ꓒꓬꓴꓸ ꓐꓰ ꓠꓬꓮꓴꓠꓖ-ꓳꓳ ꓡꓳ ꓒꓱ ꓒ ꓕꓲꓺ ꓗꓪ ꓟꓵꓽ ꓙꓵꓽ ꓤ ꓤ ꓕꓲ ꓟ ꓚꓵꓹ ꓗꓷ ꓟ

7 ꓦ 8 ꓠꓬꓲ꓾ ꓠꓬꓲꓸ ꓠꓬꓲ ꓠꓯꓼ 3ꓽ31 ꓙꓵꓹ ꓕꓯ ꓑ-ꓖꓴꓹ ꓟꓵꓽ ꓫꓴ ꓓꓽ ꓟ ꓔꓮꓴꓠꓖ-ꓠꓖꓴ ꓟꓵꓽ ꓙꓵꓽ ꓚꓵꓹ ꓟ ꓔꓯ ꓡꓳꓸ ꓠꓬꓲ ꓔꓶꓸ ꓗꓪ ꓐꓰ ꓖꓴ ꓟꓶꓸ ꓡꓳ ꓔ 48 ꓕꓷꓹ ꓶꓽˍ ꓟ ꓒꓬꓴꓸ ꓡꓳ ꓒꓱ ꓐꓶ ꓓꓳ ꓖꓴ ꓟꓶꓸ ꓗꓪ ꓬꓲ ꓢꓯꓼ (4ꓸ1) ꓙꓳˍ ꓟ꓾ ꓬꓲꓸ ꓢꓯꓼ ꓮ ꓘꓶꓸ ꓟꓽ ꓪꓽ ꓠꓬꓲ ꓟ ꓟꓵꓽ ꓙꓴꓽ ꓚꓵꓹ ꓗꓷꓳ꓾ ꓟꓵꓽ ꓓꓵꓺ ꓗꓷꓳ꓾ ꓐꓰ ꓢꓷꓸ ꓪ ꓡꓳ=

ꓖꓳ ꓟ ꓡꓰꓽ ꓟꓽ ꓞꓲꓺ 7 ꓦ 8 ꓠꓬꓲ ꓠꓯꓼ 1ꓽ52 ꓙꓵꓹ ꓕꓯ ꓥˍ ꓟꓲ ꓟꓮꓠꓓꓮꓡꓮꓬ ꓟꓵꓽ ꓫꓴ ꓓꓽ ꓟ ꓠꓬꓮꓴꓠꓖ-ꓳꓳ ꓗꓪ ꓐꓰ ꓐꓶ ꓓꓵꓽ ꓖꓴ ꓟꓶꓸ ꓡꓳ ꓔ 10 ꓕꓷꓹ ꓛꓲꓽ ꓶꓽˍ ꓟ ꓗꓪ ꓐꓰ ꓪꓴꓸ ꓔꓴ ꓢꓲ ꓬꓲ ꓢꓯꓼ 3ꓸ6 ꓙꓳˍ ꓟ ꓬꓲ ꓢꓯꓼ ꓟꓽ ꓪ ꓠꓬꓲ ꓟ ꓟꓵꓽ ꓙꓴꓽ ꓚꓵꓹ ꓗꓷ ꓟ ꓔꓯ ꓟꓵꓽ ꓘꓳꓼ ꓔꓯ ꓟꓳꓸ ꓐꓯ ꓑꓶ ꓔꓶꓸ ꓗꓪ ꓐꓰ ꓐꓯ ꓩꓴ ꓔ ꓟ ꓗꓪ ꓐꓰ ꓢꓷꓸ ꓪ ꓡꓳ= ꓕꓱ ꓡꓰ ꓟꓵꓽ ꓙꓴꓽ ꓤ ꓤ ꓕꓲ ꓑꓹ ꓕꓲ ꓑꓹ ꓚꓵꓹ ꓩꓴ ꓡ ꓔꓬ ꓟ ꓠꓬ ꓟꓵꓽ ꓙꓵꓽ ꓚꓵꓹ ꓟ ꓬꓲ ꓓꓽ ꓟ ꓒꓬꓱꓼ ꓡ ꓗꓴꓸˍ ꓡꓳ꓾ ꓐꓰ ꓑ ꓫꓬ ꓕꓲ ꓐꓱ ꓡꓰ ꓐꓯ ꓡꓳ=

 Ref:Eleven Media Group