ꓢꓲꓺ ꓒ ꓬꓰ‐ꓢꓴ ꓫꓵꓻ ꓟ ꓗꓪ ꓐꓰ ꓢꓯ. ꓬꓲꓼ ꓡ ꓟ ꓚꓱ, ꓔꓯ ꓤ ꓟꓶ ꓤ ꓐꓴ ꓔꓯ ꓟ. ꓖꓶ ꓟ (monday reflection)

#creditphoto #Jesus # Easter

Monday, April 01, 2024

ꓚꓬꓴ ꓢꓲꓺ ꓒ ꓬꓰ˗ꓢꓴ ꓙꓲ˗ꓢꓴ ꓢꓯꓸ ꓬꓲꓼ ꓡ ꓟ ꓗꓸ ꓠꓯ ꓤ ꓟꓶ ꓤ ꓐꓴ ꓔꓯ ꓟꓸ ꓖꓶ ꓟ (Monday reflection)

ꓬꓲ ꓪꓽ ꓠꓬ ꓙꓳꓺˍ ꓟꓲ ꓙꓳꓺ꓾ ꓗꓹˍ ꓟꓲ ꓮꓽ ꓘꓶꓸ ꓗꓹ ꓛꓲ ꓢꓲ꓾ ꓬꓲ ꓛꓳꓽ ꓒꓯꓹ ꓐꓴ ꓔꓯ ꓐꓯ ꓖꓶ ꓬꓰ ꓠꓹ ꓟ ꓡꓱꓼ ꓜꓴ ꓗꓪ ꓐꓰ ꓮꓸ ꓟꓲꓸ ꓟꓲꓸ ꓔꓷꓹ ꓙꓰˍ ꓡꓳ꓿ꓖꓳ ꓕꓯ ꓬꓰ-ꓢꓴ ꓠꓬ ꓞꓼ ꓐꓰ ꓬꓲ ꓪꓽ ꓔꓯ ꓜꓲꓻ ꓡ ꓢꓲ ꓒꓵꓽ ꓗꓹ ꓬꓰ ꓖꓶˍ ꓡꓳ꓿ ꓬꓲ ꓪꓽ ꓠꓬ ꓬꓲ ꓔꓯ ꓡꓻ ꓢꓲ ꓬꓲ ꓛꓲ ꓒꓯꓹ ꓗꓪ ꓢꓳꓸ ꓔ ꓢꓲ ꓠꓬꓲ꓾ ꓬꓲ ꓔꓯ ꓪꓴꓸ ꓓꓵ ꓕꓱꓼˍ ꓡꓳ꓿ꓬꓰ-ꓢꓴ ꓡꓰ ꓬꓲ ꓪꓽ ꓔꓯ꓾ ꓕꓽ ꓙꓳꓺ꓾ ꓥꓪ ꓬꓲꓼ ꓥꓪ ꓠꓬꓲ ꓐꓴ ꓔꓯ꓾ ꓖ-ꓡꓲ-ꓡꓲ ꓗꓪ ꓙꓰ꓾ ꓖꓳ ꓗꓪ ꓬꓲ ꓪꓽ ꓥꓪ ꓔꓯ ꓟꓳꓻˍ ꓥꓳ꓾ ꓐꓰ ꓐꓯ ꓖꓶ꓾ ꓐꓯˍ ꓡꓳ

꓿ꓤ ꓟꓶ ꓤ ꓐꓴ ꓙꓰ ꓗꓷ ꓕꓯ꓾ ꓦꓴꓺ ꓠꓬꓹ ꓢꓴ ꓟꓯꓼ ꓕꓲ ꓐꓱ ꓠꓽ ꓡꓳ ꓒꓱ ꓗꓪ ꓬꓲꓼ ꓙꓰ ꓢꓲ꓾ ꓖꓳ ꓗꓪ ꓗꓷ ꓡꓰˍ ꓟ ꓫꓵꓽ ꓪꓴ ꓮꓽ ꓙꓵ ꓔꓲ ꓒ ꓪꓴꓸ ꓓꓵ ꓣꓱꓽ ꓢꓴ ꓔꓯ ꓐꓯ ꓖꓶˍ ꓡꓳ꓿ꓔꓲ ꓒ ꓐꓴˍ ꓐꓰ ꓞꓳ ꓪꓴꓽ ꓞꓳ ꓔꓲ ꓐꓴ ꓜꓲꓼ ꓡꓯꓽ ꓘꓳ ꓢꓲ ꓖꓪꓻ ꓙꓱ ꓗꓷ ꓠꓬ꓾ ꓟꓯꓼ ꓤ ꓐꓴ ꓔꓯ ꓒꓴ ꓮꓽ ꓟꓬꓹ ꓖꓶ ꓢꓲ꓾ꓠꓴ ꓪꓽ ꓠꓬ ꓕꓱ ꓡꓱ ꓐꓯ꓾ ꓢ ꓘꓪ ꓥꓪ ꓠꓴꓽ ꓬꓲꓼ ꓔ ꓔꓬ ꓕꓯ꓾ ꓬꓲ ꓛꓳꓽ ꓒꓯꓹ ꓐꓴ ꓡ ꓢꓲ ꓬꓲ ꓫꓵꓻ ꓟꓳꓻ ꓘꓴꓽ ꓔꓯꓹ ꓙꓰ ꓐꓷ꓾ ꓐꓰ ꓐꓯ꓿

ꓖꓳ ꓡꓱ ꓢꓲ꓾ ꓓꓳꓽ ꓕꓱ ꓟ ꓫꓴ ꓙꓵꓽ ꓒ ꓑ ꓙꓽ ꓡꓰˍ ꓟꓲ꓾ ꓥꓪ ꓠꓴꓽ ꓬꓲ ꓔꓯ ꓘꓶꓸ ꓖꓶ ꓢꓲ ꓠꓴ ꓪꓽ ꓔꓯ ꓮ ꓡꓲ ꓟꓽ ꓗꓷ ꓡꓰ ꓝꓲ꓾ ꓐꓯ ꓖꓶˍ ꓡꓳ꓿ꓬꓲ ꓪꓽ ꓠꓬ ꓒꓴ ꓘꓳ ꓣꓴ ꓢꓲ꓾ ꓬꓲ ꓪꓽ ꓔꓯ ꓟꓸ ꓔ ꓟ ꓡꓰ ꓐꓰ ꓬꓰˍ ꓡꓳ꓿ ꓐꓯ ꓘꓶꓽ ꓕꓱ ꓟ ꓔꓯ ꓠꓬ ꓠꓬꓲꓸ ꓠꓬꓲ ꓗꓪ ꓛꓲ ꓬꓴ-ꓔ ꓡ ꓞꓳ ꓗꓳ ꓡꓳ ꓗꓪ ꓚ ꓔꓬ ꓡꓳ꓿

ꓠꓬꓲ. ꓠꓬꓲ ꓢꓲꓽ ꓫꓬ ꓕꓳ ꓶ ꓗꓪ ꓐꓰ ꓢꓲꓺ ꓒ ꓬꓰ‐ꓢꓴ ꓫꓵꓻ ꓗꓪ ꓐꓰ ꓢꓯ. ꓬꓲꓼ ꓡ ꓟ ꓚꓱ, ꓔꓯ ꓤ ꓟꓶ ꓤ ꓐꓴ ꓔꓯ ꓟ. ꓖꓶ ꓟ ꓥ ꓡꓳ꓿ ꓚꓬꓴ ꓢꓲꓺ ꓒ ꓬꓰ‐ꓢꓴ ꓠꓬ ꓚꓵ ꓚꓵ ꓢꓯ. ꓬꓲꓼ ꓡ ꓟ ꓥ ꓡꓳ꓿ ꓠꓴ ꓥꓪ ꓔꓯ ꓥ ꓟꓲ ꓚꓬꓴ ꓢꓲꓺ ꓒ ꓬꓰ‐ꓢꓴ ꓢꓯ. ꓬꓲꓼ ꓡ ꓟ ꓚꓱ, ꓔꓯ ꓢꓴ ꓔꓯ ꓟ. ꓖꓶ ꓠ, ꓟ ꓢꓲꓺ ꓒ ꓠꓲ, ꓒꓴ ꓟ ꓥ ꓡꓳ꓿ ꓡꓯꓼ ꓜꓳ ꓗꓪ ꓦꓴ ꓠꓬ, ꓢꓴ ꓟꓯꓼ ꓒꓽ ꓐꓴ ꓠꓬ ꓚꓬꓴ ꓢꓲꓺ ꓒ ꓬꓰ‐ꓢꓴ ꓢꓯ. ꓬꓲꓼ ꓡ ꓟ ꓚꓱ, ꓔꓯ ꓢꓷ. ꓔ ꓥ ꓟꓲ ꓬꓲ ꓪ ꓔꓯ ꓢꓴ ꓡꓰ ꓒꓴ ꓮ ꓟꓬ, ꓖꓶ ꓢꓲ ꓠꓬꓲ ꓔꓱ ꓚꓵ ꓟ ꓓꓳꓽ ꓔꓯ ꓗꓽ ꓕꓽ ꓗꓷ ꓟ ꓥ ꓡꓳ꓿ ꓢꓲꓺ ꓒ ꓬꓰ‐ꓢꓴ ꓡꓰ ꓠꓴ ꓥꓪ ꓔꓯ ꓥ ꓟꓲ ꓟꓯꓼ ꓒꓽ ꓐꓴ ꓡꓰ ꓟꓽ ꓗꓷ ꓡꓰ ꓠ, ꓟ ꓟ. ꓖꓶ ꓔ ꓟ ꓥ ꓡꓳ꓿ ꓢꓲꓺ ꓒ ꓬꓰ‐ꓢꓴ ꓔꓯ ꓙꓵꓻ ꓢꓲ ꓠꓬꓲ ꓣꓳ ꓤꓶꓻ ꓗꓪ ꓢꓲꓺ ꓒ ꓐꓰ ꓕꓲ ꓪ ꓢꓯ. ꓔꓬ ꓓꓴ ꓬꓰ ꓡꓯ꓿