ꓡꓲ ꓒꓲꓼ ꓔꓯ ꓐꓬ ꓡꓰ ꓝꓲ_ ꓟ

ꓡꓲ ꓒꓲꓼ ꓔꓯ ꓐꓬ ꓡꓰ ꓝꓲ_ ꓟ ꓠꓬ ꓞꓳ ꓤ ꓵ ꓣꓳ ꓟꓬꓹ ꓟ ꓞꓳ ꓫꓵ ꓐꓴ ꓠꓬ ꓬꓲ ꓪ ꓡꓰ ꓟꓬ ꓠꓬꓲ ꓣꓳꓸ ꓚꓵ_ ꓟ ꓕꓱ ꓡꓱ ꓢꓪꓼ ꓟ ꓖꓳ ꓟ ꓡꓲ ꓟꓽ ꓝꓲ ꓬꓲ ꓪ ꓡꓲ ꓒꓲꓼ ꓡꓰ ꓟꓽ ꓓ ꓪꓴꓸ ꓓꓵ ꓛꓹ ꓢꓲ ꓬꓰ_ ꓟ ꓕꓱ ꓟ ꓠꓬ ꓞꓳ ꓫꓵ ꓕꓲ ꓫꓵ ꓔꓯ ꓐꓬ ꓡꓰ ꓝꓲ_ ꓟ ꓥ ꓡꓳ= Ethnic cleansing ꓐꓯ_ ꓟ ꓠꓱꓸ ꓐꓯꓼ ꓞꓳ ꓫꓵ ꓔꓯ ꓟꓶꓽ ꓡꓰ ꓝꓲ_ ꓟ ꓐꓯ_ ꓟ ꓕꓱ ꓡꓱ ꓬꓰ ꓡ_ ꓟ ꓥ ꓡꓳ= ꓠꓱꓸ ꓐꓯꓼ ꓵ ꓣꓳ ꓟꓽ ꓟꓬ ꓟ ꓞꓳ ꓫꓵ ꓐꓴ ꓔꓯ ꓕꓲ ꓫꓵ ꓡꓲ ꓕꓲ ꓫꓵ ꓗꓪ ꓐꓰ ꓟꓶꓽ ꓡꓰ ꓠ ꓬꓲ ꓪ ꓪ ꓙꓵꓽ ꓪ ꓔꓯ ꓑꓲꓸ ꓔ ꓟ꓾ ꓟꓽ ꓔꓱ_ ꓟ ꓚꓱꓹ ꓗꓪ ꓐꓰ ꓢꓰꓼ_ ꓟ꓾ ꓓꓶ_ ꓟ꓾ ꓟꓽ ꓔꓱ_ ꓟ ꓙꓵꓽ ꓗ ꓗꓪ ꓐꓰ ꓫꓸ ꓙꓲ_ ꓟ꓾ ꓬꓲ ꓪ ꓦꓲꓻ ꓐꓰ ꓬꓲ ꓪ ꓖꓴꓽ ꓙꓴ ꓠꓲꓸ ꓫꓬꓸ ꓔꓯ ꓐꓬ ꓡꓰ ꓝꓲ_ ꓟ꓾ ꓖꓳ ꓟ ꓡꓰ ꓟꓽ ꓝꓲ ꓬꓲ ꓪ ꓔꓯ ꓢꓰꓼ_ ꓟ ꓕꓱ ꓡꓱ ꓫꓵ ꓔꓯ ꓮ ꓕꓯ ꓥ ꓟꓲ ꓬꓰ ꓔꓬ ꓟ ꓥ ꓡꓳ= ꓕꓱ ꓡꓱ ꓓꓵꓽ  ꓙ_ ꓢꓴ ꓠꓯꓼ ꓗꓪ ꓪ ꓡꓯꓼ ꓘꓳ_ ꓟ ꓕꓲ ꓫꓵ ꓠꓬ ꓞꓳ ꓤ ꓟꓬꓱꓺ ꓓꓳꓽ ꓞꓳ ꓤ ꓪ ꓙꓵꓽ ꓪ ꓔꓯ ꓟꓽ ꓢꓷꓸ ꓔ ꓪ ꓡꓰ ꓬꓰ ꓢꓲ꓾ ꓟꓽ ꓖꓶ_ ꓟ ꓥ ꓡꓳ= ꓞꓳ ꓤ ꓕꓲ ꓣꓳ ꓢꓯꓸ ꓔꓬ ꓠꓹ ꓟ ꓪ ꓙꓵꓽ ꓪ ꓞꓳ ꓤ ꓐꓯ_ ꓠꓬ ꓕꓲ ꓣꓳ ꓡꓲ ꓕꓲ ꓣꓳ ꓕꓲ ꓪ ꓪ ꓠꓹ ꓟ ꓙꓵ ꓪ ꓙꓳ_ ꓡꓳ=

ꓖꓳ ꓡꓱ ꓥ ꓟꓲ ꓕꓱ ꓡꓱ ꓪ ꓙꓵꓽ ꓪ ꓔꓯ ꓟꓽ ꓖꓶ_ ꓟ ꓠꓱꓸ ꓐꓯꓼ ꓞꓳ ꓫꓵ ꓠꓬ ꓟꓽ ꓒꓵꓽ ꓬꓲ ꓪ ꓠꓬ ꓬꓲ ꓪ ꓔꓯ ꓛꓳꓽ ꓟꓽ ꓟꓴ ꓬꓰ_ ꓟ꓾ ꓬꓲ ꓪ ꓠꓬ ꓣꓳꓺ ꓓꓰ ꓡꓰ_ ꓟ ꓞꓳ ꓫꓵꓽ ꓥ ꓡꓳ ꓐꓰ ꓓꓵꓽ ꓙ_ ꓟ꓾ ꓞꓳ ꓫꓵ ꓔꓯ ꓟꓶꓽ ꓡꓰ ꓠ ꓬꓰ_ ꓟ ꓚꓱꓹ ꓔꓯ ꓣꓱꓽ ꓢꓲ꓾ ꓠꓱꓸ ꓐꓯꓼ ꓞꓳ ꓫꓵ ꓔꓯ ꓙꓵꓽ ꓚꓱꓹ ꓕꓱ ꓡꓱ ꓫꓵ ꓔꓯ ꓣꓱꓽ_ ꓟ ꓥ ꓡꓳ= ꓟꓽ ꓙꓲ_ ꓟ ꓟꓽ ꓔꓱ_ ꓟ ꓞꓳ ꓤ ꓔꓯ ꓟꓽ ꓒꓵꓽ_ ꓟ ꓚꓱꓹ ꓗꓪ ꓐꓰ ꓞꓳ ꓤ ꓕꓲ ꓣꓳ ꓠꓬ ꓝꓴꓲ ꓓꓽ ꓟ ꓙꓳ ꓢꓴ ꓕꓲ ꓣꓳ ꓔꓯ ꓡꓲ ꓐꓰ ꓬꓲ ꓪ ꓠꓬ ꓠꓱꓸ ꓐꓯꓼ ꓞꓳ ꓫꓵ ꓔꓯ ꓬꓰ_ ꓟ ꓥꓳ= ꓕꓱ ꓡꓱ ꓫꓵ ꓚꓱꓹ ꓠꓬ ꓗꓴꓷꓼ ꓘꓴꓽ ꓗꓪ ꓢꓲ ꓡꓲꓹ ꓟ ꓟꓽ ꓙꓳ ꓝꓲ_ ꓟ ꓗꓴꓷꓼ ꓘꓴꓽ ꓗꓪ ꓪ ꓡꓯ ꓘꓳꓫꓱꓸ ꓡꓯꓼ ꓘꓳ ꓝꓲ_ ꓟ ꓕꓲ ꓣꓳ ꓡꓲ ꓕꓲ ꓣꓳ ꓘꓴꓽ ꓗꓪ ꓙꓵꓻ ꓠꓲꓹ ꓟꓽ ꓙꓳ ꓝꓲ_ ꓟ ꓕꓱ ꓡꓱ ꓫꓵ ꓔꓯ ꓒꓬꓱꓼ ꓡꓰ ꓝꓲ_ ꓟ ꓥ ꓡꓳ= ꓕꓱ ꓟ ꓠꓬ ꓣꓳ ꓠꓯꓼ ꓗꓪ ꓐꓬ ꓡꓰ ꓝꓲ_ ꓟ ꓓꓳꓼ ꓗꓷ ꓩꓴ ꓡ_ ꓟ ꓡꓰ ꓐꓰ ꓐꓬ ꓡꓰ ꓝꓲ_ ꓡꓳ= ꓫꓵꓻ ꓡꓰ ꓝꓲ_ ꓡꓳ= ꓕꓱ ꓡꓱ ꓬꓰ_ ꓟ ꓑꓶ ꓓꓴ ꓣꓳ ꓗꓳꓹ ꓡꓳ ꓗꓪ ꓙꓳ ꓡꓰ ꓝꓲ_ ꓟ꓾ ꓠꓲꓹ ꓟ ꓟꓽ ꓢ ꓡꓰ ꓝꓲ_ ꓟ꓾ ꓒꓳꓹ ꓔꓴ ꓠꓹ ꓟ ꓠꓲꓹ ꓟ ꓙꓳ ꓡꓰ ꓝꓲ_ ꓟ ꓒꓬꓱꓼ ꓡ ꓝꓲ_ ꓡꓳ= ꓪꓴ-ꓢ ꓠꓬ ꓞꓳ ꓤ ꓮ ꓙꓵ ꓔꓯ ꓕꓲ ꓠꓲꓹ ꓕꓲ ꓪꓼ ꓒꓬꓱꓼ ꓝꓲ ꓠꓲꓹ ꓫꓵ_ ꓡꓳ= ꓞꓳ ꓤ ꓮ ꓙꓵ ꓔꓯ ꓕꓲ ꓦꓲꓻ ꓡ ꓞꓳ ꓡꓰ ꓐꓰ ꓒꓬꓱꓼ ꓝꓲ ꓠꓲꓹ ꓫꓵ_ ꓡꓳ=