ꓑꓲ-ꓣꓴ ꓗꓪ ꓗꓴꓷꓼ ꓟꓽ ꓢꓲꓺ ꓡꓲ ꓟ ꓑꓶꓸ ꓓꓴ ꓛꓰꓹ ꓙꓰ ꓟ ꓟꓯꓼ 6 ꓣꓳ ꓬꓲꓻ ꓙꓬ ꓡꓳ ꓘꓴꓽ ꓗꓪ ꓫꓵꓻ ꓟ

ꓑꓲ-ꓣꓴ ꓗꓪ ꓗꓴꓷꓼ ꓟꓽ ꓢꓲꓺ ꓡꓲ ꓟ ꓑꓶꓸ ꓓꓴ ꓛꓰꓹ ꓙꓰ ꓟ ꓟꓯꓼ 6 ꓣꓳ ꓬꓲꓻ ꓙꓬ ꓡꓳ ꓘꓴꓽ ꓗꓪ ꓫꓵꓻ ꓟ (Credit Photo to China Daily)
Wednesday, March 08, 2023

ꓑꓲ-ꓣꓴ ꓗꓴꓷꓼ ꓘꓴꓽ ꓗꓪ ꓟꓽ ꓢꓲꓺ ꓡꓲ ꓟ ꓑꓶꓸ ꓓꓴ ꓛꓰꓹ ꓙꓰ ꓢꓲ ꓬꓲꓻ ꓙꓬ ꓡꓳ ꓔꓯ ꓗꓳꓸ ꓙ ꓙꓰ ꓠꓹ ꓟ ꓢꓯꓼ ꓕꓵꓼ ꓔꓬ ꓟ ꓟꓯꓼ ꓒ 6 ꓣꓳ ꓠꓬ ꓗꓳꓸ ꓗꓷ ꓟ ꓕꓲ ꓠꓽ ꓖꓴ ꓡꓰˍ ꓕꓯ ꓫꓵꓻ ꓟ ꓥ ꓡꓳ ꓐꓰ ꓑꓲ-ꓣꓴ ꓙꓵꓽ ꓪ ꓙꓳ ꓢꓴ ꓐꓴ ꓡꓰ 3 ꓦ 6 ꓠꓬꓲ ꓕꓯ ꓐꓯˍ ꓡꓳ=

ꓗꓴꓷꓼ ꓘꓴꓽ ꓗꓪ ꓙꓵꓽ ꓢꓴ ꓐꓴ ꓔꓯ ꓒꓳꓹ ꓔꓴˍ ꓟ ꓓꓳꓻ ꓡ ꓗꓷ ꓟ ꓠꓬ ꓦ ꓐ 3 ꓟ ꓛꓲꓺ ꓙꓳ ꓡꓻꓳ= ꓐꓱ ꓓꓴꓽ ꓗꓪ ꓐꓱ ꓔ ꓟ ꓟꓶˍ ꓟ ꓗꓴꓷꓼ ꓢꓲꓽ ꓒ ꓡꓵꓺ ꓑꓲ-ꓓ-ꓣꓳ ꓡꓲꓹ ꓗꓷ ꓟꓶ ꓠꓹ ꓟ ꓐꓰ ꓬꓲ ꓙꓵꓽ ꓪ ꓔꓯ ꓝꓸ ꓢꓲ ꓣꓴ ꓔ ꓢꓴ ꓓꓲ-ꓠ ꓐꓳ-ꓡꓴ-ꓮ-ꓔ ꓠꓬ ꓗꓴꓷꓼ ꓔꓯ ꓙꓵꓽˍ ꓟ ꓗꓪ ꓐꓰ ꓠꓽ ꓗꓷ ꓠꓹ ꓟ ꓓꓰꓽˍ ꓟ ꓒꓳꓹ ꓔꓴˍ ꓟ ꓫꓵꓽ ꓪꓴ ꓒꓬꓱꓼ ꓔꓬ ꓟ ꓥ ꓢꓲ꓾ ꓑꓴ-ꓠꓳ ꓟꓵꓽ ꓖꓴ ꓟꓶꓸ ꓗꓪ ꓟ ꓬꓲꓻ ꓙꓬ ꓡꓳ ꓕꓲ ꓟ ꓗꓪ ꓗꓳꓸ ꓙꓰ ꓠꓹ ꓟ ꓢꓯꓼ ꓕꓵꓼ ꓔꓬ ꓟ ꓟꓯꓼ 6 ꓣꓳ ꓠꓬ 3 ꓦ 5 ꓠꓬꓲ ꓕꓯ ꓒꓲꓼ ꓡꓰ ꓗꓷ ꓟ ꓥ ꓡꓳ=

ꓗꓴꓷꓼ ꓢꓲꓽ ꓒ ꓑꓲ-ꓓ-ꓣꓳ ꓔꓯ ꓐꓱ ꓓꓴꓽ ꓗꓪ ꓐꓱ ꓗꓷ ꓗ ꓠꓯꓸ ꓑꓲ-ꓣꓴ ꓗꓴꓷꓼ ꓘꓴꓽ ꓑꓴ-ꓠꓳ ꓟꓵꓽ ꓐꓰ ꓕꓲ ꓪ ꓠꓱꓸ ꓐꓯ ꓗꓪ ꓞꓳ ꓤ ꓮ ꓟꓬꓹ ꓫꓵꓻ ꓗꓷ ꓟ ꓒꓳꓹ ꓔꓴˍ ꓟ ꓔꓯ ꓠꓬ ꓠꓽ ꓡꓰ ꓠ ꓬꓰ ꓐ ꓡ ꓗꓷ ꓟ ꓟꓽ ꓙꓳ ꓢꓰꓽ꓾ ꓐꓰ ꓢꓷꓸ ꓪ ꓡꓳ= 

Add new comment

1 + 2 =

Quick Links