ꓬꓳ-ꓠ ꓢꓷꓸ ꓡꓰ ꓓꓴ

ꓬꓳ-ꓠ ꓢꓷꓸ ꓡꓰ ꓓꓴ

 ꓡ ꓞꓳ ꓬꓲ ꓜꓴ ꓬꓲ ꓟꓯꓼ ꓬꓲ ꓔꓯ ꓜꓲꓼ ꓡ_ ꓕꓯ꓾ ꓬꓰ-ꓢꓴ ꓘꓶꓽ ꓒꓴ ꓢꓲ꓾ ꓕꓱ ꓕꓲ ꓤꓶꓻ ꓟ ꓠꓬ ꓥꓶ_ ꓟ ꓕꓲ ꓤꓶ ꓥ ꓡꓳ꓿ ꓬꓲ ꓪ ꓠꓬ ꓢꓷ ꓡꓰ ꓓꓴ ꓧꓪ_ ꓡꓳ꓿ ꓖꓳ ꓡꓱ ꓥ_ ꓟꓲ ꓬꓳ-ꓠ ꓢꓷ ꓡꓰ ꓓꓴ ꓟꓽ ꓥ ꓠꓬ꓾ ꓝꓮꓲ ꓬꓲ ꓪ ꓔꓯ ꓟꓳꓸ ꓖꓶ ꓠꓹ ꓟ ꓢꓷ ꓡꓰ ꓓꓴ ꓟꓽ ꓙꓳ꓿ ꓬꓳ-ꓠ ꓮ ꓡꓲ ꓐꓰ ꓠꓲ-ꓠꓲ-ꓪꓱ ꓡ ꓞꓳ ꓐꓱ ꓶ ꓢꓷ ꓡꓰ ꓓꓴ ꓒꓬꓱꓼ ꓡ_ ꓠꓬ꓾ ꓡ ꓞꓳ ꓮ ꓐꓲ_ ꓟꓲ ꓖꓳ ꓟ_ ꓡꓰ ꓐꓰ꓾ ꓕꓱ ꓕꓲ ꓤꓶꓻ ꓟ ꓡ ꓞꓳ ꓐꓱ ꓶ ꓢꓷ ꓡꓰ ꓓꓴ ꓒꓬꓱꓼ ꓡ_ ꓥꓳ꓿ ꓐꓯ ꓟꓴ ꓘꓶꓽ_ ꓕꓯ꓾ ꓖꓴ ꓟꓶꓸ ꓔꓯ ꓟꓳꓸ ꓟ ꓪ ꓔꓲ ꓟ ꓠꓬ ꓕꓱ ꓕꓲ ꓤꓶ ꓟ ꓡ ꓞꓳ_ ꓐꓰ ꓔꓴ ꓡ ꓢꓲ꓾ ꓬꓲ ꓪ ꓔꓯ ꓝꓴꓲ ꓐꓯ ꓞꓷꓹ_ ꓥꓳ꓿ ꓮ ꓡꓲꓳ ꓐꓯ ꓠꓬ ꓬꓲ ꓠꓽ ꓢꓳ-ꓡꓳ-ꓟꓳ ꓙꓽ ꓜꓲ ꓠꓲꓹ ꓙꓳ_ ꓟ ꓐꓯ ꓘꓶ ꓔꓯ ꓠ ꓠꓹ ꓠꓹ ꓟ꓾ ꓟꓲ ꓠꓯ ꓑꓶꓸ ꓗꓪ ꓐꓰ ꓡ_ ꓡꓳ꓿ ꓠꓬꓲ ꓠꓹ꓾ ꓢꓳ-ꓡꓳ-ꓟꓳ ꓕꓯ ꓢꓲ ꓪꓴꓽ_ ꓟ ꓕꓲ ꓣꓳ ꓕꓱ ꓗꓪ ꓔꓬ_ ꓡꓳ꓿ ꓐꓯ ꓟꓴ ꓘꓶꓽ_ ꓕꓯ꓾ ꓠꓲ-ꓠꓲ-ꓪꓱ ꓡ ꓞꓳ ꓠꓬ ꓕꓱ ꓕꓲ ꓤꓶꓻ ꓟ ꓡ ꓞꓳ_ ꓐꓰ ꓔꓴ ꓡ ꓢꓲ꓾ ꓬꓲ ꓪ ꓔꓯ ꓝꓴꓲ ꓐꓯ ꓞꓷꓹ_ ꓥꓳ꓿ ꓮ ꓡꓲꓳ ꓐꓯ ꓠꓬ ꓬꓲ ꓪ ꓠꓽ ꓬꓳ-ꓠ ꓡꓰ ꓚ ꓟꓸ ꓖꓶ_ ꓟ ꓔꓯ ꓠ ꓡꓳ ꓢꓲ ꓓꓵ ꓙ ꓒꓳꓹ ꓬꓲꓼ ꓡ_ ꓡꓳ꓿ ꓠꓬꓲ ꓠꓹ꓾ ꓬꓳ-ꓠ ꓕꓯ ꓢꓲ ꓪꓴꓽ_ ꓟ ꓕꓲ ꓣꓳ ꓕꓱ ꓗꓪ ꓔꓬ_ ꓡꓳ꓿ ꓡꓴ-ꓘ ꓕꓳꓽ ꓶ 11: 29-32

 

Add new comment

2 + 13 =

Please wait while the page is loading