ꓔꓲꓺ ꓒ ꓓꓽ Cardinal Charles Bo ꓡꓰ ꓢꓯ. ꓬꓲꓼ ꓡ ꓑꓮꓲꓽ ꓔꓯ ꓟꓲ‐ꓚꓲ‐ꓠ ꓡꓳ ꓒꓱ ꓮꓴꓠꓖ‐ꓠꓮꓠ ꓗꓪ ꓬꓰ ꓗꓷ ꓟ ꓓꓳꓽ

ꓔꓲꓺ ꓒ ꓓꓽ Cardinal Charles Bo ꓡꓰ ꓢꓯ. ꓬꓲꓼ ꓡ ꓑꓮꓲꓽ ꓔꓯ ꓟꓲ‐ꓚꓲ‐ꓠ ꓡꓳ ꓒꓱ ꓮꓴꓠꓖ‐ꓠꓮꓠ ꓗꓪ ꓬꓰ ꓗꓷ ꓟ ꓓꓳꓽ

4 ꓦ ꓟ 8 ꓠꓬꓲ 2023 ꓘꓳꓼ ꓟꓶꓼ ꓘꓶꓼ 5 ꓙꓵ, ꓕꓯ  ꓟꓲ-ꓚꓲ-ꓠ ꓡꓳ ꓒꓱ ꓮꓪꓠꓖ ꓠꓮꓠ ꓗꓪ ꓙꓳˍ ꓟ ꓙꓲꓻ ꓫꓬ ꓢꓴ ꓚꓳꓡꓴꓟꓐꓮꓠ ꓪꓽ ꓘꓴ ꓦꓲꓻ ꓓꓽ ꓟ ꓗꓪ ꓔꓲꓺ ꓒ ꓓꓽ Cardinal Charles Bo ꓡꓰ ꓧꓳꓽ ꓪꓴꓸ ꓟꓴ ꓢꓲ ꓠꓬꓲ ꓢꓲꓽ ꓫꓬꓹ ꓟ ꓠ: ꓛꓳꓼ ꓠꓬꓲ ꓗꓪ ꓢꓲꓺ ꓒ ꓬꓰ-ꓢꓴ ꓫꓵꓻ ꓟ ꓗꓪ ꓐꓰ ꓢꓯ. ꓬꓲꓼ ꓡ ꓑꓮꓲꓽ ꓔꓯ ꓬꓰ ꓡꓳꓹ ꓬꓰꓳ=

ꓢꓲꓺ ꓒ ꓬꓰ-ꓢꓴ ꓫꓵꓻ ꓟ ꓗꓪ ꓐꓰ ꓢꓯ. ꓬꓲꓼ ꓡ ꓑꓮꓲ: ꓠꓬ ꓣꓳ ꓙꓲ-ꓢꓴ ꓢꓲꓺ ꓤ ꓐꓴ ꓐꓱ ꓶ ꓮ ꓘꓶ. ꓣꓺ ꓚꓵꓻ ꓟ ꓑꓮꓲ: ꓥ ꓡꓳ ꓐꓰ ꓔꓲꓺ ꓒ ꓓꓽ Cardinal Charles Bo ꓟ. ꓟꓲ: ꓚꓺ ꓟ. ꓖꓶ ꓗꓷꓳ=

ꓝꓮꓲ ꓔꓲꓺ ꓒ ꓓ: Cardinal ꓡꓰ ꓢꓯ. ꓬꓲꓼ ꓡ ꓑꓮꓲ: ꓗꓪ ꓗꓹ ꓛꓲ ꓢꓲ ꓠꓬꓲ ꓢꓲꓺ ꓒ ꓬꓰ-ꓢꓴ ꓫꓵꓻ ꓟ ꓗꓪ ꓐꓰ ꓢꓯ. ꓬꓲꓼ ꓡ ꓟ ꓓꓳ: ꓔꓯ ꓣꓳ ꓛꓳ ꓒꓯꓹ ꓐꓴ ꓔꓯ ꓐꓯ ꓟ. ꓖꓶ ꓓꓴ ꓬꓰ ꓡꓯ ꓐꓰ ꓐꓯ ꓟ. ꓖꓶ ꓔ ꓡꓳ= ꓟꓬ‐ꓟ ꓗꓴꓷꓼ ꓢꓲ ꓡꓲ, ꓟꓶ ꓠ, ꓟ ꓥ ꓟꓲ ꓔꓲꓺ ꓒ ꓓꓽ ꓡꓰ ꓪꓽ ꓘꓴ ꓙ ꓖꓶ ꓗꓷꓳ꓿