ꓪꓴ‐ꓢ ꓠꓬ ꓬꓲ. ꓚꓲ. ꓛꓬ ꓔꓯ ꓒꓴ ꓟ. ꓖꓶꓽ ꓟ (2rd Lent Sunday Homily )

ꓝꓲ ꓓꓴ ꓒꓲ‐ꓕꓱ ꓬꓲ. ꓕꓳꓽ ꓶ ꓗꓪ ꓣꓳꓽ ꓡꓳ. ꓠꓬꓲ. ꓕꓯ ꓢꓲ ꓒ ꓬꓰ‐ꓢꓴ ꓬꓲ. ꓗ ꓠꓯ ꓗꓼ ꓢꓴ ꓔꓯ ꓠꓲ, ꓟ ꓕꓽ ꓫ ꓠꓯˍ ꓟ꓾ ꓬꓲ. ꓠ ꓑꓳ ꓡꓰ ꓬꓲ. ꓟꓬꓺ ꓢꓲꓽ ꓡꓰ ꓪꓴ‐ꓢ ꓮ ꓐꓲ ꓔꓯ ꓟꓳ ꓡꓰ ꓗꓷ ꓟ ꓡꓰ ꓟꓽ ꓞꓲ ꓪꓴ‐ꓢ ꓮ ꓐꓲ ꓖꓳ ꓕꓲꓽ ꓣꓳ ꓠꓬ ꓬꓲ. ꓪ ꓟꓲꓽ ꓕꓯ ꓢꓲꓺ ꓗꓪ ꓶ ꓒꓬꓱꓽ ꓑꓶꓺ ꓟ. ꓖꓶꓽ  ꓟ ꓔꓯ ꓬꓲ. ꓟꓳ ꓡꓳ ꓐꓰ ꓢꓯꓼ ꓖꓶꓽ ꓔ ꓡꓳ꓿ ꓪꓴ‐ꓢ ꓡꓰ ꓬꓲ. ꓔꓯ ꓒꓶ ꓟ. ꓖꓶꓽ ꓗꓷ, ꓟ ꓬꓲ. ꓠꓬ ꓢꓯꓼ ꓟꓶ ꓡꓳ꓿ ꓬꓲꓼ ꓤ ꓠꓬꓲ ꓤ ꓐꓴ ꓳ꓾ ꓣꓳꓽ ꓤꓶꓻ ꓗꓪ ꓪꓴ‐ꓢ ꓡꓰ ꓣꓳꓽ ꓔꓯ ꓒꓶ ꓟ. ꓖꓶꓽ ꓗꓷ ꓫꓵꓽ ꓕꓲꓽ ꓘꓴ ꓟꓽ ꓥ ꓕꓲꓽ ꓘꓴ ꓠꓬ ꓙꓳˍ ꓡꓳ꓿ ꓕꓱ ꓟ ꓠꓬ ꓪꓴ‐ꓢ ꓣꓱꓽ ꓛꓰ ꓥꓳ ꓐꓰ ꓐꓯ ꓪ ꓡꓰˍ ꓫꓵꓽ ꓕꓲꓽ ꓘꓴ ꓘꓴ ꓠꓬ ꓙꓳ ꓡꓳ꓿ ꓖꓳ ꓡꓱ ꓠꓬꓲ ꓬꓲ. ꓤ ꓠꓬꓲ ꓤ ꓐꓴ‐ꓳ ꓣꓳꓽ ꓢꓯꓼ ꓐꓽ ꓟ ꓦꓬꓼ ꓠꓬꓲ ꓗꓪ ꓪꓴ‐ꓢ ꓡꓰ ꓒꓶ ꓟ. ꓖꓶꓽ ꓗꓷ ꓟ ꓔꓯ ꓮ ꓕꓯˍ ꓟꓲ ꓠꓲ, ꓟ ꓠꓯ.ꓼ ꓗꓪ ꓗꓷ ꓔ ꓢꓴ ꓠꓬ ꓢꓯꓼ ꓕꓵꓼ ꓐꓰ ꓐꓯ ꓖꓶꓽ ꓠꓲ, ꓫꓵˍ ꓡꓳ꓿