ꓬꓰ-ꓢꓴ ꓦꓵꓸꓹ ꓡ ꓠꓹ ꓟ ꓓꓳꓽ

ꓬꓰ-ꓢꓴ ꓦꓵꓸꓹ ꓡ ꓠꓹ ꓟ ꓓꓳꓽ

 ꓦ ꓐ ꓛꓳꓼ ꓟ ꓗ ꓠꓯ꓾ ꓪꓴ-ꓢ ꓠꓬ ꓟꓴ ꓗꓪ ꓝꓲ ꓓꓴ ꓚꓬ-ꓑꓷ-ꓡꓰ ꓔꓯ ꓖ-ꓡꓲ-ꓡꓲ ꓟꓵꓽ ꓠ-ꓢ-ꓡꓱ ꓟꓬꓱꓺ ꓔ_ ꓟ ꓡꓳ ꓒꓱ ꓕꓲ ꓟ ꓗꓪ ꓝꓲ ꓩꓴ ꓗꓷ_ ꓡꓳ꓿ ꓟꓴ ꓗꓪ ꓝꓲ ꓓꓴ ꓔꓯ ꓠꓬ꓾ ꓓ-ꓪꓵ ꓞꓲꓼ ꓤ ꓡꓯ ꓤ ꓬꓳ-ꓢꓷ ꓟꓬꓱꓺ ꓔ_ ꓟ ꓡ ꓞꓳ ꓕꓲ ꓣꓳ ꓔꓯ ꓖꓶ ꓔ_ ꓟ ꓤ ꓟꓶ ꓡꓯꓸ ꓕꓲ ꓣꓳ ꓔꓬ ꓗꓪ ꓝꓲ ꓩꓴ ꓗꓷ_ ꓡꓳ꓿ ꓤ ꓟꓶ ꓡꓯꓸ ꓬꓲ ꓟꓬꓱꓺ ꓠꓬ ꓟ-ꓡꓲꓹ ꓥ ꓡꓳ꓿ ꓟꓴ ꓗꓪ ꓝꓲ ꓓꓴ ꓬꓲ ꓔꓬ ꓗꓪ ꓓꓵꓽ ꓡꓰ ꓢꓲ ꓬꓲ ꓔꓯ꓾ ꓣꓱ ꓛꓰ ꓟꓶ ꓢꓴꓳ꓾ ꓧꓪꓸ ꓧꓪꓸꓼ ꓿ ꓢꓲꓺ ꓒ ꓠꓴ_ ꓐꓰ ꓕꓲ ꓪꓺꓼ ꓔꓬ_ ꓡꓳ꓾ ꓐꓯ_ ꓡꓳ꓿ ꓐꓯ ꓘꓶ ꓕꓱ ꓟ ꓗꓪ ꓐꓰ ꓟ-ꓡꓲꓹ ꓮ ꓘꓶ ꓓꓵ ꓙ ꓫꓸ ꓢꓲ꓾ ꓬꓲ ꓠꓲꓹ ꓟ ꓗꓪ꓾ ꓐꓯ ꓘꓶ ꓕꓱ ꓟ ꓮ ꓫꓵ ꓔꓯ ꓐꓯ_ ꓟꓽ ꓢꓷ꓾ ꓐꓰ ꓓꓵ ꓙ ꓔꓬ_ ꓡꓳ꓿ ꓟꓴ ꓗꓪ ꓝꓲ ꓓꓴ ꓡꓰ ꓬꓲ ꓔꓯ꓾ ꓟ-ꓡꓲꓹꓳ꓾ ꓠꓴ ꓕꓽ ꓙꓳꓺ꓿ ꓮ ꓡꓲꓳ ꓐꓯ ꓠꓬ ꓠꓴ ꓠꓽ ꓪꓴ-ꓢ ꓟꓲꓽ ꓙꓬ ꓗꓪ ꓣꓱ ꓛꓰ ꓟꓶ ꓗꓷꓳ꓿  ꓠꓬꓲ ꓠꓹ꓾ ꓠꓴ ꓤ ꓘꓶꓻ ꓗꓪ ꓤ ꓠꓱ ꓶꓻ ꓡꓰ ꓢꓲ꓾ ꓤꓽ ꓕꓲ ꓣꓳ ꓦꓵ ꓡ_ ꓥꓳ꓿ ꓬꓲ ꓟꓬꓱꓺ ꓠꓬ ꓬꓰ-ꓢꓴ ꓐꓯ_ ꓥꓳ꓿ ꓬꓲ ꓠꓬ ꓪꓴꓽ_ ꓟ ꓒꓬꓱꓼ ꓡ_ ꓥꓳ꓿ ꓬꓲ ꓔꓯ ꓠꓬ ꓟꓴ-ꓡꓳꓹ-ꓬꓰ-ꓢꓴ ꓬꓲ ꓮ ꓐꓲ꓾ ꓘꓴ_ ꓥꓳ꓿ ꓢꓲꓺ ꓒ ꓪꓴ-ꓢ ꓠꓬ ꓬꓲ ꓒꓵꓽ ꓒ ꓓ-ꓪꓵ ꓙꓵꓽ ꓠꓬꓲꓸ ꓕꓲ ꓬꓲ ꓔꓯ ꓖꓶ_ ꓥꓳ꓿ ꓬꓲ ꓠꓬ ꓕꓲ ꓞꓲꓼ ꓕꓲ ꓑ ꓬ-ꓗꓴ ꓕꓲ ꓦꓲ ꓢꓴ ꓪ ꓔꓲ ꓣꓱꓽ ꓡ_ ꓥꓳ꓿ ꓬꓲ ꓗꓴꓷꓼ ꓠꓬ ꓮ ꓕꓯ ꓟꓲ ꓬꓲ ꓑꓶꓸ ꓟꓽ ꓞꓷꓹ ꓗꓷ꓾ ꓐꓯ_ ꓡꓳ꓿ ꓟ-ꓡꓲꓹ ꓡꓰ ꓟꓴ ꓗꓪ ꓝꓲ ꓓꓴ ꓔꓯ꓾ ꓥꓪ ꓞꓳ ꓑ ꓤ_ ꓐꓰ ꓟꓽ ꓬꓲꓼ ꓔ ꓠꓬꓲ ꓟ ꓗꓪ ꓐꓰ꓾ ꓕꓱ ꓟ ꓮ ꓡꓲ ꓗꓷ ꓡꓰ ꓗꓴꓸ ꓢꓰꓽ꓾ ꓐꓯ_ ꓡꓳ꓿ ꓟꓴ ꓗꓪ ꓝꓲ ꓓꓴ ꓡꓰ ꓬꓲ ꓔꓯ꓾ ꓢꓲ-ꓫꓬ-ꓟ-ꓦ ꓠꓴ ꓔꓯ ꓬꓯꓼ ꓡ ꓢꓲ꓾ ꓟꓴ-ꓡꓳꓹ-ꓬꓰ-ꓢꓴ ꓬꓲ ꓪꓽ ꓠꓬꓲ_ ꓟ ꓡꓰ ꓠꓴ ꓔꓯ ꓑꓲꓸ ꓡꓰ_ ꓥꓳ꓿ ꓖꓳ ꓡꓱ ꓠꓬꓲ ꓠꓴ ꓦꓵꓻ ꓠꓹ ꓟ ꓢꓲ ꓫꓬ_ ꓟ ꓤ ꓠꓱ ꓖꓳ ꓟ ꓔꓯ ꓪꓴ-ꓢ ꓬꓲ ꓮ ꓐꓲ꓾ ꓐꓰ ꓐꓯ_ ꓥꓳ꓿ ꓠꓬꓲ ꓠꓹ꓾ ꓠꓴ ꓫꓵꓽ ꓠꓴ ꓧꓪ ꓬꓲ-ꓡꓲ-ꓫ-ꓑꓷ ꓬꓲ ꓞꓲꓼ ꓪꓴꓽ_ ꓟ ꓗꓪ꓾ ꓬꓲ_ ꓟꓲ ꓤꓽ ꓕꓲ ꓣꓳ ꓶꓻ ꓞ_ ꓡꓳ꓿ ꓧꓶ ꓕꓯ ꓢꓴ ꓡꓰ ꓞꓳ ꓡꓱꓽ ꓟ ꓘꓴꓻ_ ꓟ ꓖꓳ ꓕꓲ ꓣꓳ ꓬꓲ ꓖꓳ ꓓꓱ ꓟꓽ ꓫꓬꓽ ꓟ ꓮ ꓟꓶ ꓦ ꓐ ꓛꓳꓼ ꓟ ꓙꓳ_ ꓡꓳ꓿ ꓮ ꓡꓲꓳ ꓐꓯ ꓠꓬ ꓪꓴ-ꓢ ꓐꓯ ꓔ_ ꓟ ꓐꓯ ꓘꓶ ꓠꓬ ꓪꓽ ꓟꓽ ꓠꓬꓲ ꓟ ꓕꓲ ꓘꓶ_ ꓟꓲ ꓟꓽ ꓙꓳ꓾ ꓐꓯ_ ꓡꓳ꓿ ꓟ-ꓡꓲꓹ ꓡꓰ꓾ ꓠꓬꓲ ꓠꓹ꓾ ꓥꓪ ꓠꓬ ꓢꓲꓺ ꓒ ꓚꓳ ꓟ ꓥ ꓡꓳ꓿ ꓠꓴ ꓐꓯ_ ꓟ_ ꓡꓰ ꓐꓰ ꓥꓪ ꓖꓳ ꓓꓱ ꓗꓪ ꓒꓬꓱꓼ ꓡ ꓝꓲ꓾ ꓐꓯ_ ꓡꓳ꓿ ꓖꓳ ꓡꓱ ꓠꓬ ꓟꓴ ꓗꓪ ꓝꓲ ꓓꓴ ꓬꓲ ꓔꓯ ꓐꓰ ꓙꓰ_ ꓡꓳ꓿  ꓡꓴ-ꓘ ꓕꓳꓽ ꓶ 1: 26-38

 

Add new comment

8 + 3 =

Please wait while the page is loading