ꓐꓮꓠꓖꓳꓗ ꓗꓪ ꓔꓲꓺ ꓒ ꓓꓽ ꓟ ꓐꓴ ꓢꓬꓠꓳꓓ ꓬꓰ ꓪꓴ. ꓔꓴ. ꓟ (24.2.2023)

ꓐꓮꓮꓠꓖꓗꓳꓗ ꓗꓪ ꓜꓲꓼ ꓔꓬ, ꓢꓴ ꓗꓪ ꓔ, ꓐ ꓢꓴ ꓮ ꓙꓵꓽ ꓠꓬ ꓔꓲꓺ ꓒ ꓓꓽ ꓟ ꓐꓴ ꓡꓳꓥ ꓜꓲꓼ ꓗꓷ ꓟ ꓗꓪ ꓐꓰ ꓓꓳꓺ ꓡˍ ꓟ ꓔꓯ ꓚꓲ. ꓛꓬ ꓥꓳꓽ ꓗꓪ ꓐꓰ ꓒꓳ, ꓙꓰ ꓠ, ꓟ ꓢꓯꓼ ꓕꓵꓼ ꓔꓬ, ꓖꓴ ꓡꓳ꓿ ꓔꓲꓺ ꓒ ꓓꓽ ꓟ ꓗꓲ‐ꓗꓴ‐ꓛꓰ ꓠꓬ ꓣꓳꓽ ꓖꓪ ꓙꓱ ꓜꓲꓼ ꓧꓳꓽ ꓡꓰ ꓗꓷ ꓟ ꓔꓯ ꓚꓲ. ꓛꓬ ꓥꓳꓽ (ꓮꓢꓲꓮꓠ) ꓥꓳꓽ ꓗꓪ ꓐꓰ ꓒꓳ, ꓡꓶ. ꓠ, ꓟ ꓮ ꓘꓶ. ꓫ ꓔ ꓡꓳ꓾” ꓖꓳ ꓡꓱ ꓥˍ ꓟꓲ ꓟꓽ ꓓ ꓫ. ꓓꓰ ꓡꓰ ꓟ ꓠꓬ ꓣꓳꓽ ꓚꓳꓦꓲꓓ ꓠ ꓫꓵꓽ ꓑꓶ. ꓓꓴ ꓗꓪꓺ ꓙꓰ ꓟ ꓣꓳꓽ ꓡ ꓞꓳ ꓐꓴ ꓔꓯ ꓫꓺ ꓡꓳꓽ ꓠ, ꓟ ꓥꓳ ꓐꓰ ꓐꓯ ꓡꓳ꓿ ꓖꓳ ꓡꓱ ꓥˍ ꓟꓲ ꓝꓮꓐꓚ( ꓮꓢꓲꓮ ꓔꓲꓺ ꓒ ꓓ ꓟ ꓐꓴ ꓜꓴ) ꓗꓪ ꓟ ꓟꓬꓱꓽ ꓢꓲꓺ ꓠꓬ “ꓥꓪ ꓣꓳꓽ ꓢꓷ. ꓠꓯˍ ꓟ ꓠꓬ꓾ ꓕꓱ ꓢꓬꓠꓳꓓ ꓟ ꓠꓬ ꓣꓳꓽ ꓖꓪ ꓙꓱ ꓜꓲꓼ ꓗꓷ ꓠꓬ ꓖꓴ ꓡꓰ ꓫꓵꓽ ꓟꓽ ꓥ꓾ ꓝꓮꓲ꓾ ꓬꓲ. ꓙꓵꓽ ꓛꓲ ꓡ ꓢꓲ ꓣꓳꓽ ꓖꓪ ꓙꓱ ꓜꓲꓼꓔꓬ, ꓫꓵꓽ ꓕꓲꓽ ꓖꓼ ꓟ ꓥ꓾ ꓣꓳ ꓕꓲꓽ ꓣꓳ ꓠꓲ, ꓟ ꓕꓲꓽ ꓣꓳ ꓢꓷ. ꓡꓰ ꓠ, ꓟ ꓐꓰ ꓣꓳ ꓘꓴ ꓜꓲꓼ ꓞꓳ ꓚꓱ ꓔꓯ ꓪ ꓙꓲ ꓢꓷ. ꓡꓰ ꓠ, ꓟ ꓣꓳꓽ ꓖꓪ ꓙꓱ ꓜꓲꓼ ꓓꓴ ꓕꓱ ꓟ ꓬꓰ ꓔꓬ, ꓟ ꓥꓳ꓿  ꓖꓳ ꓡꓱ ꓠꓬꓲ ꓮ ꓟꓶ ꓠꓬ ꓠꓻ ꓓꓱꓽ ꓕꓱ ꓟ ꓟꓶꓽ ꓬꓰ ꓔꓬ, ꓠꓬ ꓣꓳꓽ ꓐꓴ ꓢꓯꓼ ꓙꓳ ꓪꓽ ꓠꓬꓲ ꓠꓬꓲ ꓐꓰ ꓡꓯ ꓫꓵ ꓕꓲꓽ ꓡꓰ ꓙꓰ ꓡꓯ꓿