ꓑ ꓫꓬꓼ ꓮꓸ ꓔꓲ ꓤ ꓙꓳˍ ꓟ ꓙꓵꓻ ꓚꓱꓹ ꓦ ꓡꓱꓻ ꓚꓱꓹ ꓔꓯ ꓘꓶꓻ ꓠꓬꓲꓸ ꓤꓶˍ ꓟ ꓐꓱ ꓶ Pakistan ꓢꓲꓽ ꓒ: ꓔꓬꓹ ꓗꓪ ꓖꓶꓽˍ ꓟ ꓕꓳꓽ ꓶꓽ=

Pakistan ꓤ ꓟꓶ ꓤ ꓐꓴ=

ꓑ ꓫꓬꓼ ꓮꓸ ꓔꓲ ꓤ ꓙꓳˍ ꓟ ꓙꓵꓻ ꓚꓱꓹ ꓦ ꓡꓱꓻ ꓚꓱꓹ ꓔꓯ ꓘꓶꓻ ꓠꓬꓲꓸ ꓤꓶˍ ꓟ ꓐꓱ ꓶ Pakistan ꓢꓲꓽ ꓒ: ꓔꓬꓹ ꓗꓪ ꓖꓶꓽˍ ꓟ ꓕꓳꓽ ꓶꓽ=

8 ꓦꓻ ꓟ 21 ꓠꓬꓲ꓾2019

ꓥꓪ ꓠꓴꓽ ꓠꓬ ꓚꓲꓸ ꓛꓬꓼ ꓗꓴꓷꓼ ꓥ ꓟ Pakistan ꓔꓯ ꓠꓲꓹ ꓠꓵˍ ꓡꓳ꓾ ꓣꓱꓽ ꓙˍ ꓡꓳ꓾ꓥꓪ ꓠꓴꓽ ꓪꓽ ꓘꓴ ꓦꓲꓻ ꓾ ꓘꓴ-ꓜꓲ-ꓞꓳ ꓜꓳꓽ꓾ ꓘꓴ-ꓜꓲ-ꓞꓳ ꓗꓪ ꓐꓰ ꓧꓳꓽ ꓪꓴꓸ ꓟꓴ ꓢꓲ ꓬꓰ ꓔꓬꓹ ꓟ ꓠꓯꓺ ꓞꓲꓼ ꓦꓲ ꓐꓴ ꓗꓪ ꓥꓪ ꓠꓴꓽ Pakistan ꓗꓴꓷꓼ ꓒꓯꓼ(flag) ꓔꓯ ꓔꓶꓻ ꓔ ꓡꓳ=ꓥꓪ ꓠꓴꓽ ꓠꓬ ꓠꓱꓸ ꓐꓯꓼ ꓢꓴ ꓟꓽ ꓥ꓾ ꓗꓴꓷꓼ ꓕꓱꓻ ꓟ ꓗꓪ ꓦꓱꓻ ꓔ ꓢꓲ꓾ ꓕꓱꓻ ꓗꓪ ꓪꓴꓽ ꓟꓴ ꓡꓹ ꓟ ꓗꓴꓷꓼ ꓕꓱꓻ ꓟ ꓗꓪ ꓟ ꓑ ꓫꓬꓼ ꓡꓰꓽ ꓥ ꓡꓳ=ꓗꓴꓷꓼ ꓕꓱꓻ ꓟ ꓗꓪ ꓣꓱꓽ ꓙ ꓔꓳꓹ ꓙ ꓢꓲ꓾ ꓗꓴꓷꓼ ꓙꓲ ꓓꓴ ꓬꓰ ꓔꓬꓹ ꓟ ꓑ ꓫꓬꓼ ꓥ ꓡꓳ=ꓑ ꓫꓬꓼ ꓮꓸ ꓔꓲ ꓤ ꓙꓳˍ ꓟ ꓙꓵꓻ ꓚꓱꓹ ꓦ ꓡꓱꓻ ꓚꓱꓹ ꓔꓯ ꓘꓶꓻ ꓠꓬꓲꓸ ꓤꓶˍ ꓟ ꓠꓽ ꓟꓽ ꓬꓰ ꓓꓴ ꓥꓳ=

ꓬꓰ-ꓢꓴ ꓘ-ꓣꓲ-ꓢ-ꓔꓴ ꓔꓯ ꓛꓳ ꓢꓴ ꓝꓲ ꓓꓴ ꓕꓳ-ꓟ India ꓗꓴꓷꓼ ꓗꓪ ꓬꓲꓸ ꓪꓴꓸ ꓛꓲ ꓡ ꓗꓷ ꓕꓯ ꓡꓰ꓾ ꓗꓴꓷꓼ ꓕꓱꓻ ꓟ ꓗꓪ ꓘꓴ-ꓜꓲ-ꓞꓳ  ꓙꓳ ꓡ ꓟ ꓥꓳ=ꓗꓴꓷꓼ ꓕꓱꓻ ꓟ ꓗꓪ ꓟ ꓑ ꓫꓬꓼ ꓮꓽ ꓙꓵꓽ ꓦ ꓡꓱꓻ ꓪꓴꓸ ꓓꓵꓻ ꓕꓱꓽ ꓚꓱꓹ ꓟꓽ ꓪꓽ ꓟ ꓪꓴꓸ ꓠꓬꓲ꓾ ꓮꓽ ꓟꓬꓹ ꓟ ꓞꓳ ꓜꓴꓻ ꓐꓴ ꓡꓰ ꓮꓸ ꓔꓲꓸ ꓤꓽ ꓟ ꓞꓳ ꓜꓴꓻ ꓔꓯ ꓕꓲꓽ ꓪꓺꓽ ꓟꓽ ꓘꓳꓹ ꓣꓴ꓾ ꓠꓬꓲ ꓟꓽ ꓟꓵꓺ ꓟ ꓞꓳ ꓤ ꓡꓰ ꓐꓰ ꓬꓰ ꓟ ꓟꓽ ꓬꓰ ꓓꓴ ꓥꓳ꓾ ꓐꓰ Karachi ꓢ-ꓢꓶ-ꓠ ꓗꓪ ꓟ ꓢꓲꓺ ꓡꓲꓺˍ ꓟ ꓐꓰ ꓕꓲꓽ ꓠꓲꓹ ꓕꓲꓽ ꓪꓺꓽ ꓟ ꓙꓵꓽ ꓔꓶꓸ ꓔꓲꓺ ꓒꓽ  Saleh Diago ꓡꓰ Fides ꓓꓳꓽ ꓔꓶꓸ ꓗꓪ ꓐꓯ ꓖꓶꓽ ꓗꓷꓳ=

ꓥꓪ ꓠꓴꓽ ꓑ ꓫꓬꓼ ꓮꓸ ꓔꓲꓸ ꓤ ꓙꓳˍ ꓟ  ꓦ ꓡꓱꓻ ꓚꓱꓹ ꓥ ꓟ Christians, Hindus,Sikhs ꓐꓰ ꓠꓱꓸ ꓐꓯꓼ ꓦ ꓡꓱꓻ ꓔꓬꓹ ꓢꓴ ꓐꓴ ꓗꓪ ꓐꓰ꓾

-ꓤ ꓟꓶꓽ ꓤ ꓐꓴ ꓬꓲꓸ ꓞꓲꓼ(18) ꓘꓳꓼ ꓐꓲꓻ ꓡꓰ ꓕꓯ ꓢꓲꓸ ꓡꓰꓽ ꓡꓯꓽ ꓒꓯꓹ ꓝ ꓟ ꓙꓵꓽ ꓗ ꓫꓬꓹ ꓖꓶꓽ ꓠꓹ ꓟ꓾

-ꓞꓳ ꓫꓵꓽ ꓕꓲꓽ ꓫꓵꓽ꓾ ꓦ ꓡꓱꓻ ꓚꓱꓹ ꓕꓲꓽ ꓟ ꓗꓪ ꓐꓰ ꓡꓰꓽ ꓙꓵꓽˍ ꓟ ꓟꓽ ꓥ ꓥ꓾ꓑ ꓫꓬꓼ ꓮꓸ ꓔꓲ ꓤ ꓙꓳˍ ꓟ ꓙꓵꓻ ꓢꓴ         ꓐꓴ ꓔꓯ ꓟꓲ ꓗꓴꓷꓼ ꓔꓯ ꓙꓵꓽˍ ꓟ ꓙꓵꓽ ꓪꓽ ꓖꓶꓽ ꓠꓹ ꓟ ꓐꓰ ꓗꓴꓷꓼ ꓘꓴꓽ ꓐꓰ ꓠꓱꓸ ꓐꓯꓼ ꓗꓴꓷꓼ ꓢꓷꓸ ꓠꓲꓹ 5% ꓔꓳꓹ ꓙ ꓖꓶꓽ ꓠꓹ ꓟ꓾

-ꓑ ꓫꓬꓼ ꓮꓸ ꓔꓲ ꓤ ꓙꓳˍ ꓟ ꓙꓵꓻ ꓢꓴ ꓦ ꓡꓱꓻ ꓢꓴ ꓐꓴ ꓪꓽ ꓘꓴ ꓦꓲꓻ ꓔꓯ ꓗꓴꓷꓼ ꓙꓵꓽ ꓢꓴ ꓐꓴ ꓡꓰ ꓣꓴꓺ ꓔꓯꓹ ꓙꓰˍ ꓟ ꓗꓪ ꓐꓰ ꓗꓽ ꓕ ꓙ ꓠꓹ ꓟ꓾

-ꓕꓳꓽ ꓶꓽ ꓢꓳꓺ ꓜꓳꓽ꓾ ꓠꓯꓺ ꓞꓲꓼ ꓦꓲ꓾ ꓐꓱ ꓓꓴꓽ ꓗꓪ ꓙꓵꓻ ꓢꓴ ꓐꓱ ꓶ ꓪꓽ ꓘꓴ ꓔꓶꓸ꓾ ꓪꓴꓸ ꓓꓵꓺ ꓕꓱꓽ ꓔꓶꓸ ꓫꓬꓹ ꓖꓶꓽ ꓠꓹ ꓟ꓾

-ꓞꓳ ꓤ ꓜꓴꓻ꓾ ꓢꓷꓸ ꓠꓲꓹ ꓜꓳꓽ꓾ ꓟꓬꓱꓽ ꓬꓰ ꓔꓶꓸ ꓗꓪ ꓑ ꓫꓬꓼ ꓮꓸ ꓔꓲ ꓤ ꓙꓳˍ ꓟ ꓙꓵꓻ ꓚꓱꓹ ꓦ ꓡꓱꓻ ꓚꓱꓹ ꓔꓯ ꓘꓶꓻ ꓠꓬꓲꓸ ꓤꓶˍ ꓟ ꓗꓪ ꓐꓰ ꓗꓽ ꓕ ꓦꓽ ꓟ ꓙꓵꓽ ꓗ ꓕꓲꓽ ꓟ ꓬꓰ ꓖꓶꓽ ꓠꓹ ꓔꓯ

Pakistan ꓢꓲꓽ ꓒꓽ ꓐꓰ ꓗꓴꓷꓼ ꓙꓵꓽ ꓔꓶꓸ ꓗꓪ ꓡꓯꓼ ꓟ ꓠꓬꓲꓸ ꓢꓲ ꓖꓶꓽ ꓩꓴ ꓔ ꓟ ꓔꓯ꓾ ꓗ-ꓔꓳ-ꓡꓲ lawyer Tabbasum Yousaf ꓡꓰ Fides ꓓꓳꓽ ꓔꓶꓸ ꓗꓪ ꓐꓯ ꓗꓷ  ꓟ ꓥ ꓡꓳ=

Photo credit to Vatican News

https://bit.ly/30lZiBd

Add new comment

1 + 3 =

Please wait while the page is loading