ꓶꓼ ꓘꓶꓽ ꓫꓱꓹ ꓘꓶꓽ

ꓶꓼ ꓘꓶꓽ ꓫꓱꓹ ꓘꓶꓽ

ꓡꓴ-ꓘ 6ꓽ20-26

ꓬꓰ-ꓢꓴ ꓠꓬ ꓬꓲ ꓛꓳ ꓒꓯꓹ ꓐꓴ ꓔꓯ ꓡꓳꓸ ꓔ ꓢꓲ-ꓸ ꓞꓳ ꓫ ꓠꓴ ꓪ ꓠꓽ ꓶꓼ ꓙꓳ ꓫꓱꓹ ꓙꓳ_ꓡꓳ= ꓮ ꓡꓲꓳ ꓐꓯ_ ꓠꓬ ꓪꓴ-ꓢ ꓗꓴꓷꓼ ꓠꓽ ꓠꓴ ꓪ ꓔꓯꓸ ꓟ ꓥ ꓡꓳ= ꓮ ꓟꓶ ꓦꓰꓼ ꓟꓷꓼ ꓔꓬ ꓢꓴ ꓠꓴ ꓪ ꓠꓽ ꓶꓼ ꓙꓳ ꓫꓱꓹ ꓙꓳ_ ꓡꓳ= ꓮ ꓡꓲꓳ ꓐꓯ_ ꓠꓬ ꓠꓴ ꓪ ꓠꓽ ꓜꓽ ꓐꓳ ꓡꓰ_ ꓥꓳ= ꓮ ꓟꓡ ꓥꓴꓸꓹ ꓔꓬ ꓢꓴ ꓠꓴ ꓪ ꓠꓽ ꓶꓼ ꓙꓳ ꓫꓱꓹ ꓙꓳ_ ꓡꓳ= ꓮ ꓡꓲꓳ ꓐꓯ_ ꓠꓬ ꓠꓴ ꓪ ꓠꓽ ꓪꓽ ꓧꓷꓼ ꓪꓽ ꓡꓰꓼ ꓗꓷ ꓡꓰ_ ꓥꓳ= ꓡ-ꓞꓳ-ꓮ-ꓐꓲ ꓥꓪ ꓪꓴꓸ ꓠꓬꓲ-ꓸ ꓢꓴ ꓡꓰ ꓠꓴ ꓪ ꓔꓯ ꓠꓲꓹ ꓜꓳ ꓡ-ꓸ ꓥ ꓠꓬ ꓒꓱ ꓗꓷ ꓡ-ꓸ ꓥ ꓠꓬꓲ ꓫꓸ ꓝꓲꓸ ꓡ-ꓸ ꓥ ꓠꓬ ꓠꓴ ꓪ ꓔꓯ ꓞꓳ ꓥꓶ ꓚꓬꓹ ꓢꓲ ꓗꓸꓸ ꓩꓴ ꓡ ꓠꓬ-ꓸ ꓠꓴ ꓪ ꓠꓽ ꓶꓼ ꓙꓳ ꓫꓱꓹ ꓙꓳ_ ꓡꓳ= ꓖꓳ ꓕꓲ ꓠꓬꓲ ꓗꓪ ꓠꓴ ꓪ ꓠꓽ ꓗꓹ ꓛꓲ ꓠꓬꓲ ꓔꓷ ꓡ ꓛꓵ_ ꓡꓳ= ꓮ ꓡꓲꓳ ꓐꓯ ꓠꓬ ꓟꓴ ꓗꓪ ꓗꓪ ꓠꓴ ꓪ ꓡꓯꓼ ꓫꓴ ꓠꓽ ꓬꓲ ꓓꓽ ꓟ ꓥ ꓡꓳ= ꓬꓲ ꓪ ꓒꓵꓽ ꓒ ꓐꓴ_ ꓟꓲ ꓟꓷꓽ ꓠꓷꓹ ꓝꓸ ꓢꓴ ꓐꓴ ꓔꓯ ꓬꓲ ꓖꓳ ꓡꓱ ꓬꓰ ꓖꓶ ꓠꓬꓲꓳ= ꓞꓳ ꓐꓳ  ꓠꓴ ꓪ ꓠꓽ ꓫꓸ ꓙꓵ_ ꓥꓳ= ꓮ ꓡꓲꓳ ꓐꓯ ꓠꓬ ꓠꓴ ꓪ ꓠꓽ ꓮ ꓟꓶ_ ꓡꓰ ꓔꓬ ꓢ_ ꓟ ꓟꓶ ꓗꓷꓳ= ꓮ ꓟꓶ ꓜꓽ ꓐꓳ ꓓꓳꓸꓹ ꓐꓳ ꓔꓬ ꓢꓴ ꓠꓴ ꓪ ꓠꓽ ꓫꓸ ꓙꓵ_ ꓥꓳ= ꓮ ꓡꓲꓳ ꓐꓯ_ ꓠꓬ ꓠꓴ ꓪ ꓠꓽ ꓦꓰꓼ ꓟꓷꓼ ꓜꓲꓽ ꓠ ꓗꓷ ꓡꓰ_ ꓥꓳ= ꓮ ꓟꓶ ꓪꓽ ꓧꓷꓼ ꓪꓽ ꓡꓰꓼ ꓗꓹ ꓢꓴ ꓠꓴ ꓪ_ ꓟꓲ ꓫꓸ ꓙꓵ_ ꓥꓳ= ꓮ ꓡꓲꓳ ꓐꓯ_ ꓠꓬ ꓠꓴ ꓪ ꓠꓽ ꓠꓲꓹ ꓙꓽ ꓫꓸ ꓠꓬꓲ ꓥꓴꓸꓹ ꓠ ꓗꓷ ꓡꓰ_ ꓥꓳ= ꓡ ꓞꓳ ꓮ ꓙꓵꓽ ꓡꓰ ꓠꓴ ꓪ ꓠꓽ ꓙꓲ_ ꓡꓳ-ꓸ ꓐꓯ_ ꓠꓬ-ꓸ ꓠꓴ ꓪ ꓠꓸ ꓫꓸ ꓙꓵ_ ꓥꓳ= ꓮ ꓡꓲꓳ ꓐꓯ ꓠꓬ ꓬꓲ ꓪ ꓒꓵꓽ ꓒ ꓐꓴ_ ꓟꓲ ꓟꓽ ꓔꓱꓹ ꓟ ꓟꓷꓽ ꓠꓷꓹ ꓝꓸ ꓢꓴ ꓐꓴ ꓔꓯ ꓬꓲ ꓖꓳ ꓡꓱ ꓫꓱꓸ ꓖꓶ ꓠꓬꓲꓳ=

Add new comment

2 + 3 =

Please wait while the page is loading