꓯꓼ ꓪ ꓟꓶ ꓢꓴ ꓠꓬ ꓕꓱ ꓕꓲ ꓣꓳ ꓟꓽ ꓥ꓾ ꓠꓴ ꓚꓲ ꓛꓬ ꓤꓽ ꓬꓲ ꓠꓬ ꓠꓴ ꓡꓯꓼ ꓪ ꓟꓶ_ ꓥꓳ꓾ ꓐꓯ_ ꓡꓳ꓿ ꓖꓳ ꓡꓱ ꓢꓲ ꓪꓴ-ꓢ ꓡꓰ ꓬꓲ ꓔꓯ ꓠꓱ ꓫꓱ ꓟꓸꓼ ꓗꓪ ꓧꓳꓽ ꓓꓳ ꓡ ꓢꓲ꓾ ꓬꓲ ꓔꓯ꓾ ꓮ ꓟꓶ ꓟꓴ ꓗꓪ ꓗꓪ ꓡꓳꓸ ꓠꓬꓲ꓾ ꓗꓴ ꓤ ꓔꓯ ꓠꓴ ꓵ ꓠꓬꓲ ꓐ ꓡ_ ꓠꓬ ꓵ ꓠꓬꓲ꓾ ꓐꓯ_ ꓡꓳ꓿ ꓖꓳ ꓕꓯ ꓪꓴ-ꓢ ꓡꓰ ꓬꓲ ꓔꓯ꓾ ꓠꓴ ꓞꓲ ꓤ ꓡꓯꓹ ꓤ ꓐꓴ ꓠꓬ ꓬꓲ ꓖꓳ ꓡꓱ ꓟꓬꓽ ꓡ_ ꓥꓳ꓾ ꓐꓯ_ ꓡꓳ꓿ ꓮ-ꓐꓷ-ꓡ ꓠꓬ ꓬꓰ-ꓧꓳ-ꓧꓪ ꓔꓯ ꓙꓵꓻ_ ꓡꓳ꓿ ꓖꓳ ꓡꓱ ꓠꓬꓲ ꓙꓵꓻ ꓠꓲꓹ ꓕꓱ ꓟ ꓔꓯ ꓠꓬ ꓬꓰ-ꓧꓳ-ꓧꓪ ꓡꓰ ꓮ-ꓐꓷ-ꓡ ꓐꓱ ꓶ ꓙꓲ ꓫꓬ_ ꓟ ꓚꓬꓹ ꓖꓶ_ ꓡꓳ꓿ ꓮ-ꓐꓷ-ꓡ ꓠꓬ ꓬꓰ-ꓧꓳ-ꓧꓪ ꓔꓯ ꓙꓵꓻ_ ꓡꓳ꓿ ꓖꓳ ꓡꓱ ꓠꓬꓲ ꓙꓵꓻ ꓠꓲꓹ ꓕꓱ ꓟ ꓔꓯ ꓠꓬ ꓬꓰ-ꓧꓳ-ꓧꓪ ꓡꓰ ꓮ-ꓐꓷ-ꓡ ꓐꓱ ꓶ ꓙꓲ ꓫꓬ_ ꓟ ꓚꓬꓹ ꓖꓶ_ ꓡꓳ꓿ ꓬꓰ-ꓧꓳ-ꓧꓪ ꓡꓰ ꓬꓲ ꓔꓯ꓾ ꓟꓵꓽ ꓕꓱ ꓟ ꓠꓴ ꓔꓯ ꓟꓶ ꓡꓰ ꓝꓲ ꓠꓹ ꓟ ꓥꓪ ꓠꓬ ꓚꓬ-ꓡꓷ-ꓔꓲ ꓟꓵꓽ ꓗꓪ ꓟ ꓪꓴ-ꓣ ꓡꓳ ꓒꓱ ꓗꓪ ꓐꓰ ꓠꓴ ꓔꓯ ꓧꓳꓽ ꓓꓳ ꓡ ꓢꓴ ꓬꓰ-ꓧꓳ-ꓧꓪ ꓥ ꓡꓳ꓾ ꓐꓯ_ ꓡꓳ꓿ ꓬꓰ-ꓧꓳ-ꓧꓪ ꓡꓰ ꓬꓲ ꓔꓯ꓾ ꓟꓵꓽ ꓕꓱ ꓟ ꓠꓴ ꓔꓯ ꓟꓶ ꓡꓰ ꓝꓲ ꓠꓹ ꓟ ꓥꓪ ꓠꓬ ꓚꓬ-ꓡꓷ-ꓔꓲ ꓟꓵꓽ ꓗꓪ ꓟ ꓪꓴ-ꓣ ꓡꓳ ꓒꓱ ꓗꓪ ꓐꓰ ꓠꓴ ꓔꓯ ꓧꓳꓽ ꓓꓳ ꓡ ꓢꓴ ꓬꓰ-ꓧꓳ-ꓧꓪ ꓥ ꓡꓳ꓾ ꓐꓯ_ ꓡꓳ꓿ ꓮ-ꓐꓷ-ꓡ ꓡꓰ꓾ ꓬꓰ-ꓧꓳ-ꓧꓪ ꓪꓴ-ꓢꓺꓳ꓾ ꓟꓵꓽ ꓕꓱ ꓟ ꓥꓪ ꓟꓶ ꓡꓰ_ ꓥꓳ꓾ ꓐꓰ ꓥꓪ ꓮ ꓡꓲ ꓢꓷ ꓢꓰꓽ꓾ ꓐꓯ_ ꓡꓳ꓿ ꓖꓳ ꓡꓱ ꓢꓲ ꓪꓴ-ꓢ ꓡꓰ ꓬꓲ ꓔꓯ꓾ ꓠꓴ ꓠꓬ ꓥꓪ ꓔꓯ ꓢ ꓘꓳꓼ ꓙꓳ_ ꓟ ꓮ ꓠꓬꓲꓽ ꓟꓺ ꓕꓲ ꓘꓹ꓾ ꓢ ꓘꓳꓼ ꓙꓳ_ ꓟ ꓮ ꓛꓵꓼ ꓟꓺ ꓕꓲ ꓟ꓾ ꓢ ꓘꓳꓼ ꓙꓳ_ ꓟ ꓮ ꓣꓳ ꓑ ꓕꓲ ꓟ꓾ ꓮ ꓖꓴꓽ ꓕꓲ ꓟ꓾ ꓓꓱꓽ ꓑꓶ ꓤ ꓕꓲ ꓟ ꓣꓴ ꓔꓯꓹ ꓖꓶ ꓡꓯ꓾ ꓐꓯ_ ꓡꓳ꓿ ꓮ-ꓐꓷ-ꓡ ꓠꓬ ꓕꓱ ꓟ ꓮ ꓙꓵ ꓬꓲ ꓔꓯ ꓣꓴ ꓔꓯꓹ ꓖꓶ ꓡ ꓢꓲ꓾ ꓠꓬꓲꓽ ꓐꓶꓽ ꓐꓰ ꓘꓶꓽ ꓗꓷ ꓢꓲ ꓠꓬꓲ꓾ ꓕꓲ ꓐꓶ_ ꓐꓰ ꓕꓲ ꓐꓶꓽ ꓐꓰ ꓔꓱꓹ ꓞ ꓝꓲ ꓢꓲ ꓗꓶ ꓔ_ ꓡꓳ꓿ ꓖꓳ ꓡꓱ ꓥ_ ꓟꓲ ꓠꓬꓹ ꓔꓯ ꓠꓬ ꓬꓲ ꓡꓰ ꓠꓬꓲꓽ ꓐꓶꓽ ꓐꓰ ꓟꓽ ꓘꓶꓽ ꓗꓷ꓿ ꓙꓱꓻ ꓒ ꓠꓬ ꓧꓪꓽ ꓟꓳ ꓕꓱ ꓟ ꓕꓯ ꓢꓲ ꓗꓪ ꓥꓳꓽ ꓡ_ ꓕꓯ꓾ ꓮ-ꓐꓷ-ꓡ ꓡꓰ ꓙꓱꓻ ꓒ ꓔꓯ ꓖꓼ ꓦ ꓗꓷ_ ꓡꓳ꓿ ꓟꓲꓽ ꓟꓲ ꓓꓵꓽ ꓡꓰ_ ꓐꓰ ꓬꓰ_ ꓕꓯ꓾ ꓮ-ꓐꓷ-ꓡ ꓠꓬ ꓬꓲꓼ ꓡꓲꓽ ꓡꓰ ꓢꓲ꓾ ꓠꓬꓲ ꓠꓹ꓾ ꓙꓳꓺ ꓓꓴ ꓠꓯ ꓞꓲꓹ ꓠꓯ ꓕꓳꓽ ꓟ ꓬꓲ ꓓꓽ ꓟ_ ꓟꓲ ꓬꓲ ꓔꓯ ꓬꓯꓼ ꓡ_ ꓡꓳ꓿ ꓖꓳ ꓡꓱ ꓠꓬ ꓟꓲꓽ ꓟꓲ ꓓꓵꓽ ꓡꓰ ꓢꓲ ꓠꓯ ꓞꓲꓹ ꓡꓰ ꓕꓯ꓾ ꓠꓬꓲ ꓠꓹ꓾ ꓟꓴꓽ ꓘꓴꓽ ꓓꓳ ꓞ_ ꓟ ꓮ ꓔꓳꓸ ꓒꓱꓻ ꓕꓲ ꓟ_ ꓐꓰ ꓐꓬ ꓞ_ ꓟ ꓮ ꓔꓳꓸ ꓧꓷꓹ ꓕꓲ ꓧꓷꓹ ꓠꓬ ꓧꓪꓽ ꓐꓶꓽ ꓖꓳ ꓟ ꓠꓬꓲꓽ ꓗꓴ ꓚꓸꓼ ꓗꓪ ꓙꓰ ꓙꓰ ꓡ ꓡ ꓔꓬ_ ꓡꓳ꓿ ꓖꓳ ꓕꓲ ꓠꓬꓲ ꓗꓪ ꓬꓰ-ꓧꓳ-ꓧꓪ ꓠꓬ ꓮ-ꓐꓷ-ꓡ_ ꓐꓰ ꓘꓶꓽ ꓫꓵꓽ ꓬꓰ ꓢꓲ ꓕꓱ ꓡꓱ ꓐꓯ_ ꓡꓳ꓾ ꓬꓲ-ꓙꓲ ꓬꓲꓽ ꓟ ꓗꓪ ꓐꓰ ꓬꓴ-ꓩ-ꓕꓲ-ꓢꓶ ꓠꓯꓺ ꓬꓲ ꓓꓽ ꓟ ꓗꓪ ꓛꓲ ꓥꓪ ꓡꓰ ꓟꓵꓽ ꓕꓱ ꓟ ꓠꓴ ꓞꓲ ꓤ ꓡꓯꓹ ꓤ ꓐꓴ ꓔꓯ ꓖꓶ_ ꓡꓳ꓿