ꓐꓱ ꓓꓴꓽ ꓕꓳꓽ ꓦꓲꓻ ꓗꓪ ꓐꓱ ꓔ ꓟ ꓟꓬ‐ꓟ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓕꓮꓲ, ꓟꓯꓼ ꓐꓴ ꓡꓰ ꓗꓮꓪ.‐ꓔꓮꓴꓠꓖ ꓗꓪ ꓐꓰ ꓟꓬ‐ꓟ ꓗꓴꓷꓼ ꓗꓪ ꓡꓽ ꓙꓰ ꓝꓲˍ ꓟ ꓓꓳꓽ

ꓐꓱ ꓓꓴꓽ ꓕꓳꓽ ꓦꓲꓻ ꓗꓪ ꓐꓱ ꓔ ꓟ ꓟꓬ‐ꓟ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓕꓮꓲ, ꓟꓯꓼ ꓐꓴ ꓡꓰ ꓗꓮꓪ.‐ꓔꓮꓴꓠꓖ ꓗꓪ ꓐꓰ ꓟꓬ‐ꓟ ꓗꓴꓷꓼ ꓗꓪ ꓡꓽ ꓙꓰ ꓝꓲˍ ꓟ ꓓꓳꓽ

11 ꓦ ꓟ 22 ꓠꓬꓲ 2022 ꓕꓯ ꓕꓮꓲ, ꓗꓴꓷꓼ ꓗꓪ ꓐꓱ ꓓꓴꓽ ꓕꓳꓽ ꓦꓲꓻ ꓗꓪ ꓐꓱ ꓔ ꓢꓲ ꓠꓬꓲ ꓓꓳ ꓡ ꓟ ꓟꓬ‐ꓟ ꓟꓬꓱꓽ ꓬꓰ ꓢꓴ (201) ꓣꓳ ꓔꓯ ꓕꓮꓲ, ꓟꓯꓼ ꓐꓴ ꓡꓰ ꓗꓮꓪ.‐ꓔꓮꓴꓠꓖ ꓗꓪ ꓐꓰ ꓟꓬ‐ꓟ ꓗꓴꓷꓼ ꓗꓪ ꓡꓽ ꓙꓰ ꓝꓲꓳ ꓐꓰ ꓐꓯ ꓔ ꓡꓳ꓿

ꓕꓱ ꓟꓬ‐ꓟ ꓟꓬꓱꓽ ꓬꓰ ꓢꓴ ꓐꓴ ꓠꓬ ꓕꓮꓲ, ꓗꓴꓷꓼ ꓗꓪ ꓙꓰ ꓢꓲ ꓠꓬꓲ ꓟꓬꓱꓽ ꓬꓰ ꓔꓬ ꓕꓯ ꓕꓮꓲ, ꓟꓯꓼ ꓐꓴ ꓡꓰ ꓣꓴ ꓢꓲ ꓠꓬꓲ ꓐꓱ ꓓꓴꓽ ꓗꓪ ꓐꓱ ꓗꓷ ꓟ ꓥ ꓡꓳ꓿ ꓟꓬ‐ꓟ ꓟꓬꓱꓽ ꓬꓰ ꓢꓴ (201) ꓣꓳ ꓠꓬ 11 ꓦ ꓟ 22 ꓠꓬꓲ ꓕꓯ ꓕꓮꓲ, ꓐꓱ ꓓꓴꓽ ꓗꓪ ꓐꓰ ꓓꓳ ꓡ ꓢꓲ ꓠꓬꓲ ꓟꓬ‐ꓟ ꓗꓴꓷꓼ ꓗꓪ ꓡꓽ ꓡ ꓟ ꓥ ꓡꓳ꓿

ꓕꓮꓲ, ꓗꓴꓷꓼ ꓗꓪ ꓐꓰ ꓟꓬ‐ꓟ ꓗꓴꓷꓼ ꓗꓪ ꓡꓽ ꓡ ꓟ ꓟꓬ‐ꓟ ꓟꓬꓱꓽ ꓬꓰ ꓢꓴ ꓐꓴ ꓠꓬ ꓤ ꓑ ꓤ (170) ꓣꓳ ꓐꓰ ꓤ ꓟꓶ ꓤ 40) ꓣꓳ ꓥ ꓡꓳ ꓐꓰ ꓢꓷ. ꓪ ꓡꓳ꓿ ꓬꓲ ꓪ ꓔꓯ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓬꓲ. ꓪ ꓔꓬ ꓟ ꓟꓵꓽ ꓗꓪ ꓡꓽ ꓙꓰ ꓝꓲ ꓠ, ꓟ ꓬꓰ ꓖꓶ ꓗꓷꓳ ꓐꓰ ꓐꓯ ꓔ ꓡꓳ꓿