ꓬꓳ-ꓠ ꓠꓬ ꓠꓲ-ꓠꓲ-ꓪꓱ ꓢꓴ ꓐꓱ ꓶ ꓢꓷꓸ ꓡꓰ ꓓꓴ ꓒꓬꓱꓼ ꓡ ꓗꓷ ꓟ ꓡꓰꓽ ꓐꓰ-ꓸ ꓡ-ꓞꓳ- ꓮ- ꓐꓲˍ ꓟꓲ ꓕꓱ ꓕꓲ ꓤꓶ ꓢꓴ ꓐꓱ ꓶ ꓢꓷꓸ ꓡꓰ ꓓꓴ ꓒꓬꓱꓼ ꓡ ꓥꓳ=

Wednesday, March 04, 2020

ꓡꓴ-ꓘ ꓕꓳꓽ ꓶ 11ꓽ 29-32

ꓞꓳ ꓜꓴ ꓜꓲꓼ ꓡ ꓕꓯ ꓬꓰ-ꓢꓴ ꓘꓶꓽ ꓒꓴ ꓢꓲ-ꓸ ꓕꓱ ꓕꓲ ꓤꓶ ꓟ ꓠꓬ ꓥꓶˍ ꓟ ꓕꓲ ꓤꓶ ꓥ ꓢꓲ-ꓸ ꓬꓲ ꓪ ꓠꓬ ꓢꓷꓸ ꓡꓰ ꓓꓴ ꓧꓪˍ ꓡꓳ= ꓖꓳ ꓡꓱ ꓥˍ ꓟꓲ ꓬꓳ-ꓠ ꓢꓷꓸ ꓡꓰ ꓓꓴ ꓟꓽ ꓥ ꓠꓬ-ꓸ ꓬꓲꓸ ꓪꓽ ꓔꓯ ꓠꓱꓸ ꓐꓯꓼ ꓮ ꓫꓵꓽ ꓢꓷꓸ ꓡꓰ ꓓꓴˍ ꓟꓲ ꓟꓽ ꓟꓳꓸ ꓖꓶ= ꓬꓳ-ꓠ ꓠꓬ ꓠꓲ-ꓠꓲ-ꓪꓱ ꓢꓴ ꓐꓱ ꓶ ꓢꓷꓸ ꓡꓰ ꓓꓴ ꓒꓬꓱꓼ ꓡ ꓗꓷ ꓟ ꓡꓰꓽ ꓐꓰ-ꓸ ꓡ-ꓞꓳ- ꓮ- ꓐꓲˍ ꓟꓲ ꓕꓱ ꓕꓲ ꓤꓶ ꓢꓴ ꓐꓱ ꓶ ꓢꓷꓸ ꓡꓰ ꓓꓴ ꓒꓬꓱꓼ ꓡ ꓥꓳ= ꓐꓯ ꓟꓴ ꓘꓶꓽˍ ꓕꓯ-ꓸ ꓖꓴ ꓟꓶꓸ ꓔꓯ ꓟꓳꓸ ꓟ ꓪ ꓔꓲ ꓟ ꓠꓬ ꓕꓱ ꓕꓲꓽ ꓤꓶ ꓢꓴˍ ꓐꓰ ꓕꓲꓽ ꓪˍ ꓦꓰꓼ ꓔꓴ ꓡ ꓢꓲ ꓬꓲ ꓪ ꓔꓯ ꓐꓯ ꓞꓷꓹˍ ꓥꓳ= ꓮ ꓡꓲꓳ ꓐꓯ ꓠꓬ ꓬꓲ ꓠꓽ ꓢꓳ-ꓡꓳ-ꓟꓳ ꓙꓽ ꓜꓲꓼ ꓠꓲꓹ ꓙꓳˍ ꓟ ꓐꓯ ꓘꓶꓽ ꓔꓯ ꓠ ꓠꓹ ꓠꓹ ꓟ ꓟꓲ ꓠꓯ ꓑꓶꓸ ꓗꓪ ꓐꓰ ꓡ ꓗꓷꓳ= ꓠꓬꓲ ꓠꓹ-ꓸ ꓢꓳ-ꓡꓳ-ꓟꓳ ꓕꓯꓽ ꓢꓲ ꓪꓴꓽˍ ꓟ ꓕꓲ ꓣꓳ ꓕꓱ ꓗꓪ ꓔꓬ ꓡꓳ= ꓐꓯ ꓟꓴ ꓘꓶˍ ꓕꓯ ꓠꓲ-ꓠꓲ-ꓪꓱ ꓢꓴ ꓠꓬ ꓔꓴ ꓡ ꓢꓲꓼ ꓕꓱ ꓕꓲ ꓤꓶ ꓟ ꓡ ꓞꓳ ꓔꓯ ꓐꓯ ꓞꓷꓹ ꓥꓳ= ꓮ ꓡꓰꓳ ꓐꓯ ꓠꓬ ꓬꓲ ꓪ ꓠꓽ-ꓸ ꓬꓳ-ꓠ ꓡꓰ ꓚ ꓟꓸ ꓖꓶˍ ꓟ ꓔꓯ ꓠ ꓠꓹ ꓢꓲ ꓓꓵꓽ ꓙ ꓒꓳꓹ ꓬꓲꓼ ꓡꓸꓸꓳ= ꓠꓬꓲ ꓠꓹ -ꓸ ꓬꓳ-ꓠ ꓕꓯꓽ ꓢꓲ ꓪꓴꓽˍ ꓟ ꓕꓲ ꓣꓳ ꓕꓱ ꓗꓪ ꓔꓬ ꓡꓳ-ꓸ ꓐꓯˍ ꓡꓳ=