ꓬꓰ-ꓢꓴ ꓔꓯ ꓛꓳ ꓠꓲꓹ ꓫꓵ ꓢꓴ ꓔꓯ ꓟꓸ ꓖꓶ_ ꓟ

ꓬꓰ-ꓢꓴ ꓔꓯ ꓛꓳ ꓠꓲꓹ ꓫꓵ ꓢꓴ ꓔꓯ ꓟꓸ ꓖꓶ_ ꓟ

ꓡꓴ-ꓘ ꓕꓳꓽ ꓶ 14: 25-33

 ꓡ ꓞꓳ ꓬꓲ ꓜꓴ ꓬꓲ ꓟꓯꓼ ꓓꓽ ꓟ ꓠꓬ ꓬꓰ-ꓢꓴ ꓔꓯ ꓛꓳ ꓙꓰ_ ꓡꓳ꓿ ꓬꓰ-ꓢꓴ ꓔꓲꓸ ꓒꓳꓹ ꓢꓲ ꓠꓬꓲ ꓬꓲ ꓪ ꓔꓯ ꓕꓱ ꓡꓱ ꓐꓯ_ ꓡꓳ꓾ ꓮ ꓟ ꓥ_ ꓟꓲ ꓥꓪ ꓔꓯ ꓡ_ ꓠꓬ꓾ ꓬꓲ ꓚꓲ ꓛꓬ ꓮ ꓐꓽ ꓮ ꓟ_ ꓐꓰ꓾ ꓤꓽ ꓟꓶ ꓤ ꓠꓱ_ ꓐꓰ꓾ ꓬꓲꓼ ꓤ ꓠꓬꓲ ꓤ_ ꓐꓰ꓾ ꓮ ꓝꓲ ꓠꓬꓲ ꓟ_ ꓐꓰ꓾ ꓝꓮꓲ ꓬꓲ ꓚꓲ ꓛꓬ ꓢꓯꓼ ꓟꓬ ꓔꓯ_ ꓟꓲ ꓟꓽ ꓠꓲꓹ ꓜꓳ ꓕꓯ ꓠꓽ꓾ ꓥꓪ ꓛꓳ ꓒꓯꓹ ꓬꓰ ꓟꓽ ꓒꓬꓱꓼ ꓡ꓿ ꓮ ꓟ ꓥ_ ꓟꓲ ꓬꓲ ꓚꓲ ꓛꓬ ꓡꓯ ꓐꓳ ꓔꓶ ꓓꓴ ꓟꓽ ꓑꓱꓸ ꓔ ꓢꓲ꓾ ꓥꓪ ꓔꓯ ꓟꓽ ꓛꓳ ꓠꓬ꓾ ꓥꓪ ꓛꓳ ꓒꓯꓹ ꓬꓰ ꓟꓽ ꓒꓬꓱꓼ ꓡ꓿ ꓠꓴ ꓪ ꓮ ꓡꓲ ꓕꓲ ꓣꓳ ꓠꓬ ꓟꓵꓽ ꓔꓳꓹ ꓤꓶ ꓫꓬꓹ ꓠꓲꓹ ꓫꓵ_ ꓕꓯ꓾ ꓫꓬꓹ ꓓꓳ ꓡꓰ ꓠꓹ ꓟ ꓫꓬꓹ ꓒꓵꓽ ꓙꓳ_ ꓟꓽ ꓙꓳ_ ꓐꓰ꓾ ꓧꓶ ꓕꓯ ꓡꓰ ꓠꓬꓲꓸ ꓠꓸ ꓢꓲ ꓟꓽ ꓢꓪꓹ ꓠꓬꓲ ꓡꓺꓽ꓿ ꓟꓽ ꓥ ꓠꓬ ꓮ ꓧꓪꓹ ꓦꓲ ꓚꓰꓺ ꓜꓶ ꓗꓷ ꓢꓲ ꓫꓬꓹ ꓓꓳ ꓡꓰ ꓟꓽ ꓘꓴ ꓠꓬ꓾ ꓡꓳꓸ ꓟꓳ ꓢꓴ ꓮ ꓙꓵ ꓬꓲ ꓔꓯ ꓤꓲꓺ ꓪꓴꓸ ꓔꓴ ꓢꓲ꓾ ꓡ ꓞꓳ ꓕꓱ ꓕꓲ ꓣꓳ ꓠꓬ ꓦꓲ ꓫꓬꓹ ꓪꓴꓸ ꓔꓴ ꓗꓷ ꓢꓲ ꓫꓬꓹ ꓓꓳ ꓡꓰ ꓟꓽ ꓘꓴ꓾ ꓐꓰ ꓐꓯ ꓡ_ ꓥꓳ꓿ ꓝꓮꓲ ꓠꓬ ꓪ ꓔꓲ ꓮ ꓡꓲ ꓕꓲ ꓣꓳ ꓠꓬ ꓠꓱꓸ ꓐꓯ ꓪ ꓔꓲ ꓔꓯ ꓢꓰꓼ ꓡꓯ ꓘꓳ_ ꓐꓰ ꓓꓳ ꓙꓰ_ ꓕꓯ꓾ ꓬꓲ ꓟꓯꓼ ꓕꓲ ꓟꓶꓽ ꓣꓳ ꓡꓰ꓾ ꓬꓲ ꓔꓯ ꓔꓳꓹ ꓡ ꓢꓴ ꓟꓯꓼ ꓠꓬꓲꓽ ꓟꓶꓽ ꓧꓳꓽ ꓡ ꓢꓴ ꓔꓯ ꓔꓳꓹ ꓜꓳ_ ꓕꓯ꓾ ꓧꓪꓸ ꓘꓴ ꓧꓪꓸ ꓟꓽ ꓘꓴ_ ꓐꓰ꓾ ꓬꓲ ꓧꓶꓸ ꓕꓯ ꓡꓰ ꓠꓬꓲꓸ ꓠꓸ ꓢꓲ ꓟꓽ ꓚꓬꓹ ꓠꓬꓲ ꓡꓺꓽ꓿ ꓧꓪꓸ ꓟꓽ ꓘꓴ ꓕꓯ ꓠꓽ꓾ ꓬꓲ ꓔꓯ ꓔꓳꓹ ꓡ ꓢꓴ ꓖꓳ ꓕꓲ ꓣꓳ ꓶꓽ ꓤ ꓔꓬ_ ꓢꓰꓽ ꓕꓯ ꓡꓰ꓾ ꓝꓲ ꓓꓴ ꓝꓲ ꓩꓴ ꓗꓷ ꓢꓲ꓾ ꓬꓲ ꓪ_ ꓐꓰ ꓧꓳꓹ ꓡꓯ ꓘꓳ ꓡꓰ ꓠꓹ ꓟ ꓓꓰꓽ ꓙꓰ_ ꓥꓳ꓿ ꓖꓳ ꓟ_ ꓡꓰ ꓐꓰ ꓠꓴ ꓪ ꓮ ꓡꓲ ꓕꓲ ꓣꓳ_ ꓟꓲ꓾ ꓬꓲ ꓙꓳ_ ꓟ ꓮ ꓙꓵ ꓔꓯ ꓟꓽ ꓡꓳ ꓒꓰꓹ ꓕꓯ ꓠꓽ꓾ ꓥꓪ ꓛꓳ ꓒꓯꓹ ꓬꓰ ꓟꓽ ꓒꓬꓱꓼ ꓡ꓿

 

Add new comment

11 + 6 =

Please wait while the page is loading