ꓐꓶꓽ ꓗꓴꓷꓼ ꓗꓪ ꓔꓬꓹ ꓪ ꓠꓹ ꓟ ꓓꓰꓽˍ ꓟ ꓟꓬ-ꓟ ꓞꓳ ꓫꓵꓽ ꓐꓴ ꓔꓯ ꓟꓽ ꓓ ꓟꓽ ꓞꓽ ꓟꓽ ꓡꓽ ꓙꓰ ꓝꓲ ꓠꓹ ꓟ ꓴꓠꓧꓚꓣ ꓡꓰ ꓓꓰꓽˍ ꓟ

Friday, October 21, 2022

ꓐꓶꓽ ꓗꓴꓷꓼ꓾ ꓠꓱꓸ ꓐꓯ ꓗꓴꓷꓼ ꓐꓴ ꓗꓪ ꓔꓬꓹ ꓪ ꓠꓹ ꓟ ꓓꓰꓽˍ ꓟ ꓟꓯꓼ ꓛꓰꓹ ꓑꓬ ꓢꓴ ꓟꓬ-ꓟ ꓞꓳ ꓫꓵꓽ ꓐꓴ ꓔꓯ ꓟꓽ ꓓ ꓟꓽ ꓞꓼ ꓚꓲꓸ ꓛꓬ ꓔꓬ ꓟꓵꓽ ꓗꓪ ꓡꓽ ꓙꓰ ꓝꓲˍ ꓟ ꓟꓽ ꓬꓰ ꓠꓹ ꓟ ꓴꓠ ꓟꓯꓼ ꓛꓰꓹ ꓑꓬ ꓢꓴ ꓐꓴ ꓔꓯ ꓟꓳꓸ ꓬꓰ ꓙˍ ꓟ ꓣꓳꓸ ꓴꓠꓧꓚꓣ ꓡꓰ ꓓꓰꓽ ꓗꓷꓳ꓾ ꓐꓰ ꓢꓷꓸ ꓪ ꓡꓳ=

ꓕꓱ ꓕꓲ ꓦ ꓗꓪ ꓟ-ꓡꓰꓹ-ꓫ ꓗꓴꓷꓼ ꓗꓪ ꓟꓬ-ꓟ ꓞꓳ ꓫꓵꓽ 150 ꓣꓳ ꓔꓯ ꓟꓬ-ꓟ ꓗꓴꓷꓼ ꓗꓪ ꓬꓲꓼ ꓙꓰ ꓝꓲ ꓗꓷ ꓟ ꓪꓴꓸ ꓠꓬꓲ꓾ ꓖꓳ ꓗꓪ ꓔꓬ ꓪ ꓠꓹ ꓟ ꓢꓯꓼ ꓕꓵꓼ ꓔꓬ ꓟ ꓟꓬ-ꓟ ꓙꓵꓽ ꓪ ꓙꓳ ꓢꓴ ꓔꓯ ꓟꓽ ꓠ ꓡꓳꓸ ꓢꓲ ꓟꓬꓱꓽ ꓟꓽ ꓬꓰ ꓠꓽ ꓔ ꓢꓴ ꓕꓲ ꓐꓱ ꓐ ꓗꓷ ꓗ ꓠꓯꓸ ꓕꓯ ꓠꓬ ꓴꓠꓧꓚꓣ ꓡꓰ 10 ꓦ 20 ꓠꓬꓲ ꓕꓯ ꓐꓯ ꓑꓶ ꓗꓷ ꓟ ꓥ ꓡꓳ=

ꓚꓲꓸ ꓛꓬ ꓔꓬꓹ ꓟꓵꓽ ꓔꓯ ꓡꓳꓺ ꓔ ꓬꓰ ꓢꓲ ꓠꓬꓲ ꓐꓶꓽ ꓗꓴꓷꓼ ꓗꓪ ꓔꓬꓹ ꓪ ꓠꓹ ꓟ ꓓꓰꓽ ꓔ ꓟ ꓟꓯꓼ ꓛꓰꓹ ꓑꓬ ꓢꓴ ꓟꓬ-ꓟ ꓞꓳ ꓫꓵꓽ ꓐꓴ ꓔꓯ ꓟꓽ ꓖꓶ ꓔꓬ꓾ ꓬꓲ ꓪ ꓗꓴꓷꓼ ꓗꓪ ꓬꓲꓼ ꓙꓰ ꓝꓲˍ ꓟ ꓠꓬ ꓬꓲ ꓪ ꓢꓯꓼ ꓟꓬ ꓐꓱ ꓶ ꓙꓲꓻ ꓖꓴ ꓟꓽ ꓙꓳ꓾ ꓫꓸ ꓓꓴ ꓗꓪ ꓧꓳꓽ ꓗꓷˍ ꓟ ꓥ ꓡꓳ꓾ ꓐꓰ ꓴꓠꓧꓚꓰ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=