ꓒ‐ꓗ. ꓡꓳ ꓒꓱ ꓗꓪ ꓪꓰ.‐ꓑꓳꓽ ꓧꓪ ꓢꓴ ꓡꓲ. ꓣꓳ ꓟꓵꓽ ꓡꓶꓽ ꓔꓲ. ꓡ ꓢꓲ ꓠꓬꓲ ꓫꓵꓻ ꓡꓰ ꓟ ꓓꓳꓽ

ꓒ‐ꓗ. ꓡꓳ ꓒꓱ ꓗꓪ ꓪꓰ.‐ꓑꓳꓽ ꓧꓪ ꓢꓴ ꓡꓲ. ꓣꓳ ꓟꓵꓽ ꓡꓶꓽ ꓔꓲ. ꓡ ꓢꓲ ꓠꓬꓲ ꓫꓵꓻ ꓡꓰ ꓟ ꓓꓳꓽ

1 ꓦ 30 2023 ꓘꓳꓼ ꓕꓯ ꓒ‐ꓗ. ꓡꓳ ꓒꓱ ꓪꓰ.‐ꓑꓳꓽ ꓧꓪ ꓔꓶ. ꓗꓪ ꓪꓰ.‐ꓑꓳꓽ ꓧꓪ ꓢꓴ ꓡꓲ. ꓣꓳ ꓟꓵꓽ ꓡꓶꓽ ꓡ ꓢꓲ ꓠꓬꓲ ꓫꓵꓻ ꓡꓰꓳ ꓐꓰ ꓢꓷ. ꓪ ꓡꓳ꓿ ꓪꓰ.‐ꓑꓳꓽ ꓧꓪ ꓔꓶ. ꓠꓬ ꓒ‐ꓗ. ꓡꓳ ꓒꓱ ꓠ‐ꓟꓮꓳ ꓘ, ꓗꓪ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓪꓰ.‐ꓑꓳꓽ ꓧꓪ ꓢꓴ ꓐꓴ ꓠꓬ ꓠꓯꓼ 9 ꓙꓵ, ꓕꓯ ꓪꓰ.‐ꓑꓳꓽ ꓧꓪ ꓔꓬ ꓟ ꓙꓵ, ꓗꓪ ꓟꓵꓽ ꓡꓶꓽ ꓡ ꓢꓲ ꓠꓬꓲ ꓫꓵꓻ ꓡꓰ ꓟ ꓥ ꓡꓳ꓿

ꓫꓵꓻ ꓡꓰ ꓢꓴ ꓐꓴ ꓠꓬ ꓬꓲ. ꓞꓲꓼ 30 ꓘꓳꓼ ꓙꓳ ꓢꓴ ꓐꓴ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓫꓵꓻ ꓡꓰ ꓢꓴ ꓐꓴ ꓔꓯ ꓒ‐ꓗ. ꓡꓳ ꓒꓱ ꓗꓪ ꓬꓰ ꓙ ꓢꓴ ꓜꓴꓻ ꓡꓰ ꓬꓰ ꓙ ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓗꓳ. ꓗꓷ ꓟ 2022 9 ꓦ ꓕꓯ ꓥ ꓟꓲ ꓒ‐ꓗ. ꓡꓳ ꓒꓱ ꓪꓰ.‐ꓑꓳꓽ ꓧꓪ ꓔꓶ. ꓗꓪ ꓟꓵꓽ ꓡꓶꓽ ꓡ ꓟ ꓑꓶ. ꓓꓴ ꓑ ꓫꓬ ꓠꓬꓲꓽ ꓣꓳ ꓫꓵꓻ ꓡꓰ ꓟ ꓥ ꓡꓳ ꓐꓰ (The 74 media) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿`