ꓔꓲꓸꓸ ꓒ ꓪ ꓕꓲ Francis ꓠꓬ Calabrian ꓬꓲꓻ ꓙꓬ ꓡꓳ ꓘꓶꓽ Crotone ꓑ ꓕꓲ ꓗꓪ ꓡꓲ ꓘꓪꓼ ꓡꓰ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓔꓬ ꓟ ꓓꓳꓽ

Tuesday, February 28, 2023

ꓔꓲꓸꓸ ꓒ ꓪ ꓕꓲ Francis ꓠꓬ ꓡꓲ ꓘꓪꓼ ꓡꓰ ꓢꓲ ꓦꓬꓼ ꓠꓬꓲ ꓖꓴ ꓡꓰ ꓢꓴ ꓐꓰ ꓢꓯꓸ ꓔꓬ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓔꓬ ꓡꓳ ꓐꓰ ꓢꓷꓸ ꓪ ꓡꓳ= ꓕꓱ ꓡꓱ ꓡꓲ ꓘꓪꓼ ꓡꓰ ꓟ ꓗꓪ ꓤ ꓠꓱ ꓤ ꓫꓵꓸꓹ ꓟꓳ ꓐꓰ ꓞꓳ ꓟꓳ ꓫꓵꓸꓹ ꓟꓳ ꓮ ꓙꓵ 59 ꓟꓳ ꓔꓯ ꓧꓪ ꓟꓶ ꓡꓰꓳ ꓐꓰ ꓬꓰ ꓙ ꓢꓴ ꓜꓴ ꓐꓴ ꓡꓰ ꓐꓯ ꓡꓳ=
ꓔꓲꓸꓸ ꓒ ꓪ ꓕꓲ Francis ꓠꓬ ꓫꓸ ꓢꓴ ꓟꓷꓼ ꓢꓴ ꓐꓴ ꓔꓯ ꓬꓰ ꓙ ꓟ ꓗꓪ ꓠꓲꓹ ꓪꓴ ꓪꓴ ꓡꓰ ꓬꓰ ꓙ ꓡ ꓢꓴ ꓐꓴ ꓔꓯ ꓪꓴ-ꓢ ꓡꓰ ꓠꓴ ꓪ ꓔꓯ ꓮ ꓕꓯ ꓥ ꓠꓲ ꓡꓳꓸ ꓙ ꓝꓲ ꓐꓰ ꓐꓯ ꓢꓲ꓾ ꓐꓯ ꓩꓴ ꓡ ꓡꓳ ꓐꓰ ꓢꓷꓸ ꓪ ꓡꓳ=

ꓕꓱ ꓡꓱ ꓡꓲ ꓘꓪꓼ ꓡꓰ ꓟ ꓗꓪ ꓢꓯꓸ ꓔꓬ ꓢꓴ ꓕꓲ ꓐꓱ ꓠꓬ ꓥꓪꓸ ꓧꓪ ꓡꓲ ꓗꓪ ꓔꓬ ꓢꓴ 180 ꓣꓳ ꓐꓰ ꓢꓯꓸ ꓔꓬ ꓢꓴ ꓮ ꓙꓵ 250 ꓣꓳ ꓔꓬ ꓡꓳ ꓐꓰ ꓬꓰ ꓢꓷꓸ ꓪ ꓡꓳ= ꓝꓮꓲ ꓟ ꓞꓲ ꓢꓯꓸ ꓔꓬ ꓢꓴ 80 ꓣꓳ ꓔꓯ ꓥ ꓟꓲ ꓬꓰ ꓙ ꓪ ꓡꓰꓳ ꓐꓰ ꓮꓠꓢꓮ ꓗꓪ ꓐꓰ ꓐꓯ ꓩꓴ ꓡ ꓡꓳ ꓐꓰ ꓢꓷꓸ ꓪ ꓡꓳ=