ꓐꓶ ꓓꓵꓽ ꓬꓲꓻ ꓙꓬ ꓡꓳ ꓘꓶꓽ ꓗꓪ ꓙꓳˍ ꓟ ꓠ-ꓐ-ꓡꓯꓸ ꓡꓳ ꓒꓱ ꓔꓯ ꓬꓲ-ꓢꓷ-ꓡꓰ ꓐꓴ ꓑꓳ ꓡˍ ꓟ ꓑꓶꓸ ꓓꓴ ꓩꓱ-ꓡꓲ-ꓫꓵ 11 ꓣꓳ ꓫꓵꓻ ꓢꓲ 102 ꓣꓳ ꓠꓻ ꓓꓴ ꓓꓴ ꓡꓰꓳ

ꓐꓶ ꓓꓵꓽ ꓬꓲꓻ ꓙꓬ ꓡꓳ ꓘꓶꓽ ꓗꓪ ꓙꓳˍ ꓟ ꓠ-ꓐ-ꓡꓯꓸ ꓡꓳ ꓒꓱ ꓔꓯ ꓬꓲ-ꓢꓷ-ꓡꓰ ꓐꓴ ꓑꓳ ꓡˍ ꓟ ꓑꓶꓸ ꓓꓴ ꓩꓱ-ꓡꓲ-ꓫꓵ 11 ꓣꓳ ꓫꓵꓻ ꓢꓲ 102 ꓣꓳ ꓠꓻ ꓓꓴ ꓓꓴ ꓡꓰꓳ

ꓬꓲ-ꓢꓷ-ꓡꓰ ꓐꓴ ꓡꓰ ꓫ ꓔ ꓟ ꓐꓶ ꓓꓵꓽ ꓬꓲꓻ ꓙꓬ ꓡꓳ ꓘꓶꓽ ꓗꓪ ꓟ ꓠ-ꓐ-ꓡꓯꓸ ꓡꓳ ꓒꓱ ꓔꓯ ꓬꓲ-ꓢꓷ-ꓡꓰ ꓟꓯꓼ ꓐꓴ ꓡꓰ 2 ꓦ 22 ꓠꓬꓲ ꓕꓯ ꓑꓳꓺ ꓗꓷ ꓠꓬ ꓩꓱ-ꓡꓲ-ꓫꓵ ꓞꓳ ꓫꓵꓽ 11 ꓣꓳ ꓫꓵꓻ ꓢꓲ 102 ꓣꓳ ꓠꓻ ꓓꓴ ꓓꓴ ꓡꓰ ꓢꓲ ꓠꓬꓲ 82 ꓣꓳ ꓔꓯ ꓑꓳ ꓬꓯꓼ ꓡꓰꓳ꓾ ꓐꓰ ꓩꓱ-ꓡꓲ-ꓫꓵ ꓠꓯꓻ ꓞꓲꓼ ꓜꓴ ꓗꓪ ꓐꓰ ꓓꓳꓽ ꓐꓯ ꓑꓶ ꓔ ꓡꓳ꓾ ꓐꓰ ꓢꓷꓸ ꓪ ꓡꓳ= ꓑꓳꓺ ꓬꓯꓼ ꓡꓰ ꓟ 82 ꓣꓳ ꓘꓴꓽ ꓗꓪ 6 ꓣꓳ ꓠꓬ ꓮ ꓘꓶꓸ ꓠꓻ ꓡꓰꓳ=

ꓬꓲ ꓢꓷ ꓡꓰ ꓐꓴ ꓡꓰ ꓑꓳꓺ ꓡˍ ꓟ ꓗꓪ ꓟꓽ ꓫꓬ ꓟ ꓟꓴꓽ ꓘꓴꓽ ꓦ ꓪ ꓡꓰ ꓢꓲ ꓬꓲ ꓞꓲꓼ 66 ꓘꓳꓼ ꓙꓳˍ ꓟ ꓞꓳ ꓑꓸ ꓤ ꓕꓲ ꓣꓳ ꓠꓬ 2 ꓦ 22 ꓠꓬꓲ ꓕꓯ ꓠꓯꓻ ꓞꓲꓼ ꓦꓲ ꓗꓪ ꓫꓵꓳ ꓐꓰ ꓠꓯꓻ ꓞꓲꓼ ꓜꓴ ꓗꓪ ꓐꓰ ꓐꓯ ꓑꓶ ꓔ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓬꓲ-ꓢꓷ-ꓡꓰ ꓟꓯꓼ ꓜꓴ ꓠꓬ 2 ꓦ 22 ꓠꓬꓲ꓾ ꓠꓯꓼ 10 ꓙꓵꓹ ꓕꓯ ꓢꓰꓼ ꓡꓯ ꓘꓳ ꓟꓳ ꓓꓳ꓾ ꓮ ꓘꓶꓸ ꓓꓹ ꓟ ꓟꓯꓼ ꓜꓴ ꓐꓴ ꓐꓰ ꓠ-ꓐ-ꓡꓯꓸ ꓡꓳ ꓒꓱ ꓗꓪ ꓓꓵꓽ ꓡ ꓢꓲ ꓑꓳꓺ ꓗꓷ ꓗ ꓠꓯꓸ ꓠꓬꓲꓽ ꓛꓱꓽ ꓑꓳꓺ ꓡꓯ ꓘꓳˍ ꓟ ꓒꓬꓱꓼ ꓡ ꓗꓷꓳ꓾ ꓐꓰ ꓟꓬꓮꓠꓟꓟꓮꓑꓡꓮꓔꓝꓳꓣꓟ ꓓꓳꓽ ꓗꓪ ꓐꓯ ꓔ ꓡꓳ=