ꓑ-ꓘꓳꓸ-ꓗꓴ ꓗꓪ ꓟꓶꓽ ꓦ ꓦ ꓢꓲ ꓡꓳ ꓗꓸ ꓬꓲꓻ ꓙꓬ ꓡꓶꓽ ꓡ ꓟ ꓑꓶꓸ ꓓꓴ ꓞꓳ ꓦꓲ 37 ꓢꓶꓽ ꓐꓬ ꓡꓰ ꓢꓲ꓾ ꓡ ꓞꓳ 800 ꓣꓳ ꓟꓽ ꓞꓲ ꓚꓵꓸ ꓙꓰ ꓪ ꓡꓰ ꓟ

Wednesday, September 06, 2023

ꓟ-ꓖꓪꓰ ꓟꓵꓽ ꓫꓴ꓾ ꓑ-ꓘꓳꓸ-ꓗꓴ ꓡꓳ ꓒꓱ ꓗꓪ 9 ꓦ 3 ꓠꓬꓲ ꓗꓪ ꓐꓰ ꓟꓶꓽ ꓦ ꓮ ꓟꓬꓹ ꓦ ꓗꓷ ꓢꓲ ꓡꓳ ꓗꓸ ꓬꓲꓻ ꓙꓬ ꓙꓵꓽ ꓡꓶꓽ ꓡ ꓢꓲ ꓠꓬꓲ ꓞꓳ ꓦꓲꓻ 37 ꓢꓶꓽ ꓐꓬ ꓡꓰꓳ꓾ ꓐꓰ ꓢꓷꓸ ꓪ ꓡꓳ=

ꓟꓶꓽ ꓦ ꓬꓲ ꓓꓽ ꓟ ꓦ ꓗꓷ ꓟ ꓑꓶꓸ ꓓꓴ ꓑ-ꓘꓳꓸ-ꓗꓴ ꓡꓳ ꓒꓱ ꓠ-ꓐ (15) ꓞꓳ ꓘꓹ ꓢꓲꓠ-ꓑꓮꓴꓗ-ꓡ ꓡꓳ ꓗꓸ ꓬꓲꓻ ꓙꓬ ꓮ ꓘꓶꓸ ꓪꓴꓽ ꓡ ꓟ ꓑꓶꓸ ꓓꓴ ꓞꓳ ꓦꓲꓻ ꓐꓴ ꓐꓬ ꓡꓰ ꓗꓷ ꓟ ꓥ ꓡꓳ= ꓡꓳ ꓗꓸ ꓬꓲꓻ ꓙꓬ ꓪꓴꓽ ꓡ ꓟ ꓪꓴꓸ ꓠꓬꓲ ꓞꓳ ꓦꓲꓻ 212 ꓦꓲꓻ꓾ ꓡ ꓞꓳ 800 ꓣꓳ ꓟꓽ ꓞꓲꓺ ꓠꓬ ꓚꓵꓸ ꓙꓰ ꓗꓷ ꓪ ꓡꓰ ꓟ ꓥ ꓢꓲ꓾ ꓞꓳ ꓦꓲꓻ 37 ꓦꓲꓻ ꓠꓬ ꓐꓬ ꓡꓰ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓐꓬ ꓡꓰ ꓗꓷ ꓟ ꓞꓳ ꓦꓲꓻ ꓐꓴ ꓠꓯꓸꓼ ꓗꓪ ꓤ ꓦꓵꓻ ꓦꓬꓼ ꓠꓬꓲ ꓐꓲ ꓡ ꓔꓬ ꓟ ꓖꓳ ꓓꓱꓽ ꓡꓲꓽ ꓢꓴ ꓤ ꓟꓶ ꓤ 2 ꓣꓳ ꓐꓹ ꓟ ꓥ ꓢꓲ꓾ ꓤ ꓠꓱ ꓦꓵꓻ ꓖꓴ ꓐꓱ ꓶ ꓫꓸ ꓓꓴ ꓔꓳꓹ ꓜꓳꓽ ꓔꓬ ꓡꓳ꓾ ꓐꓰ ꓢꓷꓸ ꓪ ꓡꓳ=

Add new comment

2 + 0 =

Quick Links