ꓑ‐ꓘ ꓡꓳ ꓒꓱ ꓪꓰ. ꓑꓳ ꓧꓪ ꓔꓶ. ꓬꓲ. ꓡꓵ ꓬꓲꓻ ꓙꓬ ꓐꓱ ꓠꓬ ꓐꓶ ꓡ ꓟ ꓔꓯ ꓑ ꓫꓬ ꓐꓴ ꓮ ꓘꓶ. ꓙꓳꓺ ꓔꓬ ꓟ ꓪꓴ. ꓠꓬꓲ ꓬꓲꓻ ꓙꓬ ꓔꓯ ꓫꓬ, ꓔꓬ ꓟ ꓓꓳꓽ

ꓑ‐ꓘ ꓡꓳ ꓒꓱ ꓪꓰ. ꓑꓳ ꓧꓪ ꓔꓶ. ꓬꓲ. ꓡꓵ ꓬꓲꓻ ꓙꓬ ꓐꓱ ꓠꓬ ꓐꓶ ꓡ ꓟ ꓔꓯ ꓑ ꓫꓬ ꓐꓴ ꓮ ꓘꓶ. ꓙꓳꓺ ꓔꓬ ꓟ ꓪꓴ. ꓠꓬꓲ ꓬꓲꓻ ꓙꓬ ꓔꓯ ꓫꓬ, ꓔꓬ ꓟ ꓓꓳꓽ

ꓗ‐ꓛꓲ ꓗꓴꓷꓼ ꓫꓴꓻ ꓑ‐ꓘ ꓡꓳ ꓒꓱ ꓪꓰ. ꓑꓳ ꓧꓪ ꓔꓶ. ꓡꓵ ꓗꓪ ꓙꓳˍ ꓟ ꓬꓲꓻ ꓙꓬ ꓐꓱ ꓠꓬ ꓐꓶ ꓡ ꓟ ꓔꓯ ꓑ ꓫꓬ ꓐꓴ ꓮ ꓘꓶ. ꓙꓳˍ ꓔꓬ ꓟ ꓪꓴ. ꓠꓬꓲ ꓕꓱ ꓬꓲꓻ ꓙꓬ ꓐꓱ ꓔꓯ ꓫꓬ, ꓖꓶ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓕꓱ ꓪꓰ. ꓑꓳ ꓧꓪ ꓔꓶ. ꓠꓬ ꓟꓶ‐ꓪ‐ꓙꓲ ꓘ, ꓑ ꓕꓲ ꓗꓪ ꓙꓳˍ ꓟ (40) ꓘꓽ ꓙꓳˍ ꓟ ꓟꓵꓽ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓕꓱ ꓙꓲꓻ ꓙꓬ ꓐꓱ ꓑ ꓕꓲ ꓗꓪ ꓪꓰ. ꓑꓳ ꓚꓴ. ꓔꓬ ꓢꓴ ꓐꓴ ꓮ ꓙꓵꓽ ꓔꓯ ꓠꓽ ꓗꓷ ꓝꓲ ꓢꓲ ꓠꓬꓲ ꓙꓲꓻ ꓙꓬ ꓐꓱ ꓫꓬ, ꓖꓶ ꓡꓳ ꓐꓰ ꓐꓯ ꓔ ꓡꓳ꓿ ꓙꓲꓻ ꓙꓬ ꓐꓱ ꓗꓪ ꓟꓬꓱꓽ ꓬꓰ ꓓꓵ. ꓟ ꓠꓬ 8 ꓦꓟ 15 ꓠꓬꓲ ꓗꓪ ꓐꓰ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓙꓲꓻ ꓙꓬ ꓐꓱ ꓗꓪ ꓬꓲꓻ ꓙꓬ ꓔꓯ ꓐ ꓡ ꓟꓬꓽ ꓛꓲ ꓚꓲꓻ ꓔꓯ ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓕꓱ ꓡꓰ ꓬꓲꓻ ꓙꓬ ꓐꓱ ꓒꓬꓱꓼ ꓡ ꓟ ꓠꓬ ꓗꓳ. ꓗꓷ ꓟ ꓙꓵ, ꓕꓯ ꓪꓰ. ꓑꓳ ꓧꓪ, ꓢꓴ ꓐꓴ ꓡꓰ ꓚꓴ. ꓗꓷ ꓟ ꓟꓵꓽ ꓥ ꓢꓲ ꓠꓬ (400) ꓑꓯ ꓟꓴ ꓡꓳ ꓐꓰ ꓐꓯ ꓔ ꓡꓳ꓿ ꓟꓲ ꓦ ꓦ ꓡ ꓟ ꓙꓵ, ꓬꓲꓻ ꓙꓬ ꓟꓬꓽ ꓡ ꓢꓲ ꓠꓬꓲ ꓑ ꓫꓬ ꓐꓴ ꓐꓱ ꓶ ꓓꓴ ꓙ ꓫ. ꓓꓴ ꓒꓬꓱꓼ ꓡ ꓟ ꓥ ꓡꓳ꓿

ꓗꓳ. ꓗꓷ ꓟ 2020 ꓘꓳꓼ ꓕꓯ ꓟꓵꓽ ꓡꓶꓽ ꓔꓲ ꓢꓲ ꓠꓬꓲ ꓫꓵꓻ ꓢꓴ ꓑ ꓫꓬ ꓮ ꓟꓬ, ꓙꓳˍ ꓡꓰ ꓟ ꓥ ꓡꓳ꓿ ꓗꓳ. ꓗꓷ ꓟ 8 ꓦ ꓘꓴꓽ ꓗꓪ ꓥ ꓟꓲ ꓪꓰ. ꓑꓳ ꓧꓪ ꓢꓴ ꓑ ꓫꓬ (33) ꓫꓵꓻ ꓡꓰ ꓟ ꓥ ꓡꓳ ꓐꓰ (The 74) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿