ꓑ-ꓗꓲ-ꓢ-ꓔꓯ ꓗꓪ ꓟꓶꓽ ꓦ ꓦˍ ꓟ ꓑꓶꓸ ꓓꓴ ꓦ ꓐ ꓕꓲ ꓟ ꓘꓴꓽ ꓗꓪ ꓫꓵꓻ ꓢꓴ 133 ꓣꓳ ꓗꓪ ꓛꓲꓺ ꓙꓳ ꓡ ꓟ

(CreditPhoto) ꓑ-ꓗꓲ-ꓢ-ꓔꓯ ꓗꓪ ꓟꓶꓽ ꓦ ꓦˍ ꓟ ꓑꓶꓸ ꓓꓴ ꓦ ꓐ ꓕꓲ ꓟ ꓘꓴꓽ ꓗꓪ ꓫꓵꓻ ꓢꓴ 133 ꓣꓳ ꓗꓪ ꓛꓲꓺ ꓙꓳ ꓡ ꓟ

Wednesday, July 26, 2023

ꓑ-ꓗꓲ-ꓢ-ꓔꓯ ꓗꓪ ꓟꓶꓽ ꓦ ꓮ ꓘꓶꓸ ꓦ ꓡ ꓟ ꓑꓶꓸ ꓓꓴ ꓬꓲꓻ ꓙꓬ ꓙꓵꓽ ꓟꓷꓸ꓾ ꓡꓳꓽ ꓓꓳ ꓧꓳꓹˍ ꓟ ꓒꓬꓱꓼ ꓗꓷ ꓢꓲ ꓫꓵꓻ ꓢꓴ 133 ꓣꓳ ꓗꓪ ꓛꓲꓺ ꓙꓳ ꓡ ꓗꓷ ꓟ ꓔꓯ ꓑ-ꓗꓲ-ꓢ-ꓔꓯ ꓙꓵꓽ ꓪ ꓙꓳ ꓢꓴ ꓐꓴ ꓡꓰ 7 ꓦ 24 ꓠꓬꓲ꓾ ꓠꓽ-ꓠꓬꓲꓽ-ꓠꓬꓲ ꓕꓯ ꓐꓯ ꓑꓶ ꓗꓷꓳ=

ꓑ-ꓗꓲ-ꓢ-ꓔꓯ ꓖꓴ ꓪꓴꓸ ꓗꓪ ꓟ ꓙꓻ ꓖꓴ ꓓꓽ ꓟ ꓐꓴ ꓠꓬ ꓬꓲꓻ ꓙꓬ ꓙꓵꓽ ꓟꓷꓸ꓾ ꓡꓳꓽ ꓓꓳ ꓧꓳꓹˍ ꓟ ꓪꓴꓸ ꓠꓬꓲ ꓛꓵꓽ ꓓꓹ ꓟ ꓥ ꓢꓲ ꓠꓬꓲ ꓮ ꓟꓶ ꓗꓪ ꓛꓲ ꓪꓰ ꓤ ꓬꓲ ꓔꓴ ꓣꓳ ꓛꓲ ꓠꓬ ꓬꓲꓼ ꓙꓰ ꓟꓽ ꓓ ꓡꓰ ꓢꓰꓽ꓾ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓡꓳ=

ꓓꓴ ꓓꓳ ꓙꓰ ꓢꓴ ꓪꓰ ꓤ ꓐꓴ ꓠꓬ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓙꓳꓺ ꓗꓽ ꓖꓶ ꓔ ꓟ ꓔꓯ ꓟꓽ ꓠ ꓠꓹ꓾ ꓑ-ꓗꓲ-ꓢ-ꓔꓯ ꓖꓴ ꓪꓴꓸ ꓗꓪ ꓚꓳꓻ ꓙꓰ ꓗꓷ ꓟ ꓥ ꓡꓳ ꓐꓰ ꓐꓯ ꓔ ꓡꓳ=

ꓪ ꓚꓲ ꓪ ꓙꓵꓽ ꓮ ꓟꓬꓹ ꓙꓳˍ ꓟ ꓗꓪ ꓟꓳ-ꓓꓳ ꓙꓰ ꓙꓻ ꓖꓴ ꓙꓲꓻ ꓡꓰ ꓠꓹ ꓟ ꓐꓱ ꓶ ꓙꓵꓽ ꓪ ꓙꓳ ꓢꓴ ꓐꓴ ꓠꓬ ꓙꓻ ꓖꓴ ꓡꓲꓸ ꓠꓹ ꓟ ꓢꓯꓼ ꓕꓵꓼ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=

ꓑ-ꓗꓲ-ꓢ-ꓔꓯ ꓕꓲ ꓗꓴꓷꓼ ꓡꓱꓸꓼ ꓗꓪ ꓮ ꓟꓶ ꓕꓲ ꓘꓳꓼ ꓡꓱꓸꓼ ꓒꓬꓱꓼ ꓗꓷ ꓟ ꓬꓲꓻ ꓙꓬ ꓙꓵꓽ ꓟꓷꓸˍ ꓟ ꓗꓪ ꓐꓰ ꓫꓵꓻ ꓢꓴ 1739 ꓣꓳ ꓙꓳˍ ꓡꓳ꓾ ꓐꓰ ꓢꓷꓸ ꓪ ꓡꓳ=