ꓓꓳꓽ

1 ꓑꓴ-ꓔ-ꓳ ꓟꓯꓼ ꓘꓰꓹ ꓢꓴ ꓐꓴ ꓔꓯ ꓬꓰ ꓙ ꓢꓴ ꓣꓱꓽ ꓬꓯꓼ ꓔꓬ ꓟ ꓓꓳꓽ

ꓑꓴ-ꓔ-ꓳ ꓟꓶ-ꓚꓲ-ꓠ ꓙ ꓖꓴ ꓗꓪ ꓟꓯꓼ ꓐꓶ ꓡꓯ ꓘꓳ ꓡ ꓠꓬꓲ-ꓸ ꓚꓲ ꓛꓬ ꓘꓹ ꓗꓪ ꓔꓬ ꓟꓽ ꓑꓶꓸ ꓢꓴ ꓐꓴ ꓠꓬ ꓑꓴ-ꓔ-ꓳ ꓡꓲ-ꓢꓴ ꓡꓲꓽ ꓒꓰꓼ ꓐꓱꓸꓹ ꓗꓪ ꓛꓰꓹ ꓑꓬ ꓬꓰ ꓔꓬ ꓡꓳ= ꓬꓲ ꓪ ꓐꓴ ꓔꓯ ꓠꓬꓲ ꓬꓰ ꓢꓴ ꓕꓲ ꓜꓴ ꓡꓰ ꓜꓸꓹ ꓒꓴ-ꓸ ꓧꓪꓽ ꓞꓶ-ꓸ ꓗꓳ-ꓢꓱꓸ ꓮ ꓔꓲꓸ ꓤꓼ ꓬꓰ ꓙ ꓗꓷꓳ꓾ ꓐꓰ ꓢꓷ ꓪ ꓡꓳ= ꓬꓲ ꓪ ꓐꓴ ꓔꓯ ꓬꓰ ꓙˍ ꓟ ꓟꓬꓱꓽ ꓕꓱ ꓟ ꓔꓯ ꓡ ꓞꓳ ꓕꓲ ꓣꓳ-ꓸ ꓘꓴ ꓜꓲꓼ ꓞꓳ ꓕꓲ ꓟ-ꓸ ꓜꓴ ꓕꓲ ꓜꓴ ꓡꓰ ꓬꓰ ꓙ ꓡꓯ= ꓛꓲꓺ ꓟꓽ ꓐ ꓡ ꓠꓬꓲ-ꓸ ꓮ ꓙꓵꓽ ꓢꓴ ꓡꓰ ꓔꓳꓹ ꓙ ꓡ ꓠꓹ ꓟ ꓥꓳ ꓡꓳꓸ ꓔꓬ ꓡꓳ-ꓸ ꓐꓰ ꓖꓳ ꓗꓪ ꓬꓰ ꓙ ꓜꓴ ꓧꓳꓽ ꓢꓴ ꓐꓴ ꓡꓰ ꓢꓷ ꓙ ꓟꓴ ꓙ ꓡꓳ ꓐꓰ the lisu times ꓗꓪ ꓐꓯ ꓔ ꓡꓳ=

2 ꓧꓪꓽ ꓧꓶꓽ ꓗꓸ(hot dog) ꓜꓽ ꓢꓲꓸ ꓞꓳ ꓤ 1 ꓣꓳ ꓫꓵꓸꓹ ꓡꓰ ꓢꓲ 15 ꓣꓳ ꓠꓯ ꓞꓲꓼ ꓫꓬ, ꓔꓬ ꓟ ꓓꓳꓽ

ꓕꓮꓲꓹ ꓟꓵꓽ ꓗꓪ ꓐꓰ ꓔꓯꓹ ꓓꓵꓽ ꓡˍ ꓟ ꓧꓪꓽ ꓧꓶꓽ ꓗꓸ ꓕꓲ ꓫꓵꓽ ꓜꓽ ꓢꓲ-ꓸ ꓗ- ꓬꓲ ꓟꓵꓽ ꓒ-ꓬꓹ-ꓔꓳꓹ ꓢꓴ  ꓡꓳ ꓒꓱ ꓗꓪ ꓤ ꓠꓱ (1) ꓣꓳ ꓫꓵꓸꓹ ꓢꓲ 15 ꓣꓳ ꓠꓯ ꓞꓲꓼ ꓦꓲ ꓗꓪ ꓠꓸꓹ ꓫꓬꓹ ꓔꓬ ꓡꓳ= 2022 ꓘꓳꓼ 2 ꓦ ꓟ 7 ꓠꓬꓲ ꓕꓯ ꓧꓪꓽ ꓧꓶꓽ ꓗꓸ ꓜꓽ ꓢꓴ ꓐꓴ ꓦꓰꓼ ꓟ ꓠꓸ꓾ ꓢꓯꓼ ꓦ ꓟꓽ ꓐꓳ ꓗ ꓡ ꓟ ꓥ ꓡꓳ= ꓖꓳ ꓗꓪ ꓐꓰ ꓤ ꓠꓱ ꓕꓲ ꓣꓳ ꓠꓬ ꓢꓯꓼ ꓟꓬ ꓖꓴ ꓡꓰꓳ= ꓧꓪꓽ ꓧꓶꓽ ꓗꓸ ꓖꓳ ꓕꓲ ꓫꓵꓽ ꓔꓯ ꓠꓬ ꓕꓮꓲꓹ ꓗꓴꓷꓼ ꓗꓪ ꓪꓴꓽ ꓟꓽ ꓓ-ꓸ ꓞꓳ ꓤ ꓜꓽ ꓟꓽ ꓙꓲ ꓐꓰ 2022 ꓘꓳꓽ 2 ꓦ 7 ꓠꓬꓲ ꓕꓯ ꓢꓷ ꓙ ꓟꓳ ꓙ ꓔ ꓟ ꓥ ꓡꓳ ꓐꓰꓢꓷꓹꓔ ꓡꓳ=

ꓢꓯꓸ ꓬꓲꓼ ꓡ ꓟ ꓔꓯ ꓙꓵꓻ ꓢꓴ ꓠꓬ ꓫꓵꓸꓹˍ ꓟ ꓔꓯ ꓟꓽ ꓙꓳꓺ  ꓠꓹ ꓟ ꓐꓱ ꓶ ꓬꓰ ꓙˍ ꓡꓳ ꓐꓰ ꓕꓲꓸꓸꓒ ꓪ ꓔꓲ  Pope Francis  ꓡꓰ ꓐꓯ ꓟ ꓓꓳꓽ

Pope Francis ꓡꓰ ꓠꓬꓲꓸ ꓠꓬꓲ ꓪꓴ-ꓢ ꓶ ꓓꓳꓽ ꓫꓱꓹ ꓓꓳ ꓐꓯ ꓟꓸ ꓔ ꓟ ꓗꓪ ꓫꓵꓸꓹˍ ꓟ ꓠꓬ ꓙꓵˍ ꓟ ꓥ ꓡꓳ ꓐꓰ ꓐꓯ ꓟ ꓖꓶ ꓔ ꓡꓳ= ꓙꓵꓻ ꓠꓲꓹ ꓠꓬ ꓫꓵˍ ꓟ ꓔꓯ ꓙꓳꓺˍ ꓟ ꓠꓲꓹ ꓟ ꓔꓯ ꓣꓴ ꓦ ꓖꓶˍ ꓟ ꓟꓽ ꓥ= ꓫꓵˍ ꓟ ꓔꓯ ꓘꓳꓹ ꓣꓴ ꓐ ꓡˍ ꓠ ꓛꓲꓺ ꓬꓰ ꓙˍ ꓟ ꓥ ꓡꓳ= ꓮ ꓡꓲꓳ ꓐꓯ ꓠꓬ ꓫꓵˍ ꓟ ꓔꓯ ꓧꓪꓸ ꓡꓰ ꓐ ꓡˍ ꓟ ꓬꓰ-ꓢꓴ ꓬꓲ ꓠꓬꓲ ꓟꓳ ꓓꓴ ꓥ ꓡꓳ꓾ ꓐꓰ ꓶꓼ ꓓꓳ ꓫꓱꓹ ꓓꓳ ꓠ ꓠꓹ ꓢꓴ ꓐꓴ ꓔꓯ ꓐꓯ ꓟꓸ ꓖꓶ ꓔ ꓡꓳ=