ꓒꓲ-ꓡꓲ-ꓒꓲ ꓗꓪ ꓟꓶꓽ ꓦ ꓬꓲ ꓓ ꓟ ꓦ ꓗꓷ ꓑꓶꓸ ꓓꓴ ꓑ ꓫꓬ 92ꓹ000 ꓟꓽ ꓞꓲꓺ ꓚꓲꓸ ꓛꓬ ꓦꓲꓻ ꓔꓯ ꓡꓳ ꓔ ꓬꓰ ꓪ ꓡꓰꓳ

Photo:Mizzima
Wednesday, June 28, 2023

ꓒꓲ-ꓡꓲ-ꓒꓲ ꓗꓴꓷꓼ ꓖꓴ ꓟꓶꓸ ꓟꓲ-ꓓ-ꓠ-ꓳ ꓗꓴꓷꓼ ꓫꓴ ꓗꓪ ꓙꓳˍ ꓟ ꓡꓳ ꓒꓱ 3 ꓟ ꓗꓪ ꓟꓶꓽ ꓦ ꓬꓲ ꓓꓽ ꓟ ꓦ ꓡ ꓢꓲ꓾ ꓬꓲꓻ ꓙꓬ ꓙꓵꓽ ꓟꓷꓸ ꓡꓰ ꓠꓬꓲ ꓑ ꓫꓬ 92ꓹ319 ꓣꓳ ꓐꓴ ꓠꓬ ꓬꓲꓻ ꓙꓬ ꓟꓽ ꓛꓲꓺ ꓡ ꓟ ꓗꓪ ꓚꓵꓸ ꓙꓰ ꓪ ꓡꓰꓳ ꓐꓰ ꓒꓲ-ꓡꓲ-ꓒꓲ ꓙꓵꓽ ꓪ ꓙꓳ ꓢꓴ ꓮ-ꓙꓲ-ꓢꓲ ꓡꓰ 6 ꓦ 26 ꓠꓬꓲ ꓕꓯ ꓐꓯ ꓡꓳ=

ꓕꓲ ꓠꓽ ꓡꓱꓸꓼ ꓟꓶꓽ ꓦ ꓦ ꓗꓷ ꓟ ꓪꓴꓸ ꓠꓬꓲ ꓞꓳ ꓦꓲ 19ꓹ124 ꓦꓲ ꓠꓬ ꓬꓲꓻ ꓙꓬ ꓟꓷꓸ ꓡꓰꓳ ꓐꓰ ꓑ ꓫꓬ ꓐꓴ ꓪꓴꓽ ꓡ ꓟꓴ ꓡ ꓚꓱꓹ ꓔꓯ ꓬꓰ ꓖꓶ ꓔꓬ ꓟ ꓬꓲ ꓔꓶꓸ ꓗꓪ ꓐꓰˍ ꓟꓲ ꓐꓯ ꓑꓶ ꓔ ꓡꓳ=

ꓢꓲ-ꓐꓴꓹ ꓡꓳ ꓒꓱ꓾ ꓐ-ꓣꓯ-ꓔ-ꓐꓴ-ꓠꓯ ꓡꓳ ꓒꓱ꓾ ꓗꓯ-ꓔꓲ-ꓑ-ꓡ ꓗꓪ ꓙꓳˍ ꓟ ꓢꓷꓸ ꓠꓲꓹ ꓢꓳ ꓦꓲ ꓐꓴ ꓗꓪ ꓬꓲꓻ ꓙꓬ ꓙꓵꓽ ꓟꓷꓸ ꓡꓰ ꓢꓴ ꓐꓴ ꓐꓱ ꓶ ꓕꓲ ꓑꓹ ꓤ ꓔꓬ ꓖꓴ ꓖꓶ ꓔ ꓢꓲ꓾ ꓬꓲ ꓪ ꓐꓴ ꓣꓱꓽ ꓞꓹ ꓟ ꓜꓻ ꓒꓴ꓾ ꓜꓽ ꓓꓴ ꓓꓳ ꓐꓴ ꓐꓰ ꓣꓱꓽ ꓫꓵꓽ ꓣꓱꓽ ꓙꓰꓽ ꓐꓴ ꓔꓯ ꓗꓴꓷꓼ ꓙꓵꓽ ꓢꓴ ꓐꓴ ꓡꓰ ꓬꓰ ꓙ ꓔ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓒꓲ-ꓡꓲ-ꓒꓲ ꓗꓴꓷꓼ ꓗꓪ ꓬꓲꓻ ꓙꓬ ꓙꓵꓽ ꓟꓷꓸˍ ꓟ꓾ ꓡꓽ ꓧꓳ ꓧꓳꓹ (ꓡꓳꓽ ꓓꓳ ꓧꓳꓹ) ꓟ꓾ ꓟꓵꓽ ꓓꓵ (ꓟꓵꓽ ꓙꓴꓽ ꓚꓵꓹ) ꓟ ꓐꓰ ꓮ ꓔꓳꓸ ꓪꓽ ꓚꓲ ꓐꓶꓽˍ ꓟ꓾ ꓕꓱ ꓟꓬ ꓫꓵꓽ ꓒꓬꓱꓼ ꓔꓬ ꓟ ꓥ ꓢꓲ꓾ ꓕꓲ ꓘꓳꓼ ꓘꓴꓽ ꓗꓪ ꓔꓮꓲ-ꓒꓴꓠꓹ ꓟꓲꓽ ꓦꓲ ꓕꓳꓽ ꓥꓳꓽ 20 ꓟ ꓛꓲꓺ ꓙꓱꓼ ꓔꓬ ꓟ ꓥ ꓢꓲ ꓠꓬꓲ꓾ ꓟꓲ ꓠꓯ ꓗꓪ ꓟꓽ ꓓ ꓟꓵꓽ ꓘꓳꓼ ꓬꓲ ꓫꓵꓽ ꓬꓲ ꓙꓰꓽ ꓔꓳꓹ ꓜꓳꓽ ꓪˍ ꓟ ꓗꓴꓷꓼ ꓕꓲ ꓗꓴꓷꓼ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=

Add new comment

15 + 2 =

Quick Links