ꓑ‐ꓖꓳ ꓟꓵꓽ ꓗꓪ ꓬꓲꓻ ꓙꓬ ꓙꓵꓽ ꓡ ꓟ ꓑꓶ. ꓓꓴ ꓑꓶ.‐ꓫꓴ‐ꓟꓲ (ꓓꓲ‐ꓟꓲ) (50000) ꓗꓽ ꓐꓬ ꓡꓰ ꓟ ꓓꓳꓽ

ꓑ‐ꓖꓳ ꓟꓵꓽ ꓗꓪ ꓬꓲꓻ ꓙꓬ ꓙꓵꓽ ꓡ ꓟ ꓑꓶ. ꓓꓴ ꓑꓶ.‐ꓫꓴ‐ꓟꓲ (ꓓꓲ‐ꓟꓲ) (50000) ꓗꓽ ꓐꓬ ꓡꓰ ꓟ ꓓꓳꓽ

10 ꓦ ꓟ 14 ꓠꓬꓲ 2023 ꓘꓳꓼ ꓕꓯ ꓑ‐ꓖꓳ ꓟꓵꓽ ꓗꓪ ꓬꓲꓻ ꓙꓬ ꓙꓵꓽ ꓡ ꓟ ꓑꓶ. ꓓꓴ ꓑ  ꓫꓬ ꓐꓴ ꓡꓰ ꓬꓰ ꓔ ꓟ ꓑꓶ.‐ꓫꓴ.‐ꓟꓲ (ꓓꓲ‐ꓟꓲ) (50000) ꓗꓽ ꓐꓬ ꓡꓰꓳ ꓐꓰ ꓐꓯ ꓔ ꓡꓳ꓿ ꓜꓽ ꓫꓽ ꓝꓲ ꓛꓲ ꓡꓰ ꓡ ꓟ ꓙꓵ, ꓕꓯ ꓬꓲꓻ ꓙꓵꓽ ꓡ ꓟ ꓑꓶ. ꓓꓴ ꓑ ꓫꓬ ꓐꓴ ꓬꓰ ꓔ ꓟ ꓮ ꓟꓬ, ꓐꓬ ꓡꓰ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓞꓲꓼ ꓠꓲ, ꓟꓲ‐ꓦ ꓦ ꓟ ꓠꓬ ꓗꓳ. ꓗꓷ ꓟ ꓘꓳꓼ ꓕꓯ ꓢꓲ ꓥ ꓢꓲ ꓠꓬꓲ ꓑ‐ꓖꓳ ꓡꓳ ꓒꓱ ꓘꓴꓽ ꓗꓪ ꓥ ꓟꓲ ꓬꓲꓻ ꓙꓬ ꓙꓵꓽ ꓟꓶ. ꓡꓰ ꓟ ꓥ ꓡꓳ꓿

ꓞꓲꓼ ꓠꓲ, ꓕꓱ ꓡꓱ ꓐꓰ ꓑ ꓫꓬ ꓐꓴ ꓡꓰ ꓔꓲ ꓔ ꓟ ꓜꓽ ꓟꓲ ꓮ ꓟꓬ, ꓐꓬ ꓡꓰ ꓟ ꓪꓴ. ꓠꓬꓲ ꓛꓲ ꓡ ꓟ ꓘꓳꓼ ꓕꓯ ꓜꓽ ꓓꓴ ꓫ. ꓡ ꓓꓴ ꓙꓳˍ ꓡꓳ ꓐꓰ ꓐꓯ ꓔ ꓡꓳ꓿ ꓫ. ꓔꓬ ꓢꓴ ꓑ ꓫꓬ ꓐꓴ ꓔꓯ ꓬꓰ ꓙ ꓢꓴ ꓜꓴꓻ ꓡꓰ ꓬꓰ ꓙ ꓔꓳ, ꓙ ꓔꓬ ꓡꓳ ꓐꓰ ꓐꓯ ꓔ ꓡꓳ ꓐꓰ (Popular News Journal) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿