ꓒꓲ-ꓡꓲ-ꓒꓲ ꓗ-ꓕꓳ-ꓡꓲꓗ ꓗꓴꓷꓼ ꓙꓵꓽ ꓢꓲꓽ ꓒ ꓐꓰꓽ ꓥ ꓟ Benigno Aquino III ꓫꓵꓻ ꓗꓷꓳ

ꓒꓲ-ꓡꓲ-ꓒꓲ ꓗ-ꓕꓳ-ꓡꓲꓗ ꓗꓴꓷꓼ ꓙꓵꓽ ꓢꓲꓽ ꓒ ꓐꓰꓽ ꓥ ꓟ Benigno Aquino III ꓫꓵꓻ ꓗꓷꓳ

6 ꓦ 24 ꓠꓬꓲ ꓕꓯ ꓬꓲ ꓞꓲꓼ 61 ꓘꓳꓼ ꓙꓳˍ ꓟ꓾ ꓧꓶꓸ ꓕꓯ ꓒꓲ-ꓡꓲ-ꓒꓲ ꓗꓴꓷꓼ ꓙꓵꓽ ꓢꓲꓽ ꓒ ꓟꓬꓱꓽ ꓬꓰ ꓗꓷ ꓟ Benigno Aquino III ꓠꓬ ꓟꓶ ꓤ ꓠꓻ ꓗꓷ ꓟ ꓗꓪ ꓐꓰ ꓫꓵꓻ ꓗꓷꓳ= ꓗꓴꓷꓼ ꓙꓵꓽ ꓢꓲꓽ ꓒ ꓐꓴ ꓒꓬꓱꓼ ꓗꓷ ꓟ Corazon Aquino ꓐꓰ Benigno Aquino Jr. ꓬꓲ ꓪ ꓠꓬꓲꓽ ꓣꓳ ꓗꓪ ꓐꓰ ꓦꓵꓻ ꓔ ꓟ ꓤ ꓕꓲ ꓣꓳˍ ꓟꓲ ꓥ ꓡꓳ=  

ꓟ-ꓠꓲ-ꓡ ꓔꓲꓺ ꓒ ꓓꓽ ꓟ Cardinal Jose Advincula ꓡꓰ ꓒꓲ-ꓡꓲ-ꓒꓲ ꓗ-ꓕꓳ-ꓡꓲꓗ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴꓸ ꓟꓳ ꓔꓬ ꓢꓴ ꓐꓴ ꓔꓯ ꓫꓵꓻ ꓢꓴ ꓐꓱ ꓶ ꓪꓽ ꓘꓴ ꓙ ꓖꓶ ꓠꓹ ꓟ ꓕꓵꓼ ꓪ ꓖꓶ ꓗꓷꓳ=

“ꓗꓴꓷꓼ ꓙꓵꓽ ꓢꓲꓽ ꓒ ꓫꓵꓻ ꓗꓷ ꓟ ꓓꓳꓽ ꓑ ꓙ ꓗꓷ ꓟ ꓪꓴꓸ ꓠꓬꓲ ꓮ ꓘꓶꓸ ꓠꓲꓹ ꓟ ꓫ ꓡꓳ= ꓫꓱꓸ ꓤ ꓠꓲꓹ ꓙꓳˍ ꓟ ꓐꓹ ꓐ ꓪꓴ-ꓢ ꓔꓬ ꓗꓪ ꓫꓵꓻ ꓢꓴ ꓐꓱ ꓶ ꓮ ꓟꓶˍ ꓡꓰꓽ ꓣꓳꓽ ꓪꓽ ꓘꓴ ꓙ ꓖꓶ ꓡꓯ꓾” ꓐꓰ ꓐꓯ ꓢꓲ (33) ꓧꓪꓹ ꓟ ꓟ-ꓠꓲ-ꓡ ꓔꓲ ꓒ ꓓꓽ ꓙꓵꓽ ꓪ ꓔꓲꓺ ꓖꓶ ꓑꓮꓲꓽ ꓗꓪ ꓔꓲꓺ ꓒ ꓓꓽ ꓟ Cardinal Jose Advincula ꓡꓰ ꓐꓯ ꓑꓶ ꓗꓷ ꓢꓲ ꓪꓽ ꓘꓴˍ ꓟ ꓗꓪ ꓧꓳꓽ ꓣꓱꓽ ꓗꓷꓳ=

ꓬꓲ ꓠꓬ ꓚꓵꓺ ꓚꓵꓺ ꓗꓴꓷꓼ ꓪꓴꓽ ꓡ ꓟꓴ ꓡ ꓠꓹ ꓟ ꓟꓬꓱꓽ ꓢꓯꓼ ꓕꓵꓼ ꓗꓷ ꓟ ꓢꓲꓽ ꓒ ꓕꓲ ꓣꓳ ꓥ ꓡꓳ꓾ ꓐꓰ ꓔꓲꓺ ꓒ ꓓꓽ ꓟ ꓕꓲ ꓣꓳ ꓡꓰ ꓢꓷꓸ ꓙ ꓟꓳ ꓙˍ ꓟ ꓡꓰꓽ ꓟꓽ ꓞꓲꓺ꓾ ꓠꓱꓸ ꓐꓯ ꓔꓲꓺ ꓒ ꓓꓽ ꓟ ꓐꓴˍ ꓟꓲ ꓢꓲꓽ ꓒ ꓫꓵꓻ ꓗꓷ ꓟ ꓐꓱ ꓶ ꓟꓬꓽ ꓠꓬꓲ ꓠꓲꓹ ꓟ ꓫꓸ ꓔꓬ ꓖꓴˍ ꓡꓳ꓾ ꓐꓰ ꓐꓯ ꓗꓷꓳ=

ꓫꓵꓻ ꓢꓴ ꓠꓬ 2010 ꓘꓳꓼ ꓗꓪ ꓐꓰ 2016 ꓘꓳꓼ ꓗꓪ ꓛꓲꓺ ꓒꓲ-ꓡꓲ-ꓒꓲ ꓗꓴꓷꓼ ꓔꓯ ꓙꓵꓽ ꓗꓷ ꓟ ꓢꓲꓽ ꓒ ꓥ ꓡꓳ=

credit to CNA

https://bit.ly/3diezLT