ꓔꓲꓺ ꓒ ꓪ ꓔꓲꓸ Francis ꓠꓬ ꓟꓳꓥ-ꓖꓳ-ꓡꓲ-ꓬꓸ ꓗꓪ ꓶꓼ ꓓꓳꓽ ꓫꓱꓹ ꓓꓳꓽ ꓚꓳꓻ ꓙꓰ ꓠꓹ ꓟ ꓬꓲ ꓪꓴꓸ ꓔꓴ ꓗꓷꓳ

Credit: Vatican news
Friday, September 01, 2023

ꓔꓲꓺ ꓒ ꓪ ꓔꓲꓸ Francis ꓠꓬ ꓟꓳꓥ-ꓖꓳ-ꓡꓲ-ꓬꓸ ꓗꓪ ꓶꓼ ꓓꓳꓽ ꓫꓱꓹ ꓓꓳꓽ ꓚꓳꓻ ꓙꓰ ꓠꓹ ꓟ ꓠꓬꓲꓸ ꓠꓬꓲ 2023 ꓘꓳꓼ 9 ꓦ 1 ꓠꓬꓲ꓾ ꓠꓯꓼ 6ꓽ41 ꓙꓵꓹ ꓕꓯ ꓣꓳ-ꓟ ꓡꓳ ꓒꓱ ꓗꓪ ꓐꓰ ꓓꓳ ꓙꓰ ꓗꓷꓳ꓾ ꓐꓰ ꓢꓷꓸ ꓪ ꓡꓳ=

ꓟꓳꓥ-ꓖꓳ-ꓡꓲ-ꓬꓸ ꓡꓳ ꓒꓱ Ulaanbaatar ꓗꓪ ꓛꓲ ꓬꓰ ꓠꓹ ꓟ ꓠꓬ ꓐꓬꓱꓻ ꓦꓲꓻ ꓜꓶꓽ ꓢꓲ 9ꓽ30 ꓙꓵꓹ ꓛꓲ ꓙꓰ ꓠ ꓗꓹ ꓟ ꓥ ꓡꓳ= 

ꓶꓼ ꓓꓳꓽ ꓫꓱꓹ ꓓꓳꓽ ꓚꓳꓻ ꓙꓰˍ ꓟ ꓐꓰ ꓗꓴꓸ ꓙꓲꓽ ꓙꓳ ꓢꓲ ꓔꓲ ꓒ ꓪ ꓔꓲꓸ ꓡꓰ “ꓟꓳꓥ-ꓖꓳ-ꓡꓲ-ꓬꓸ ꓗꓪ ꓙꓰˍ ꓟ ꓠꓬ ꓮ ꓘꓶꓸ ꓪꓴꓽˍ ꓟ ꓟꓵꓽ ꓗꓪ ꓑ ꓫꓬ ꓮ ꓔꓲꓸ ꓤ ꓡꓰ ꓙꓳˍ ꓟ ꓕꓲ ꓘꓴ ꓗꓪ ꓙꓰˍ ꓟ ꓥ ꓡꓳ= ꓟꓳꓥ-ꓖꓳ-ꓡꓲ-ꓬꓸ ꓠꓬ ꓬꓲꓸ ꓟꓶꓽ (ꓬꓲ ꓑꓶꓸ) ꓟꓽ ꓙꓳ ꓟ ꓡꓰ ꓐꓰ ꓗꓹ ꓡꓳ= ꓑ ꓫꓬꓼ ꓠꓲꓸˍ ꓥ ꓟꓲ ꓬꓲ ꓪ ꓡꓲꓽ ꓒꓰꓼ ꓠꓽ ꓮ ꓘꓶꓸ ꓪꓴꓽˍ ꓡꓳ= ꓕꓱ ꓡꓱ ꓪꓴꓽ ꓓꓰˍ ꓟ ꓟꓵꓽ ꓗꓪ ꓟ ꓢꓲ ꓡꓲ ꓟ ꓔꓯ ꓪꓳ ꓫꓳꓸ ꓐ ꓡˍ ꓠꓬ ꓙꓲꓻˍ ꓟ ꓮ ꓟꓬꓹ ꓒꓬꓱꓼ ꓡˍ ꓥꓳ ꓐꓰ ꓥꓳ ꓡꓳꓸˍ ꓔ ꓡꓳ”꓾ ꓔꓲ ꓒ ꓪ ꓔꓲ ꓡꓰ ꓐꓯˍ ꓡꓳ=

ꓟꓳꓥ-ꓖꓳ-ꓡꓲ-ꓬꓸ ꓗꓪ ꓗ-ꓔꓳ-ꓡꓲꓗ ꓘꓴ ꓜꓲꓼ ꓞꓳ ꓢꓲ ꓤ 1ꓹ500 ꓣꓳ ꓛꓲˍ ꓡꓰꓽ ꓔꓬꓹ ꓡꓳ= ꓟꓬꓽ ꓠꓬꓲ ꓠꓬ ꓐꓴ-ꓓ ꓦ ꓡꓱ ꓢꓴ ꓐꓴ ꓥ ꓡꓳ= ꓔꓲ ꓒ ꓪ ꓔꓲ Francis ꓥˍ ꓟꓲ ꓟꓳꓥ-ꓖꓳ-ꓡꓲ-ꓬꓸ ꓗꓴꓷꓼ ꓗꓪ ꓛꓲ ꓬꓰ ꓠꓬꓲˍ ꓟ ꓬꓲꓸ ꓪꓴꓸ ꓟ ꓔꓲꓺ ꓒ ꓪ ꓔꓲ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=

Add new comment

5 + 3 =

Quick Links